友人N從日本回來, 收穫甚豐, 不過我沒有收到什麼好嘢. 那天到她家中參觀過戰利品後, 便把比她早兩天回來的朋友所買的一盒明太子給了我.

明太子嘛, 要跟明太子同好會會員一同分享吧!


想過做玉子燒, 想過撈飯, 有人想過撈沙律醬配多士...


結果... 這是用焗爐烤至半熟的明太子, 好吃. 如果用火燒的話, 一定會更好吃.

同場加映, 兼六家的火鍋料理. 今次買了新鮮的金錢腱及牛頸脊(各$96/斤). 鮮牛肉是比雪臟的好吃而有肉味, 不過牛頸脊肥多一點點, 並再了解一下處理方法, 相信會更好吃. 而今次吃牛肉的重點不是牛, 而是芝麻醬.

這是一枝較早前在SOGO廣島祭時買入的金芝麻醬.


也有曾獲獎的柚子小町. 依然有廣島蠔, 白鱔, 海蝦及蔬菜. 還有烏冬及小雲吞. 本來想買鮮雞, 不過忘了意粉之前的文章中, 提起過的活雞供應量少(又不可以留過夜)而要早點搶雞, 接近六時的街市, 當然一條雞毛也遇不上.

其實我也忘記了在什麼時候什麼地方, 曾向兼六家的電磁爐下了個毒咒 ~ 此爐不能用多過三次. 結果, 今次電磁爐就傻下傻下, 不過其實又傻得幾可愛呀, 而我們也順利吃完晚飯又不用吃一品鍋呢! 大家請放心, 一人做事一人當, 下次再來兼六家打邊爐, 我會自攜電磁爐的!

ec2eat 發表在 痞客邦 PIXNET 留言(8) 人氣()


留言列表 (8)

發表留言
  • 小頭
  • 有無得解咒嘅呢?
    我同小q會研究電磁爐的病情,或者仲有得救...

    多謝小妹的芝麻醬和攝影導修課,但係真係要有實習導修至完美....

    多謝大家行街市超市買食材又洗又切,反而主人家就坐享其成 ^^
  • 兼六家主人太客氣了, 我次次黎都呃酒飲!
    解咒嘛... 買到新鮮雞應該可以沖起下!

    ec2eat 於 2008/09/29 00:10 回覆

  • ellen
  • 柚子小町很不錯喎!
  • 飲落一d都唔似酒, 不過飲多小小就...

    ec2eat 於 2008/09/29 00:11 回覆

  • 大頭仔
  • 其實我仲未試過成舊明太子食架,淨係食過麵包同意粉之類。呀,流晒口水添~~
  • 我都未食過明太子麵包!

    ec2eat 於 2008/09/29 00:11 回覆

  • 小妹
  • 原來盒明太子包裝咁高檔架? 一定好貴貴啦.
  • 你以為我晌吉之島買架?! 唔知幾錢呀, 晌成田買嘅! 下次你都買d返黎囉! 羽田中部關西新千歲都實有, 最出名就當然係福岡啦!

    ec2eat 於 2008/09/29 00:16 回覆

  • 大頭仔
  • 明太子麵包在香港的小美人魚都見過有得賣,但個樣好虛而且又貴,沒有買來試。
  • 咁唔好比我見到, 留番晌日本先見識下!

    ec2eat 於 2008/09/30 13:24 回覆

  • maymay
  • 你又食明太子,聽講話你膽乜乜超高喎!
    柚子小町酒精有幾多度呀?好吸引,响邊樹買架?一田唔覺有~
  • 好細盒咋, 都唔夠一人一條... :P

    ec2eat 於 2008/09/30 13:26 回覆

  • 小頭
  • 酒精度 7%,暫時我只在 city'super 見有。
  • 入口唔似7%, 不過飲飲下就知係酒.

    ec2eat 於 2008/09/30 13:26 回覆

  • 貝拉
  • 原來明太子也可以買回來的,但要運到我個邊就應該會變晒
  • 我都唔知買手點拎返黎個喎! 有無人肚痾呀?!

    ec2eat 於 2008/09/30 13:27 回覆