有日本語同學去日本留學一年, 又係時候出黎食一餐. 同學提議港大同學會, 我即時反對啦, 因為我去過喇, 想試下附近個D咩咩同學會同鄉會, 佢就搵左寧波旅港同鄉會. 一坐低好肚餓, 人未齊, 先點了油爆蝦同鴨舌. 看看價錢, 第一下反應係: 好貴, 前菜也要7-80蚊一碟, 雖然兩樣都好好味! 人齊就叫左: 樟茶鴨, 紅燒元蹄, 火腿津白, 干煸四季豆, 小籠包, 蔥油餅

最早黎嘅係竟然係蔥油餅! 亦係最好味的一碟, 因為芝麻夠香.


火腿津白... 每人也不夠一人一條菜. (共八人)


未算係好的紅燒元蹄... 好多肉都好嚡, 皮又唔係好膠!


其實小時候食嘅小籠包係咁樣o架... 無湯, 唔係鬥皮薄, 大家仲記唔記得呢?!


我唔鐘意食豆...


係我晌香港食過最好嘅樟茶鴨, 之前食過嘅好似係油炸又或焗到好似柴咁, 呢個食到有鴨味, 又有肉, 之但係"樟茶"應該有嘅係咩味, 因為再無其他味!




之後追加的:

雪菜肉絲炒年糕


八寶飯


全晚嘅食物都係普普通通, 不過由蔥油餅至八寶飯, 我也在玩隔離同學仔的新玩具玩到不亦樂乎, 有點中毒! 所有圖片, 是由LG KS20拍的.
創作者介紹

彭彭堂

ec2eat 發表在 痞客邦 PIXNET 留言(5) 人氣()


留言列表 (5)

發表留言
  • 大頭仔
  • 我好怕食火腿津白呢類嘢,一“劈”嘢咁
    樟茶鴨唔係應該深圳嘅好味啲咩?
  • 小娜
  • KS20???臨崖x馬臨崖x馬!!!
  • supageti
  • 蔥油餅係大頭帥哥既遺憾啊,哈哈 ~
  • 小妹
  • 我都覺得小籠包的皮不用薄得像紙, 只食到一圑肉咁, 又不是叫小籠肉.
  • 小彭
  • 大頭, 咁啱喇, 我最鐘意食一pat pat嘅菜.
    小娜, xx勒x?! 使唔使呀!
    意粉, 下次同帥哥食飯就一於叫蔥油餅, 但唔好比佢食.
    小妹, 彭媽尋晚同個小朋友食飯, 聽說小朋友食左一籠小籠包... 嘅皮, 走肉... 晌ifc某間... 人人要求都唔同!