每次上課後, 右腳十分疲倦而有點痛. 友人說我可能太緊張吧! 疑團終於解開了, 就是每次停車拉手制入N波後(又是考車的指定動作), 我還用力地踩著煞車制, 今天終於記得有時是可以鬆開隻腳的.

由太子先行界限街入公主道去佛光街, 之後去了仁孚附近再轉入黃埔花園. 一邊行一邊驚…… 一去到紅磡我就不能夠很專心. 事後友人提議我還是不要去紅磡學習. 之後去了九龍城練習掉頭, 再之後又去九龍塘附近練泊車. 今次泊車地點, 跟考試場地比較相似, 一樣是斜路, 前後都沒有車, 跟考車環境很接近, 要在下斜坡向後, 對我來說不是易事. 練習了幾次, 再去九龍塘轉幾個圈, 我就在九龍塘下車了. 上了四堂, 師傅的評語是我駕車比較心急, 要練再細緻一些.

第五課跟上一次學車相隔了差不多兩星期, 又有很多注意事項忘記了, 包括怎樣泊S位, 入波要踏實個煞車制等等. 師傅說不要當成學車, 要像平日自己駕車, 輕輕鬆鬆便可. 第六課和第七課, 每次也是相隔了一星期進行, 師傅說轉彎有點走樣. 主要也是在九龍城, 九龍塘各大街小巷左穿右插, 再而練習掉頭及泊車, 也再次學習了T型泊車.

看看距離考試日只剩下兩星期, 只上了七課, 共學習了10.5小時, 令我不太安心的數字. 第八課時, 跟師傅約好餘下的學習時間, 我把自己可以而他又有時間的全部約下. 在練習泊車時, 街道兩旁樹木的花辮緩緩飄下, 很有日本賞櫻的感覺. 再沿太子道西駕駛去太子時, 令我以為自己真的在自駕遊, 再看看側鏡, 很有趣.

第九及第十課, 也是先去九龍城左兜右兜, 之後再習中練習泊車掉頭. 第十課時我真的很累第一次泊位泊出界... 結果叫師傅載我去試場看看, 雖然不能自己駕駛, 但去過看了場地, 也先有個印象.

第十一課是第一次夜行駕駛, 亦是第一次自己駕車去試場. 不過第一次在試場泊位掉頭, 有點手忙腳亂, 很緊張, 而腳又不夠定, 比油不太平均. 上完課, 由於仍在在何文田, 就索性駕車回家吧!

第十二及十三課, 也是先兜往九龍城各大街小巷, 然後習中練習三手軚掉頭及泊車, 步驟也記得清楚, 不過三手軚掉頭仍然不是掌握得很有信心. 第十四課, 這是第二次駕車去試場, 要記熟考試的步驟及細節, 覺得有點麻煩, 亦開始有點壓力, 因為有時會忘記要打燈, 特別是要超越泊在路邊的車(死車)時. 斜路掉頭泊車的車速控制, 始終未做得很好. 學習完, 很熱, 出了一身汗.
創作者介紹

彭彭堂

ec2eat 發表在 痞客邦 PIXNET 留言(14) 人氣()


留言列表 (14)

發表留言
  • ROY
  • 放鬆d唔駛咁緊張~
    係呢,係咪考愛民邨忠義街?
  • ellen
  • 學咁少堂就考得車牌喇?
  • 大頭仔
  • 不經不覺就上咗七堂~~
    要一次過 pass 呀!
  • supageti
  • 當年o係駕駛學院,第一次揸左十零個鐘就考,pass 中期,肥左路試;第二次只補六個鐘(上第一堂時連點開車都唔記得,哈哈),終於 pass。
  • carjaswong
  • 放鬆d,越緊張越易出錯.

    不過有口話人,自己頭三課一樣楂完腳痛兼一身汗.

    哼,上次我話學斜路泊車難有人仲笑我!
  • 小彭
  • 係呀, 忠義街.
    根據運輸處建議, 係學40個鐘的. 不過因人而異啦, 師傅話我呢d... 哈哈... 我諗學20個鐘上下會安心d囉.
  • ROY
  • 咁你有無揸車行過迦密村街?
    我之前考都好似係廿幾個學車鐘~
  • 紅米奇
  • 乜講講下咁怏去到教牌架喇
    多駕駛多熟習就得, 比心機啦
    所謂熟能生巧, 努力加油
  • 紅米奇
  • ha..ha...打錯字tim
    考牌變了『教牌』, 如果係就厲害了 XD
  • 老c
  • 小彭, 我果時都係何文田考, 仲要考果日落狗c呀(勁過呢幾日), 都一take pass! 我相信你的資質應該比我高!

    btw, 想問你係咪試過出發前響日本網上買野, 然後叫佢地送去酒店? 我應該點同酒店講? 有冇email sample可借?
  • 小彭
  • 迦密村街"學"車唔入得架喎?!
    我無試過網上購物, 上次訂蛋糕係先生幫我攪. 不過, 我事前係無通知酒店有野要收的... 我諗, 最緊要比晒錢先, 留埋check in date/name, 酒店唔會唔收.
  • 老c
  • 明白了, 多謝小彭....

    祝考牌順利~
  • ROY
  • 睇下個師父俾唔俾你搏~
    果時我學車呢,個師父就.....:p
  • 小彭
  • 謝謝~
    我沒試過掛學牌入去呢!