曾經計劃過去姬路城, 不過總是行程不配合而擱置. 這次, 我除了再次仔細研究一下姬路城, 還要砌出我的姬路城. 對砌圖興趣不大, 又或許是我性格欠耐吧! 不過看見小娜的赤富士完成圖後, 忍不住去扭了幾個回來.


望著砌圖, 有點迷茫, 因為不知如何入手, 想了一想, 才意識到可先砌邊邊.




不要小看這204塊, 因為圖案太小, 有時也看不清紋理, 是對是錯, 疑幻疑真. 就連砌那邊緣的一圈, 也用三十分鐘, 亦要用上間尺去度著那長度(100mm x 147 mm), 去計算還有多少塊.


用了很多很多的時間, 我才完成了姬路城及綠色部份, 只剩天空. 當剩下四片綠色時, 怎樣拼也拼不下. 想放棄, 但又不忿氣, 再仔細看看, 才發現之前有兩片砌錯了, 只差一點點而不察覺, 要找出自己的錯處, 實在不容易.


砌了很多時間, 還剩下天空, 決定翌日才繼續.

剩下的三十多塊天空, 我也用了差不多一小時才砌好. 這204塊砌圖, 我竟然用上大概六小時才完成. 當中, 我也知問題是出在那裡, 因為當很困惑時, 總不願意停下來看一看和想一想, 只是盲目地去嘗試, 以為一定可以試得到. 但往往, 就算試盡每一片, 也有可能找不出那一塊是正確, 實情亦是這樣.


我很用心去觀察城上的一磚一瓦, 以及周圍的一草一木, 下次去姬路城時, 一定別有一番風味. 而我希望在下次出發去日本前, 能完成赤富士吧!

我分了兩次, 共扭了十個蛋(有一個即場轉售給途人). 琦玉櫻花, 姬路城, 赤富士各有三個, 偏偏就是沒有富良野. 我跟北海道還是欠缺一點緣份.

兩日後:
富良野終於到手了. 竟然在CAFE砌起來... 有壓力... 呢度收幾點呀?! 結果用了大概2.5小時完成了富良野日の出公園.


不過與此同時, 有人亦用了2.5小時完去成了姬路城. 姬路城... 我用了6小時啊!

創作者介紹

彭彭堂

ec2eat 發表在 痞客邦 PIXNET 留言(40) 人氣()


留言列表 (40)

發表留言
  • ellen
  • 望梅止渴嗎?
    還是親自走1轉才是實際喎!老友!^O^
  • 小彭
  • 姬路城我真係好想去, 不過只係搭車經過姬路一次咋, 不過o個次無得跳車... 我諗, 總有機會去到嘅!
  • lau2tang
  • 富良野?你唔喺已經去過喇咩~
  • supageti
  • 咁細幅,幾有挑戰性喎 ~

    叫姨甥仔扭番幾個俾我砌下先。
  • 大頭仔
  • 我仲未見邊度有得扭啊!
    呢隻收港幣幾銀呀?我見佢話 300 yen。
    有多畀我吖嘛!
  • 娜娜子
  • 緣份嘅o野,話黎就黎啊!

    姬路城我都要去o架!

    大頭,好似暫時只發現紅磡有,o聽日lunch或放工時應該可以去一去,放心啦,唔比人扭哂就一定有機會,每個$15.
  • 老c
  • 你兩個衰鬼搞到我又想扭埋一份、砌埋一份....^.^
  • maymay
  • 令我忽發奇想,我屋企幅牆好齋,砌番幾幅掛上去都好喎~

    如果扭到富良野就正晒~
  • 小彭
  • 玩啦玩啦, 大家都一齊砌啦!
    其實, 我都好想知砌一副204平均要用幾多時間.
  • 紅米奇
  • 我見到都好想砌下
    紅磡不近我tim
    希望係其他地區搵到啦
    咁細幅都好吸引呀
  • 娜娜子
  • 一齊砌啦一齊砌啦!有order就開聲,有代扭服務!

    我砌富士山我估用左三個鐘左右,剩砌邊要半個鐘之內.
  • 小彭
  • 三個鐘咁快手! 未砌好之前我以為兩個鐘就攬掂.
    咁, 你幫我砌個"富士山"囉喎! 要204塊呀!
  • ROY
  • 對依d風景砌圖興趣唔大,毒唔到我 :p
  • 小彭
  • 我只係對日本風景有興趣囉! 如果換左係歐洲名勝, 我都唔會砌.
  • supageti
  • 請問究竟係紅磡邊樹有得扭?
  • 娜娜
  • 位於海皇粥店後的奇趣天地,帶多o的錢去,好多野買架!
  • 小彭
  • 黃埔一期奇趣天地.
    估唔到TST新港都無得扭.
  • supageti
  • 收到,唔該晒兩位。^_^
  • 小彭
  • 點解今日我去幫人扭, 一扭就係富良野, 仲要一扭就扭晒全套順住出...
  • 小娜
  • 好運到驚嗎?
  • supageti
  • 姨甥仔聽日先得閒去幫我扭呀,巧展張呀 ~~
  • 小彭
  • 我尋晚無扭爆部機, 仲有嘅~
    砌完可以用4R相架放好佢. ^^
  • supageti
  • 姨甥仔回報:扭左七個先扭齊全套,多左日の出公園兩個同埋赤富士一個,有無人要交換呢?

    要星期五晚先到手,好心急呀 ~
  • 小彭
  • 我齊晒喇! 個富士山都未敢砌住.
    想由淺入深就砌富良野先啦!
  • supageti
  • 即係富士山最難?
  • 小娜
  • 最難係櫻花,會一路砌一路喊.
  • supageti
  • 花叢、葉、藍天同白雲通常都係砌到想喊 ~
  • 小彭
  • 我同事砌櫻花砌到嗌救命!
  • 阿茄
  • 幾款小砌圖,我覺得日之出公園及櫻花係最靚既。
  • supageti
  • 尋晚姨甥仔回報,部機已見底,得番藍色同綠色。
  • 小彭
  • 今日又refill左喇! 去貨真係好快!
  • supageti
  • 依家仲爭黃色 …
  • 小娜
  • 哎呀 ... 藍同綠 ... 我去到七點時得番兩粒藍,抽左一粒,而家爭一綠呀!

    阿長髮一條辮哥哥話會有職員聯絡我講番冇左一塊事宜,未有人call我呀.
  • 悄悄話
  • 小妹
  • 這幾天來,我個姫路城連條邊都未框到,逐塊試都不成...呢d係咪叫死蠢呀...?:(
  • 小彭
  • 一早講左逐塊試係唔得架啦! 你去扭廁紙吧啦!
  • 小娜
  • 今日黑仔王(某同事)幫我抽左好多出黎抽多左粒黃,意粉要唔要?
  • supageti
  • 要呀,多謝 Lala!^_^
  • 小la
  • 唔使客氣!執行交易要拜託各方友好喇!
  • supageti
  • 係喎,仲要多謝各方友好 ~ ^o^