久聞李景粥品嘅大名. 趁天氣仲係涼涼地, 午餐時約埋灣仔之友去食碗粥. 友人推介肉丸, 就來碗雞脾肉丸粥, 友人要了豬潤肉丸粥, 再來一客煎鯪魚餅.

先拎黎嘅係一小碗薑蔥豉油及骨碟.


然後, 係我碗粥…


友人的…


食食下, 有d唔對勁… 點解碗粥唔綿嘅? 又水汪汪嘅? 嗱, 我無攪碗粥呀! 友人說可選粥嘅濃稠程度. 但若果呢個係叫適中的話, 就好有問題.

小彭: 其實我碗粥幾錢?
友人: $58.
小彭: 嘩……

雞嘛… 如果我要求雞粥嘅雞有雞味, 又會否太高要求呢?! 我當然又不忘在友人面前搬出一套新鮮雞理論. 其實, 當時我心中閃過的是BBQ燒新鮮雞扒的味道…

吃一粒肉丸後, 我問友人: 肉丸係咪有d鯪魚肉架? 友人又吃了一粒, 回答說: 可能家下d豬肉貴… 其實我不太肯定肉丸內有d咩, 不過就食唔出豬肉味, 只可以好肯定係落左大量胡椒粉.

鯪魚餅嘛… 我主觀地覺得佢係翻煎/炸的, 因為隻碟一放底就“塔”晒好扁平下.


鯪魚餅有六件, 當食剩一件時, 我認真對友人說: 如果你食得落就食埋佢, 我要食埋碗$58蚊嘅粥.

步出食店門口, 我說: 口喝喎… 友人說: 我都係…

回家再想想, 係咪傳聖火遇上了打風, 攪到我哋去錯地方呀?!
arrow
arrow
    全站熱搜

    ec2eat 發表在 痞客邦 留言(8) 人氣()