某天中午跟友人來了尖沙咀とん吉吃午餐. 二人共點了車海老定食及豬扒拼蠔定食. 全部食物之前大家也在這裡吃過, 以為…

先吃近來人氣之選: 吉列蠔




認真的把蠔切開, 有蠔的味道撲出, 入口也有鮮味, 不過是預期之中的味道, 不算震撼.


再吃車海老, 友人說忘了叫店家代切, 以免弄得甩甩離離. 吉列脆漿很厚, 但會自動去掉外層的話… 噢, 可以少吃點熱氣東西啊! 我吃的蝦還可以, 普通水準, 但友人的那隻據說鮮味不足.


吉列豬扒可以說是這裡的主打吧! 豬扒又鞋又實, 不夠鬆軟, 我半開會笑的說魚鱻做得比這裡好. 再多咬一口, 噢, 豬扒底濕了水的… 不知為何, 那一刻我竟沒作出投訴. 或許, 我已決定不再來這裡了, 雖然我明白食運是很詭異的一回事, 但要很安心地吃一客吉列豬扒定食的地方也有很多, 而且更便宜呢! 要吃吉列蠔嘛, 去Oriental Curry吧, 那蠔真的很有鮮味, 不過比較細小而已!

正常的Oriental Curry西班牙奄列吉列蠔定食(要求個蛋唔好咁熟, 真係多左d蛋漿o架!)


走蛋的西班牙奄列吉列蠔定食


(both by 小妹)
創作者介紹

彭彭堂

ec2eat 發表在 痞客邦 PIXNET 留言(10) 人氣()


留言列表 (10)

發表留言
  • P
  • 尖沙咀這家只吃過一次 (幸好那次是為了用掉 $60 coupon 而去的),但深深覺得銅鑼灣的好太多。
  • carjaswong
  • 我最近都去了尖沙咀店一兩次,雖不及銅鑼灣本店,但又不至於咁差喎......
  • 小貝
  • 炸野好吸引,可惜上次燒完野食後兩個人都病到七彩, 飲左中藥十幾日.... 無晒mood >.<
  • 小彭
  • 我始終未去過銅鑼灣店, 原來真係有分嘅!
    小貝, 小心身體啊, 有好多野等你地去食. 不過呢輪真係好多人病喎, D病人圍住我黎坐!
  • 小頭
  • 咳咳咳,好熱氣呀,以羅合用嗎?
  • 小妹
  • 都好....可以慳返二百蚊.
  • 小彭
  • 要飲以羅, 不過飲晒, 要入貨.

    小妹, 去繼續discovery in wanchai好過啦!
  • joeyee
  • 你幾時去架?

    我月頭去過一次, 好好味播,
    蝦又彈牙, 蠔又juicy,
    不過和牛就真係好吾惦!
    我覺得銅鑼灣同尖沙咀無乜分別喎!
  • 小彭
  • 咁, 我黑仔囉! 仲有, 可能係同行的友人黑住我囉!
  • 小貝
  • 多謝,希望飲埋今晚個劑中藥唔駛再飲就好了, 睇左我幾舊水. 嗚嗚. 至於隔離個個相信要睇成千銀至可以好番........咁就無左一晚一泊兩食既溫泉餐. 所以呢,各位要小心身體.
找更多相關文章與討論