第一堂上課, 師傅誤會了我是補鐘的, 叫我坐上司機位, 嚇得我呀! 其實我一直沒有提過補鐘這兩個字. 師傅邊將車駛往九龍塘, 邊講解汽車的性能.

到了牛津道附近, 真的坐上司機位, 開始學習比油及煞車, 入波及向前向後, 再用空波轉左轉右. 就這樣駕駛了一會, 就沿蘭開夏道去雅息士道. 先練右轉三角公園, 不斷兜圈. 之後就再練左轉入金巴倫道, 經界限街入窩打老道, 再去雅息士道三角公園. 不過, 我還是未掌握好何時要開始轉彎, 開始扭軚, 而轉彎手勢都仲未熟習得到, 有好幾次都有點亂. 而且, 很多時都是依賴聽師傅指示, 然後就跟著做.

快完成了今堂課, 便開始駕車回太子. 嘩, 有很多車, 都有點緊張有點驚, 不過又無驚到震. 要預備停紅綠燈, 又要經常比油, 最高時速可以去到每小時五十公里左右.

其實當天我的精神狀態不是太適合去駕駛, 我亦不知道第一日學車就有機會在主要路面駕駛, 但亦終於明白什麼是一坐上車就會精神晒的感覺.

暫時來說, 我蠻喜歡駕車的感覺, 不過還未習慣怎樣去駕車.

創作者介紹

彭彭堂

ec2eat 發表在 痞客邦 PIXNET 留言(11) 人氣()


留言列表 (11)

發表留言
  • 歐巴桑
  • 不好意思,忍不住要浮上來說句...
    你真係好叻呀^_^
    記憶中當年學了好幾堂師傅才肯讓我駛出比較繁忙的路段呢
  • carjaswong
  • 我補鐘第一堂都是在這裡兜來兜去啦,仲要重新學扭軚的手勢.係要比你上路面先有進步架.

    咦!好近我地喎,千萬不要過來九龍塘呢邊 ^^
  • 小彭
  • 歐巴桑你好, 我成日去你地度潛水架.
    真係唔好讚我, 我會囂架! 今日師傅先講話好多人要講三堂先明嘅理論, 我一堂就明... 不過跟住比佢話我揸得"狼"! 佢講得最多的係"brake... brake... 慢... 慢..." 哈哈! 唔, 我會揸得謙虛d!
    小臣, 你有無發現屋企附近多人學車呀? 斜路停車開車喎, 出街小心d睇車喇! ^^
  • 大頭仔
  • 嘩,話咁快就出大路架嗱?
    咪仲快上手過 mario kart?
  • carjaswong
  • 我呢邊多數是客貨van多,唔知點解?

    我第一/二堂都是給他叫brake,後來學會慢慢停定(他的術語是"一張紙咁薄"地控制個brake),真是終生受用.
  • supageti
  • 雖然揸左咁耐,我都仲係一坐上司機位就精神晒 ~

    當年學車正值雨季,又成日落大雨,試過大到要駛入油站避雨,當時覺得自己唔好運,但後來至發覺好可能係因為咁我先唔怕係大雨中揸車。
  • 小彭
  • 大頭, 好玩過mario kart啦!
    小臣, 因為多人學貨van囉, ha ha! 係咪因為得貨van先有棍波呢?! 紙咁薄係好高深的學問.
    意粉, 個司機位真係神奇喇! 我未試過落雨揸車喎!
  • lau2tang
  • 我已經唔識揸車喇!
    喺咪應該搵番位師大補吓鐘咁呢?
  • ROY
  • 我第一堂學車,師父只略略講解下,就已經要我坐司機位渣車,當時勁緊張~
  • ROY
  • 私家車都有棍波,不過通常學得棍波都索性考貨van~
    我都超過一年無坐過個司機位 -_-
  • 小彭
  • 劉鄧: 補下鐘啦, 日遊澳遊都用得著.
    萊兄: 你主力揸萊b架車嘛! ^^
找更多相關文章與討論