從東京返嚟之後, 第一次同日文同學仔食飯.

席間, 我變得好有問題, 因為我有好多問題要問.

羽田機場如何?
幾點到呀?
有無玩宅急便呀?
搭咩去新宿? (你地係咪一齊去架, d口供唔夾喎!)
幾點去河口湖? 去到又做咩?
河口湖煙花係咪好正呀?
無摘藍莓?
睇日出個單野究竟係點架? 無玩問答遊戲咩?
有無去嗰個無野買嘅outlet? (吓, 買到好多嘢...)
間Cottage係咪晌front desk附近?
早餐真係幾好? (哦… 無洗碗…)
食左幾多杯雪糕? (咩話, 點連續食兩杯呀!)
伊豆如何呀? 去土肥條路好恐怖?!
有無去摘菇呀?
剪頭髮剪成點呀?
有無去入間呀? Dr Ci Labo好抵喎!
買左咩呀? 邊個買得最多?
沖涼猿人Goretex ?! (有無嘢賣比我呀?)
仲住唔住grand city呀? (哎呀, 比人鬧tim… )
下次去夾公仔舖頭搵我嘛…

不過最令我出奇的, 佢地竟然無晌河口湖浸住溫泉“等”富士山(如果唔係就唔使住呢間啦!), 又無晌位於西伊豆的土肥溫泉浸住溫泉睇日落(呀… 點解唔浸呀… 仲住左兩晚呀!)

晌我眼中, 佢地嘅行程內容以及安排都係有問題, 但聽到佢地嘅分享同埋途中遇上的人物, 我又完全感受到佢地係好開心好享受呢個旅程, 雖然經常要花時間晌交通上面, 又有好多嘢想做又無做到. 如果我真係團友之一, 我都唔知會唔會可以去到佢地呢個境界. 開心就係可以如此的簡單.

席間又有一位係啱啱去完北海道返黎, 個玩法真係第一次見, 真係大開眼界. 當事人亦都係好滿意呢次嘅旅程, 而我就充滿了問號.

唔… 其實我幾時先可以學會好似佢地咁豁達地去旅行呢? 還是有時唔好知咁多識咁多, 會仲好呢?

遺憾地, 到宜家我都唔知點解個芝士蛋糕同布丁無送到去土肥溫泉, 我相信一定啱佢地嘅口味… 出年啦, 出年我一定會再訂一個比佢地嘅!
創作者介紹

彭彭堂

ec2eat 發表在 痞客邦 PIXNET 留言(14) 人氣()


留言列表 (14)

發表留言
  • supageti
  • Um …(托眼鏡)… 旅行既野,去果個開心就得啦,唔需要其他人認同/理解囉,我覺得 …
  • 小彭
  • 啱. 所以我唔敢同佢地去囉, 怕令到人地唔開心.
  • 小妹
  • 問題少女呀你?
    快d乘機打去北海道操操d日文會話啦.
  • 紅米奇
  • 咁我乘機都問翻條問題先
    我都想知你地有無試過係日本剪頭髮?
    我成日都好想試下, 但怕雞同鴨講
    唔知剪左個乜頭出黎 XD
  • joeyee
  • 吾...好多野係返吾倒轉頭.
  • 大頭仔
  • 我都咁覺得
    有時聽朋友講話去日本做乜做乜
    我都好想話做物做物可能仲好呀
    不過只要佢地覺得開心就得了
    說到底去玩的是他們啊!
  • 小娜
  • 唔 ... 其實你o的行程我咪一樣充滿了問號,咁你玩得開心咪得囉,其實你已經好轄達架喇,你知道嗎?
  • 小彭
  • 剪髮

    我d同學仔就試左喇! 本來佢地話去青山個頭剪(是但搵), 結果無時間就晌番池袋剪. 出發前都問左老師d常用語, 不過最後係人地講日文, 佢地答英文, 而且好多時都係用外來語, 都係英文. (佢地有朋友晌青山剪, 唔識日文嘅都攪得掂)

    今次有人'剪+電'以及'剪+染', 每人都係Y12000. 有人平時去開中環SALON, 都覺得日本係好D.
  • 小彭
  • 小YEE姐: 唔... 可以掉頭嘅, 不過矛盾地有時又唔想返轉頭. 我去牧場食晚餐, 你又得唔得呢?

    大頭: 所以知道有人去日本, 我宜家都唔再多口比意見喇!

    小娜: 你家下即係唱我個行程有問題咁話啦!? 我諗我個D唔係豁達, 而係化囉!
  • joeyee
  • 興之所至, 無話吾得GE!
  • galaxy
  • 睇你帶乜野心情去旅行喇, 各有所求, 同一個地方, 都會有唔同的收穫 !
  • lau2tang
  • 計我話,人開心,食乜都開心,牧場都會覺得好好味。所以,幾時都要保持開心豁達的心情。
  • 紅米奇
  • 依! 咁我下次去日本有得諗下剪髮呢家野, 謝小彭 ^^

    我都係喎, 而家朋友去日本的話
    除非佢主動叫我比意見, 否則都唔會專登說點點點
    人人興趣唔同, 同意玩得開心就是成功
  • 小彭
  • 牧場又真係唔係我以為嘅咁差, 不過遇上d好差嘅港燦食客.
找更多相關文章與討論