彭彭堂

由於去左旅行, 所以我無報中大日本語秋季課程(中級一), 雖然同學仔猛叫我一齊讀, 但一開課連續唔上三四堂, 比老師ge印象都唔係咁好啦, 又唔知係咪高橋先生教, 如果係, 就話同佢講聲, 再叫佢幫我溫習番頭幾課都OK.

去完旅行返黎, 雖然每個禮拜六依舊有吃喝玩樂會話班, 但我個人係比較懶散, 係要去學校返下學會好d… 結果, 機緣巧合下, 好快手就報左初級日語會話班, 每星期一節兩小時, 共十四課.

上課前o個朝早, 突然在想: 會唔會係先生教呢?

即係去查一下之前同高橋先生來往的email: 佢教一三, 二四… 心想, 佢唔會教足五日掛…

傍晚, 又去左做登山練習… 好輕易地就爬到上課室! 哈哈!

一開門, 老師已經坐左晌度: 高橋先生!

天呀… 我搵佢私人小組上堂都唔使咁貴呀!

而我呢… 連日語一月至十二月, 一號至三十一號都背唔出, 點讀呢個班呀! 可唔可以即刻轉去o個個卡拉OK咩咩班呀?!