考試前夕的晚上, 只上了一小時課, 這是第三次去試場練習. 因為翌日師傅共有三名學生考試, 我被編排在七時十五分上課. 放工後, 為了安心, 我先去書店看了一本忠義街路試天書. 到了太子, 由師傅駕車往何文田試場, 原來平日下午四時至七時半是不能學車的, 而早上七時半至九時半亦都不可以. 弊, 明日早上怎算?! 掉頭時入錯波, 雖然未放煞車制及未比油, 但也算是輕微的錯誤, 都有點擔心. 學完車, 等車回家時下著大雨, 內心一沉... 我未開過水撥... 我未試過下雨駕車...

早上起來, 雨越下越大... 唔通個天真係唔鐘意我?

到了九龍塘, 已轉為微雨. 在九龍塘無牌駕駛了一會, 很順利地做了一次掉頭及一次泊車後, 就由師傅駕車, 再兜多一次試場. 昨晚修路的地方, 今天依舊是修路, 所以考試步驟有些微修改. 八時四十五分左右, 街上很繁忙, 有很多車, 單線雙程行車的迦密村街, 更要在緩緩左轉的彎上, 超越一排五六架的死車. 儘管師傅已教路如何去超越該排車, 但心想: 大鑊!

還未到九時, 到了試場報到及準備. 緊張是難免, 不過心情比預期平靜, 一邊等, 一邊看其他人考試. 當我上了車準備後, 師傅比我還緊張, 他開了車門提了我至少三次開車打右燈, 泊車掉頭要慢... 一聲GOOD LUCK後, 我靜靜地在車廂內等待著...

九時二十五分, 考試開始. 沒有手震腳震, 手腳亦沒有冰冷, 不太像平日的我, 實在也感到意外. 第一樣要考的, 是在下斜波上泊好架車, 是S型位. 由於師傅的車不是常見的五門揭背式小型學習車輛, 總覺得用來考試是比較蝕底的. 不過只要小心控制車速, 便不算難, 但今天補考此部分的人也不少. 我的表現也似乎出奇地冷靜, 比平時泊得還要好呢! 泊好車就進行正式路試, 出路口不算多車, 而且我一向出路口也很有耐性及有還可以的判斷力. 到了最緊張的迦密村街了... 竟然是一輛車也沒有, 一腳可以到街尾! 再回試場的路也很順利, 斑馬線和安全島也沒有人, 經常忘記慢車停車要望後鏡也記得, 斜路停車打左燈又記得. 最後做了三手軚掉頭, 泊好車, 拉手制入P波然後熄匙, 考試便完成了.

考官下車了, 之後我便坐在辦事處內等叫名, 當我傻兮兮地在翻那張黃色的成績, 正在搜尋結果時, 職員跟我說: 合格了, 七個工作天後可以跟指示去辦正式駕駛執照.

如願以償, 一次合格, 不過仔細數一數也有七個剔. 如師傅和友人所言, 要合格呀, 多考一次會很貴呢! 順利得難以置信, 很感謝! 很多事情, 無論如何去準備去計算, 結局並不能盡如人意.

當天, 也發生了一件最為驚訝怪異事件: 原來, 師傅係姓謝, 唔係姓馮… (考試時師傅的駕駛執照及師傅牌要放在車上)

正式學習時間為二十二小時(足60分鐘計)
學習駕駛執照: $548
考試費用: $510
$240 x 14堂 + $ 180 x 1堂 = $3540
考試租車 = $700
正式駕駛執照: $900 (十年期)

從報名至取得正式駕駛執照, 歷時大約四個月.

ec2eat 發表在 痞客邦 PIXNET 留言(17) 人氣()


留言列表 (17)

發表留言
  • 歐巴桑
  • 恭喜你一次過合格呀!
    去旅行駕車自助遊好玩好多呢^^
  • carjaswong
  • 恭喜恭喜!小臣當年都不能一次成功哩.
  • 小la
  • 國際牌.
  • 小卡
  • 恭喜恭喜.....出發前一take成功!
  • 小彭
  • 多謝大家.
    自駕遊好, 不過要我編自駕行程就... 救命呀!
  • supageti
  • 好叻呀!恭喜!

    自駕遊更加唔駛編行程啦 ~ ^^
  • joeyee
  • 恭喜晒! 咁買架車仔玩下喇!
  • ozora
  • 恭喜小彭成功考牌,空閒可以多加練習,不過切記要小心駕駛!
  • 阿茄
  • 恭喜恭喜,都話個天鐘意你啦。
  • OTVictor
  • Great! 北海道, 紀伊勝浦, 九州 ...... 不斷向你招手呀!!
  • 小彭
  • 再一次, 多謝大家.
    唔使編行程嘅自駕遊... daisukidesu, demo kondohatame... dekinai...
  • ROY
  • 好野喎一次搞掂~
    下次去日本時就可以大顯身手~~
  • 紅米奇
  • 掂啦! one take 過就成功
    條路無乜人同無乜車係可能係有人幫你做手腳封左都唔定 ha...ha....
    一於向日本出發啦
  • 小頭
  • 係呢,個國際牌...到手未?
    這次沒有人可以宅急便喎....
  • 老c
  • 恭喜小彭!

    我考牌果日又係落狗c, 我又係學左咁多堂都未學過開水撥....

    自駕遊行程好易架咋....快d去試下身手啦!
  • Cindy
  • Congrats! Wonderful!
  • 小彭
  • thank you!