彭彭堂

友人說我再講食已經無咩說服力, 因為我竟然話牧場好食. 咁又係嘅, 即係如果我寫到元氣元祿d壽司好好食, 你又信唔信呀! (之但係蔡san都介紹和民啦!) 為左提升番d食嘅層次, 就一於出番篇酒店下午茶先, 不過唔係high tea, 而係buffet. 下午茶係三時半開始, 基於唔好蝕, 我午餐只係食左一片豬扒多士.

一開始, 我就食一d咸點!


之後, 都係咸點.

叻沙王說叻沙好食我就信佢好食, 不過我要左雞湯底! (食剩小小的叻沙)


熱狗變炒麵麵包, 係咪好樣過一田嗰一個呢?!


信我呀: 夕張蜜瓜vs靜岡蜜瓜 (有無人真係信我呢?!)


點解揀Greenery, 因為劉鄧介紹過呢度d甜品由名廚Tony Wong主理. 好吸引啊!

友人們的甜品




去帝苑, 我最鐘意食Saint Honoré和Napoleon. 之但係今次個buffet, 兩樣都係無. 麵包布甸本來也想試試, 不過佢落左d唔知咩野(好似係栗子), 友人說怪怪地, 我就梗係唔食啦!

甜品王說Tiramisu好好味我就信好好味, 不過我又唔想食. 結果甜品枱上, 我一樣甜品都無食過. 無錯, 我成日都係一個怪怪地嘅人.

照睇, 呢一餐我會好蝕, 回唔到本… 不過世事往往出人意表. 食食下嘅時候, 服務員逐張枱放底朱古力漿… 嘩, 哈根達斯呀!

放腸粉得唔得呢?


每人獲分派六粒雪糕球呀!




玩左一輪未食夠就要趕下一場, 因為嗰日要趕住去兼六家食晚飯呀!