這件事是怎樣發生的, 我應該是最清楚的那一位, 因為是由我自編自導自演. 事情會發展到這樣的地步, 亦是始料不及的.

重陽節當日:

哥: 十二月我打算跟團去沖繩…
彭: 我又去我又去… 你請我去啦… 我識日文喎(?!)… 帶你去食野啦…
哥: 睇下點先啦…
彭: 唔請都出一半啦… 好啦好啦…

某天跟N對話:

彭: 哥哥話去沖繩四天喎, 我屈緊佢請我去…
N: 幾時?
彭: 十二月頭咁上下啦…
N: 我又去得唔得呀?
彭 得, 都係跟團姐, 不過四天團要四千, 仲有小費四百喎!
N: 咁… 去關島都得啦…
彭 關島… 幾錢先… 都得… 陽光與海灘, 我鐘意喎! 等我搵agent查下d料先… 好似P都想去旅行, 等我都問下佢先.

某天跟P對話:

彭: 有無興趣十二月去旅行呀?
P: 有, 幾時? 同邊個?
彭: 你生日個時… 同N去關島…
P: OK, 要VISA嗎?
彭: 要, 我有喇… 咁我訂機票先, N都未有VISA…
P: 批得假黎, 要兩星期左右先去申請VISA喎?!
彭: 無問題, 慢慢啦, 最緊要機位OK就得啦!
(即日預訂了三張往關島的機票, 亦買了るるぶグアム’08)

某個星期五跟小娜吃晚飯:

娜: 你個關島之旅攪掂未?
彭: 未呀, 仲有一個團友要過幾日先去攞VISA, 跟住先book酒店, 住PIC一個價錢包三餐, 又包所有設施, 唔使煩唔使plan… 最多係比錢出海睇下海豚… 潛水相機都借埋喇…
娜: 聽日個港龍飛撲精選會係邊度呢? 會唔會係日本呢?
彭: 點會呀, 條線啱啱開, d package三日兩夜都做緊三千幾咋… 家下邊度仲有千幾蚊飛日本咁筍啦!
(晚飯食到十一點半)

零晨十二時半:

(沖完涼, 聽到有sms…難得未瞓)
sms內容: 港龍飛撲精選真係福岡同仙台, $1760, 死…

彭: 點呀, 係咪去姐? (帶點奸笑!) 去啦去啦, 最衰N未ready去日本啦, 唔係我都想去呀…
娜: … 都無假…
彭: 真係好抵, 不過有無飛放出黎架?!
娜: 有飛喎… 趕得切去睇紅葉喎… (自言自語… )
彭: 我check下12月19號(deadline)出發踏住聖誕返個d有無先…要 24號返先有位喎… (自言自語… )
(下刪五分鐘對話, 基本上係重覆又重覆…)
彭: 即係去唔去呢?
娜: 唔去喇… d yen咁高… 又無假…
彭: 不過你聽日又會再睇下仲有無機票個喎…
娜: 唔去唔去唔去唔去…
彭: 聽日再問你, 你記住比番呢個答案呀!

(收左線, 我張個sms forward左俾N.)

星期六早上九時半, sms中:

N: 咁你想點呀?
彭: 無, 講聲你知姐!

電話中:

N: 去福岡都得個喎!
彭: 吓, 咁大件事… 你… 你又話唔去日本?
N: 我話唔去東京咋嘛(?!), 而且我去完沙巴返黎病到死死下, 曬得滯, 宜家發番出黎, 病到死死下… (下, 係真唔係呀?!)… 福岡可以去屋台食下野…
彭: 咁… 咁… 我問下P啦…

彭: 改去福岡好唔好? 有港龍特價機票喎!
P: OK, 橫掂我未去銀行比o個800蚊做美國VISA… 不過福岡晌邊樹架?! (下, 又得?!)

(把小娜吵醒)
彭: 唔好鬧呀… 大件事啦… 我… 我改去福岡呀…
娜: 吓…
彭: 你去唔去呀? (昨晚說的話呢, 去左邊呀! 好明顯, 係想搵個領隊… )
娜: ……

結果, 就在星期六中午時, 訂了四張往福岡的港龍機票.

怎樣也想不到, 在回港後兩個月, 再會踏足日本的土地… 而決定訂票至出票, 在三小時內完成… 團友的組合, 又是不可思議!

2007年日本最終回… 真的, 是最終回… 尋找最後的一片紅葉(被人話好娘 >.<)… 改… 領隊最初改了一個很貼切的四字好名, 但是… 最後得高人指點: 飛撲之旅! 唔… 正式全名應該為: 若是你能看見飛撲精選之旅!
創作者介紹

彭彭堂

ec2eat 發表在 痞客邦 PIXNET 留言(31) 人氣()


留言列表 (31)

發表留言
  • OTVictor
  • 勁、勁、勁。
  • N
  • 原汁原味!一字不漏!我鍾意.........
  • joeyee
  • 千幾銀去日本?!
    有好野都一早話比大家知, 哼!
  • supageti
  • 前晚我也是一夜之間決定仲訂埋機位(用 mileage 換)。
  • 小彭
  • 係咪22500miles去福岡?!
  • 阿茄
  • 等等,有問題,咁哥哥又如果?屈唔屈到佢出一半呀?如果得,又可能走多轉囉...呵呵呵
  • 劉鄧
  • 重陽假期?咁咪即喺北海道返來兩個星期又想飛?好利害噃!
  • 小彭
  • 我哥哥早我兩日出左發啦! 無可能發生喇!

    重陽節... 即係呢... 哎呀... 兜唔到...
  • supageti
  • 係俾依個 promotion 吸引,打去問原來要 16/3 完成行程(開頭以為 fly before 16/3),但挑起左條筋,咪即刻扑鎚 16/3 飛関西(福岡成個禮拜回程都無位 >_<),連埋 Easter 可以慳番幾日假。
  • carjaswong
  • 真開心!不過真係請我去都行唔開.唯有"鄧"你地開心.
  • p
  • 係咩…我有問福岡係邊咩?haha可見我對你的信任,不比隊長少!知你不用賣我豬仔,所以答了ok,才問「福岡係邊?」
  • 小彭
  • 如果係fly before 3/16, 我就...
    其實, 你係之後先問我福岡晌邊呢! 我成日都話網絡上ge野不可信架啦! ^.^
  • 老c
  • 咦, 你地又去福岡? 我23/12去喎, 我地帶埋小boo (bb囡)去八日, 不過得頭兩日響福岡市內......
  • 大頭仔
  • 呢次真係好抵,我出咗機票才有這個優惠。要不然我也飛撲過去福岡或者仙台呀!

    哈哈,真的是最終回吧!
  • 小彭
  • 老c, 我地都住左福岡兩晚, 一頭一尾. 記得記得記得去有muji outlet個outlet. 揸車去方便d.

    鳥栖個outlet, 我地去個日(星期日)close左三分一(似係裝修). 激死! 豪斯登堡去由布院(via鳥栖), 中途有好多野玩喎!
  • 小彭
  • 有想過去仙台, 不過時間上只可去4/5日, 去仙台flight schedule唔多好, 一出發就無左兩日, 而且去仙台要over 4 小時, 好遠... 都係福岡好!
  • 小娜
  • 到底”若是你能看見”係咩o黎o架 ... 好熟眼 ...... ◎◎

    記錄番:

    唔去的三大理由:
    一.冇假
    二.Yen貴
    三.一定比阿媽鬧

    去的理由:
    一.冇假 ... 不過可以囉time off
    二.Yen貴 ... 不過實有人有貨o既
    三.一定比阿媽鬧 ... 不過實有方法攪得掂

    So ......

    Muji Outlet,老師,唔去的話以後唔啋你!
  • 小彭
  • 啊... 原來一直記唔起的, 就係阿媽!
  • 老c
  • 有muji的outlet, 係咪marinoa city? (唔知有冇串錯)定係邊個?

    鳥栖我都想去架喎....

    俾個行程你地comment下, 好冇?

    day1 福岡
    day2 取車, 去門司港+下關, 晚上回marinoa city
    day3 駕車去豪斯登堡過聖誕
    day4 半日豪斯登堡, 半日鳥栖outlet, 黃昏去湯布院
    day5 半日湯布院, 黃昏去別府
    day6 harmony land
    day7 半日別府, 回福岡, 還車
    day8 回港
  • 小娜
  • Muji outlet at Marinoa city, right.

    鳥栖要去,去!

    個人覺得個路線差唔多將九州版圖上最東最西同最北都去到,車程好長哦,路費又貴,我明白豪斯登堡同Harmony Land老師係一定要去,我會覺得o係呢度中間加個點好過去門司下關.

    如果o係ToCoo book車,佢o地建議你o係英文page book,再標明你想book o個個plan,你知有o的平plan只o係日文page出現,而英文冇.
  • 小彭
  • 根據張泊車飛顯示, 我地晌MARINOA CITY停留左兩個半鐘, 不過仲未行晒, 亦未行夠喎!

    其實, 去太宰府都幾好.
  • 阿茄
  • 未行夠下次再去囉...呵呵呵!
  • 小貝
  • 原來某個星期五小娜打比我問九州d野係......
  • 小彭
  • 係11月23日呀, 我記得.
    不過都係無去度個邊, 因為太遠喇!
  • 小貝
  • 係係個日, 個刻佢未無話自己去...
  • 老c
  • 娜, 係呀, tocoo叫我用英文page, 但我發覺而家英文版都有最平的plan呀, 所以我用英文版book左!

    我想去門司果條行人隧道呀.....

    鳥栖我預四個鐘, marinoa就得兩個鐘多d.....係咪唔夠? 邊個正d?
  • 小彭
  • 邊個正真係好難講. 我鐘意marinoa多d.

    鳥栖我行左一個鐘另外坐左一個鐘, 不過有中途離團ge團友回程時再去拼過.

    我晌marinoa行左兩個鐘坐左十五分鐘. 如果唔係趕住還車, 再行多一兩個鐘都可能得, 團友都未行摩天輪/uniqlo/夾公仔個邊.
  • 小彭
  • 仲有, marinoa有the kiss outlet個喎!
  • 老c
  • The Kiss都有outlet??? 咁就一定要去la......(我好中意架)
  • 小貝
  • 鳥栖一定要去, 買到你破產....
  • 小娜
  • 係呀係呀!第二個就破o左產o架喇,不過小貝財力雄厚 ...... (閃!)
【 X 關閉 】

恭喜您是我們挑選到的讀者!希望能了解您的
【痞客邦部落格使用行為】

填問卷將有機會獲得痞客邦獨家好禮喔!(注意:關閉此視窗將不再出現。)

立即填寫取消