有一天, 我一個人駕車了.

早上發出黃色暴雨驚警告, 看看窗外, 不得不打消駕車外出的念頭, 始終有點害怕. 兩個多小時後, 雨勢減弱了, 想了一會, 還是想出去, 打了個電話, 說: 我都係揸車出去, 我會小心揸車架喇! 答: 唔… 你識唔識開水撥呀? 我答: 識… (不過未開過)

上到車, 較好坐椅調好倒後鏡, 便先試一下如何開水撥. 之後, 就是第一個挑戰: 如何駛出停車場? 這不是我第一次駛出這個停車場, 不過之前是有人在我身邊. 另一方面, 是先要倒車才可把車駛出, 為了安全起見, 我用了六手軚掉頭.

順利地駛出了停車場, 之後就要決定向左走還是向右走. 對於當天的行駛路線, 我也不太清楚, 不過只知無論向左走還是向右走, 也可去到目的地. 到了路口, 向左走較少車以及不用越過兩條行車線, 就轉左好了. 轉左是較容易, 不過也一定會遇上前後夾迫的貨櫃車及大貨車. 兜過迥旋處, 不一會已看到了往目的地的路牌.

下雨天駕車, 我已特別地注意車速及車距. 因為我之前沒有試過在下雨天駕車, 而且這是一架對我來說, 馬力較大的汽車. 突然發覺香港的駕駛者很守交通規則, 在時速110km/hr的速度限制下, 大部份車輛也在80~90km/hr左右. 這段路也有快相位, 但又沒理由全段也是快相位呢?! 難度大家也和我一樣, 是新牌仔嗎? 最初我也乖乖的行慢線, 但真的很慢了, 結果我以時速90-100km/hr行駛.

順利地到了目的地, 由於仍然是下著雨, 便去了有蓋的停車場, 不過也兜了兩圈才攪清楚入口在那裡. 泊位泊得很滿意啊… 不過前後左右都是沒有車的.

第一次一個人駕車, 很順利, 感覺也很好呢!
創作者介紹

彭彭堂

ec2eat 發表在 痞客邦 PIXNET 留言(17) 人氣()


留言列表 (17)

發表留言
  • 紅米奇
  • 點啦! 下個目標買翻架車啦
  • carjaswong
  • 一於買車啦!
  • 大頭仔
  • 下雨天揸車,我覺得會是件很爽的事
    當然唔可以太大雨喇!^{^
  • supageti
  • 時速 110?去機場牙?

    落雨時通常大家都會小心 d 開慢 d。
  • 小彭
  • 買車?! 唔使喇掛!

    意粉: 個段路係咪全港最快嘅路呢?

    就算唔落雨, 我見d人都係揸90-100, 可能驚影快相掛! (我家下仲驚緊會唔會晌日本比人影左快相都唔知)
  • 小妹
  • 管家: 你今天要揸蝙蝠車出去嗎?

    蝙蝠俠 : 日光白白, 蝙蝠車太高調了.

    管家: 那就林寳堅尼啦, 夠低調吧?

    蝙蝠俠陰陰嘴笑地出門去
  • supageti
  • 應該係,果段路又直又少車,揸 110 都唔覺好快,留意下 d 的士大佬就知有無影相 ~
  • supageti
  • 係日本俾影左都追你唔到啦 ~
  • 小彭
  • 阿小妹, 你呢d係邊個門派嘅爛gag黎架! 我今日無揸車喎, 不過我又真係會揀車揸架!

    意粉, 果段路好似晌日本揸緊hwy囉, 不過唔敢比油... 有次真係見有人中伏! ^^
    江戶傳聞如果用credit card比錢租車, 會照扣錢又或下次入境時收你錢... 最唔鐘意池袋間トヨタ一定要比credit card.
  • 小娜
  • 江戶傳聞 ... 呢個傳聞係唔係只係喺江戶架咋?

    en~en~
  • supageti
  • 係咩?我未聽過呢 ~ 如果真既就唔係好合理,無理由唔俾機會抗辯就罸錢,而且如果下次入境換左 passport 咪無得罸囉?
  • 小妹
  • 咩爛啫, 係The Dark Knight呀~ 超好睇呀!
  • 小彭
  • 小娜: 係呀, 同埋晌江戶川橋/江戶川/江戶川台/江戶橋都要小心d啦! 仲要唔好食EDO喎! en~ en~

    意粉: 我晌網上面唔覺意見到咋, 網上d野講到似層層而我個人又單純... 咪有d驚囉!

    阿小妹: 我都唔睇戲嘅! 不過呢個角色同呢段戲咁浮誇, 又真係好襯我喎! 不過我揸唔到林寶堅尼喎...
  • supageti
  • 係香港,影左相除非即時截車抄牌,否則都要寄信俾車主,佢提供司機資料先出到告票,先排咪有個外籍人士唔肯提供但又打甩左囉。
  • galaxy
  • 一於買架車揸下啦 ! 功多藝熟, 話唔定你會是女車神 !
  • 小妹
  • 咪係囉,一於買番架車啦!
    棍波唔o岩你,就一於蝙蝠車啦,全電腦化.
    Touch wood撞壞左, 仲可以變蝙蝠電單車o架, 夠晒浮誇.
  • 小彭
  • 我晌香港係一個奉公守法的市民...
    車, 唔使買啦!
    阿小妹, 雖然聽落蝙蝠車好啱我, 但係... 但係... 我都無電單車牌... 可唔可以再變單車架?!
找更多相關文章與討論