收到友人電話, 說有郭富城演唱會門卷. 當年四大天王, 我只付費看過其中兩位的演唱會各一次, 其中一位就是Aaron. 跟Aaron也算有點緣, 近距離遇過兩次.


演唱會演出場地是博覽館. 從香港站出發, 出示當日門票, 可以$42換購即日來回車票. 友人來到香港站時已是七時四十五分, 沒時間吃飯, 便乘機場快線往會場. 列車上, 感覺怪怪, 我幻想著去機場搭飛機.

下了車, 跟著人潮走, 一踏入場館, 剛好演場會正式開始.


一坐下, 大件事… 點解個位比前排還要低? 雖然是贈卷, 亦只是中價票($300)位, 但沒理由是這樣的. 整晚, 我就像坐在山谷下, 看著一堆人頭.

說回Aaron吧! 他的表演有如玩雙槓, 高低槓以及平衡木… 但一邊唱歌, 沒有喘氣.






勁歌熱舞不用說, 還有展示他一身的肌肉線條.






自彈自唱… 好明顯不會彈琴而且沒有美感, 但亦努力過. 超越360度之舞台, 第一次見, 又幾得意, 亦可加強視覺效果.

什麼是超越360度之舞台?








不過, 我其實只會Aaron的90年代歌曲. 他出道的第一首國語歌及廣東歌, 我可以輕易說出, 也會唱, 很高興他也有唱.






聽過狂野之城後, 我們便決定撤退, 大概離完場只剩四首歌吧! 我們也怕要迫機場快線呢!

友人的評語: 唔係唔好睇, 不過成晚都睇佢唔到!

Aaron的演唱會其實真的不錯, 很精彩, 娛樂性豐富, 唱得也不算差(我一向能接受他的演繹方式), 亦很落力. 但當晚有一半以上的歌曲也未聽過的話, 就會有點悶, 特別是當我完全看不見他而前面又人來人往的時候.

回到九龍站, 便去佐敦吃晚飯, 我便提意去堂記.


點了兩碗鴨腎菜乾豬骨粥, 腸粉要雙拼, 因為我貪心. 友人點了燒鴨拼臘腸腸粉, 而我點了魚片拼豬潤腸粉.

用料十足的豬骨粥


燒鴨拼臘腸腸粉: 味道很濃, 配料宜選一濃一淡. 友人說燒鴨不夠香.


魚片拼豬潤腸粉: 我選的, 當然會說好… 的而且確, 腸粉皮很滑很薄, 很好吃啊!! 今次的豬潤比上次好, 我沒吃到魚片有骨, 但友人吃到.


今晚, 不用吃糖水了.

ec2eat 發表在 痞客邦 PIXNET 留言(8) 人氣()


留言列表 (8)

發表留言
  • lau2tang
  • 今晚Winnie撇下我,同神秘人去了看這個演唱會!其實我都好想睇呢!^~^
  • 小妹
  • 睇完幾段youtube都唔係好明個舞台點超越360度? 不是剛好旋轉了一圈嗎?
  • 小貝
  • 真係好,成日都有免費演唱會.....
    我同事勁鍾意佢.... 個鴨腸粉都係第一之聽. 一定很好味...
  • lau2tang
  • 乜個Anges b'袋可以用嚟做background影相o架?!
  • 小彭
  • 劉鄧, 個神秘人都唔神秘啦! 哈哈, o個個唔係agnes b, 不過個拉鍊真係有d似, 都係日本買... 你uniqlo!

    小妹, 我估因為係公轉又自轉掛... aaron有解釋過, 不過聽唔入耳!

    小貝, 個腸粉真係幾好食架! 我好鐘意!
  • 大頭仔
  • 今日搭巴士入元朗
    感覺也好像去機場一樣!
    好耐冇去過堂記喇
    好懷念佢地碗粥同埋腸粉
  • 小彭
  • 大頭, 唔使懷念喎, 佢都未執, 搵晚去食咪得囉, 不過唔好星期日去喎!
  • 小娜
  • 林海峰都有自轉小舞台!