無錯, 呢個係晌出發前寫嘅後記!
(命題者, 領隊是也)

今次旅遊的組合, 很古怪, 有d擔心架…其實, 每位團友都可稱得上係我嘅同學, 之但係佢哋之間又唔係同學囉!

從決定出發, 訂票, 計劃行程, 是在不足一個月之內去完成. 以領隊的能力, 再加埋我小小的意見, 其實絕對是充分有餘. 耐何人總是貪心的, 又只怪我遲遲唔肯去學車, 又其實呢次係一個無特定主題的行程, 所以到出發前一天, 仲未可以決定去邊度, 住邊度. 在我黎講, 其實係唔緊要的, 我喜歡刺激及挑戰的, 當然也要搵啱對手呢! 再者, 團友們從來沒有問過我究竟會去邊度.

我知道, 理想的出發日期應該係12月1日. 多謝領隊作出遷就, 我知你要付出多一點, 才可延遲出發, 無以為報… ドゥーブルフロマージュ… 希望個味道同富良野食到嘅都差唔多啦!

多謝N准我掉底你晌車站. 風景加溫泉, 我知唔係你杯茶, 多謝你作出配合, 希望你能平安回來吧!

多謝P對我的信任, 縱然我懷疑你會對領隊信任多一些, 始終在你面前, 我是一個輕佻的人啊! 很高興又再同你一齊去旅行.

我估, 這一次旅程, 遺憾總會有的, 否則, 又沒有下一個旅程… 但與此同時, 也會擁有著輕鬆快樂的回憶. 感覺完美, 期盼中!

出發前, 常跟領隊說: 我哋今次旅行一定會嗌交… 今次唔嗌, 下次一定會…

希望, 係下一次先夢境成真吧!

後記, 真的寫在出發前.

2007最終回... 出發!

ec2eat 發表在 痞客邦 PIXNET 留言(20) 人氣()


留言列表 (20)

發表留言
  • yoshikomui
  • 最終回...唔...真唔真O架? :P
  • carjaswong
  • 先出後記!有新意!
  • lau2tang
  • 又出發la?
    玩得開心啲!
  • 大頭仔
  • 嘩,正呀,同 yoshi 一齊出發!
  • supageti
  • 順風順水!
  • 小彭
  • 的確係玩得開心, 順風順水, 因為... 我已經返左黎. ^.^
  • OTVictor
  • 嘩! 勁呀! 勁過Peter Pan.
  • galaxy
  • 剛剛睇完這篇, 你就話返左黎, 咁快 ?!
  • N
  • 謝謝領隊及各位團友,這個旅程我很開心
    領隊:謝謝你的安全駕駛,我很安心,有時我知你很攰,辛苦哂
    小彭:當我一個人在火車內,身上沒有電話,又唔係好知自己o係邊的時候,感覺超...爽,我好鍾意一個人去旅行搭火車嘅感覺
    P: 謝謝你充當我的攝影師,替我這次旅程留下點點回憶
    原來咩都唔知,唔駛用腦嘅旅程,係咁幸福嘅!
  • supageti
  • 咦 ~ 咁好有可能唔係 2007 最終回喎 ~ ^_^
  • 小彭
  • 最終回, 一定係... 因為我無假喇! ^.^

    其實領隊第一日揸車已經想讚吓佢架喇, 危機處理又ok, 不過驚佢"hill", 都係留到返香港先同佢講! 唔... 我估佢應該出發前晌機舖練過吓先.
  • 阿茄
  • e....又出左後記喇,即係寫完啦...(即閃)
  • 小彭
  • 阿茄今次咁醒ge, 比你發現左呢個玄機... 包左底, 無爛尾!
  • p
  • e…都話你了解我架啦…不過,你這個隊副也相當稱職!
  • 小彭
  • 你都無叫過我隊副! >.<
  • 小娜
  • 點解N會見到我攰?我第一日好興奮o架!尤其係見到路邊Uniqlo o個陣!

    諗番其實幾日下午都有勁眼訓o既時候,不過次次都係落車o既時候,一上車又醒番!

    我 ... 其實出發前 ... 的確係玩o左幾轉灣岸 ... 不過始終都贏唔到o的男仔,男仔打機真係醒o的!

    其實我都仲係好疑惑 ... 到底P有冇覺得比人搵笨 ......

    P學識埋單點講未呢 ......
  • 小彭
  • UNIQLO... 係, 係我話唔去GE, 我自首! 其實應該停15mins去個廁所.

    day 3你直頭揸到上晒身... 我都玩到上晒身...

    我依然未教P認下拉麵個片仮名...
  • 小貝
  • 己經出發????好亂呀???
  • 小彭
  • 總之, 返左黎啦! ^.^
    解釋多一次: 呢一篇的確係出發前就寫左儲定ge稿, 但留到返左黎先出的一篇.
  • 小貝
  • 明白了明白了...