近期幾位網友都不約而同, 分享一下喜愛的歌曲, 小彭也來湊熱鬧!

對EASON的感覺是: 有段時間很張狂, 做了爸爸後踏實了, 又盛傳要努力搵錢, 以支付龐大的開支.

第一次聽EASON唱LIVE, 是四月時在倫永亮的演唱會中, 感覺很好!

年初EASON有這首歌, 很喜歡, 當中定必有著你, 我, 他的影子!

而當中的一點一滴, 是經歷過的, 某些是循環不息的, 重複又重複的出現... 過去, 現在, 將來...

/////////////////////////////////////////////////////////////

最佳損友
歌手:陳奕迅
作曲:Eric Kwok
填詞:黃偉文
編曲:Eric Kwok/Jerald

朋友 我當你一秒朋友
朋友 我當你一世朋友
奇怪 過去再不堪回首
懷緬 時時其實還有

朋友 你試過將我營救
朋友 你試過把我批鬥
無法 再與你交心聯手
畢竟 難得 有過最佳損友

從前共你 促膝把酒 傾通宵都不夠
我有痛快過 你有沒有
很多東西 今生只可給你
保守至到永久 別人如何明白透
實實在在 踏入過我宇宙
即使相處到 有個裂口
命運決定了 以後再沒法聚頭
但說過去 卻那樣厚

問我有沒有 確實也沒有
一直躲避的藉口 非什麼大仇
為何舊知己 在最後 變不到老友
不知你是我敵友 已沒法望透
被推著走 跟著生活流
來年陌生的 是昨日最親的某某

生死之交 當天不知罕有
到你變節了 至覺未夠
多想一天 彼此都不追究
相邀再次喝酒 待葡萄成熟透
但是命運入面 每個邂逅
一起走到了 某個路口
是敵與是友 各自也沒有自由
位置變了 各有隊友

早知解散後 各自有 際遇作導遊
奇就奇在 接受了 各自有路走
卻沒人像你 讓我 眼淚背著流
嚴重似情侶 講分手

有沒有 確實也沒有
一直躲避的藉口 非什麼大仇
為何舊知己 在最後 變不到老友
不知你又有沒有 掛念這舊友
或者自己 早就想通透
來年陌生的 是昨日最親的某某
總好於 那日我
沒有 沒有 遇過 某某

/////////////////////////////////////////////////////////////

學生時代的朋友仔, 不知為何, 會突然地沒有聯絡.

當時的我, 不覺得是怎樣的一回事.

當時的見面, 已可能是最後的見面... 我還記得小學一年班誰人坐在我旁邊... 還記掛著中三時的班主任... 你們好嗎?

工作上的同事, 相對地較少流動... 但很快, 將會有人事變動, 而我的心情, 是忐忑的.

N歡天喜地的告訴我數天前跟EASON拍了這張相片, 從相中的笑容, 也感受到N的喜悅! (N問為什麼要打格, 我說還是打打薄格好d!)

N跟這首歌拉不上什麼關係, 但絕對能榮膺我的損友#1... 在學生時代, N請了我去東角中心上面的千登世吃鐵板燒...

創作者介紹

彭彭堂

ec2eat 發表在 痞客邦 PIXNET 留言(27) 人氣()


留言列表 (27)

發表留言
  • joeyee
  • 吾...欲言又止啊!
  • N
  • 嘩! 我咁大個女第一次比人打格仔! 我呢個損友真係咁...? 唉! 請食鐵板燒...好下場!
  • carjaswong
  • 唔該介紹多d呢類損友我識。
  • 小彭
  • 小yee: 唔... (沉思中)<br />
    <br />
    N: 打左格, 執番個樣, 咪幾好, 似番個人喇!<br />
    <br />
    小臣: N老豆就係前黃油雞大王... (閃...)
  • LaLa
  • 打o左格都睇得出係靚女一名o咼!<br />
    <br />
    其實首歌《最佳損友》個”損”字係解作受損、損害,”最佳損友”成個term應該指<br />
    自己 -- 一個已被受損害的朋友.<br />
    <br />
    不過觀乎N在學生時代已經請你去千登世食鐵板燒此等有如魔鬼般的行為,真係可謂<br />
    損友中的損友.<br />
    <br />
    其實最近我都好困惑,我已經唔知點繼續同佢o地相處,大家o既話題已經無辦法有交流,<br />
    當大家還年輕時的確有時很多事都不太有所謂,但到了今天依然原地踏步,行為上說話上<br />
    依然很過火,係唔係因為係識o左好耐o既朋友,所以無論做任何事情,講任何說話,我都<br />
    要一一忍受?
  • joeyee
  • 我非常同意JASON的講法, 吾該, 介紹N我地識丫!<br />
    <br />
    娜姐, 有時朋友太熟真係會玩出火, 你下次就吾好忍受啦, 反擊啦, <br />
    咁至似你強人小娜O既性格麻, 冇錯, 你俾我O既印象係好強!<br />
    強..人是你....
  • LaLa
  • 真係咁強?做女人咁強(但係又搵唔多錢)唔好o個噃,唔 ... 唯有演技<br />
    搭救,嘻嘻.<br />
    <br />
    其實我選擇了 -- 逃避.你喜歡講甚麼,喜歡做甚麼,我一概不聞不問,<br />
    如果太過份的我都會開聲,但我最不滿的,點解永遠責任都在我身上?<br />
    <br />
    例子一:”好耐冇見,點解唔打比我呀?”-- 我唔打比你只係因為我<br />
    已經冇o野想同你講,既然你真係咁在乎我,點解唔係你打比我?點解<br />
    要將所有責任放o係我度?<br />
    <br />
    例子二:我上年頭入完醫院出來,隔了幾個月有人問我病況,之後說:<br />
    ”點解入o左醫院唔話比我o地知呀?”,入院前人人都知我有個瘤,<br />
    我可以好直接反問:”點解你o地冇一個人關心過我?”,係咪要做<br />
    到呢個地步呢?<br />
    <br />
    我諗過我想我o地最終o既關係會係點就係我而家要做o既事,問題係<br />
    我腦裡面根本冇答案,所以我唔知我可以做乜.
  • 小彭
  • 娜姐對呢首歌, 真係有D野要講!<br />
    <br />
    人與人之間的相處很奇怪... 有時放底一下, 會舒服一D, 太強求辛苦的是自己, 因自己未<br />
    必有影響他人的能力. 以前我總會數算這樣那樣(其實宜家有時都仲有), 太計較了, 但到頭<br />
    來唔開心的又是自己.<br />
    <br />
    我地都無唱呢首經典金曲... 強, 人是你... 要MARK底先!<br />
    <br />
  • 小妹
  • 娜姐, 只想說,人越大越難識到真心朋友...所<br />
    以老朋友是要珍惜呀. <br />
    <br />
    和你分享來自網上的一個小故事. <br />
    -------------------------------<br />
    阿拉伯傳說中有兩個朋友在沙漠中旅行,<br />
    在旅途中的某點他們吵架了,<br />
    一個還給了另外一個一記耳光。<br />
    被打的覺得受辱,一言不語,在沙子上寫下:<br />
    "今天我的好朋友打了我一巴掌。"<br />
    <br />
    他們繼續往前走。直到到了沃野,他們就決定<br />
    停下。<br />
    被打巴掌的那位差點淹死,幸好被朋友救起來<br />
    了。<br />
    被救起後,他拿了一把小劍在石頭上刻了:<br />
    "今天我的好朋友救了我一命。" <br />
    <br />
    一旁好奇的朋友問說:<br />
    為什麼我打了你以後,你要寫在沙子上,<br />
    而現在要刻在石頭上呢?<br />
    <br />
    另個笑笑的回答說:<br />
    當被一個朋友傷害時,<br />
    要寫在易忘的地方,<br />
    風會負責抹去它;<br />
    相反的如果被幫助,<br />
    我們要把它刻在心裡的深處,那裡任何風都不<br />
    能抹滅它。<br />
    <br />
    朋友的相處傷害往往是無心的,幫助卻是真心<br />
    的,<br />
    忘記那些無心的傷害; 銘記那些對你真心幫<br />
    助,<br />
    你會發現這世上你有很多真心的朋友... <br />
    <br />
    朋友呀!當你看到這裡,你感受到什麼?<br />
    在日常生活中,就算最要好的朋友也會有磨<br />
    擦,<br />
    我們也許因這些磨擦而分開。<br />
    但每當夜闌人靜時,我們望向星空,總會看到<br />
    過去的美好回憶。<br />
    不知為何,一些鎖碎的回憶,卻為我寂寞的心<br />
    靈帶來無限的震撼!<br />
    就是這感覺,令我更明白你對我的重要!<br />
    在此,我希望你能更珍惜你的朋友。
  • LaLa
  • 我都知我舉o既例子會容易令人覺得我好在意人o地搵唔搵我or關唔<br />
    關心我,但我好肯定可以講o既係我冇執著過呢樣o野,你想點對我<br />
    我控制唔到亦無可奈何,我只係唔明白點解問題同責任次次都出現<br />
    o係我身上?或者我可以繼續當聽唔到呢o的說話,正如我之前講,<br />
    我選擇了逃避,但一次又一次,又加上很多無的放矢的說話,係唔<br />
    係因為識o左好耐o既朋友,就唔可以去計較?而當有o的人都認同<br />
    呢點,所以覺得做/講任何事/話都是理所當然的?<br />
    <br />
    其實我係好想客觀地,以第三者o既角度去睇呢件事,但當中我搵<br />
    唔到一個答案.<br />
    <br />
    我有時會想起一o的結o左婚好耐o既couple,冇哂passion,<br />
    冇哂feeling,人同人之間o既關係真係唔係1 + 1 = 2 咁<br />
    直接.<br />
  • 小彭
  • 我有一個朋友, 只要係佢唔鐘意/不快, 就係我錯... 可以反面ge(之前咪晌街吵左鑊), 不<br />
    過我實在在意呢個朋友... 其實呢首歌, 絕對係我同佢之間的寫照! <br />
    <br />
    之後, 當我遇上唔認同或持相反意見時, 我會選擇沉默... 以維持大家的關係.<br />
    <br />
  • 紅米奇
  • 小娜:<br />
    你都講左我大半的心聲,曾幾何時都有此感覺<br />
    真的不好受,甚麼都是我!!!真是很倦<br />
    其實並不是執著別人的關心,完全明白你的意思<br />
    <br />
    當日子慢慢過去,人的思想亦有改變<br />
    現在這種感覺亦漸淡了<br />
    <br />
    能暢所欲言的真朋友真是不易求<br />
    真朋友不要多,有一個已很夠<br />
    當遇上真朋友時一定要珍惜<br />
  • carjaswong
  • 估不到這個topic揭開了大家感性的一面。<br />
    <br />
    小臣很久沒有這種感覺了,出來做事後沒有甚麼知心的朋友,<br />
    只有一個舊同事T,久不久出來吃喝吐一下苦水而已。
  • 小彭
  • 唔... 大家又係時候聽一下'愛得太遲'吧!<br />
    <br />
    有時, 就算相熟的朋友, 也不容易吐出心底話, 而有所避諱! 剛聽番尋晚一個電台節目, 主<br />
    持討論「朋友相處之道」, 其中提到如果好友做錯了一些事, 會指出他的錯處, 糾正他嗎? <br />
    三位主持都認為:「唔會!」<br />
    <br />
    吐一下苦水, 可保持心理健康; 吐一下口水, 咁就唔好喇, $1500架!
  • LaLa
  • 我又想到需要和不需要的關係.如果你真正用心經營一段關係,你每做一件事<br />
    每講一句說話都會很謹慎,很為對方著想,當然,時間越久這種謹慎會越鬆懈,<br />
    但我想去到最鬆懈時始終也會有底線,而相處的過程中你一定會知道對方的底<br />
    線,如果任意去超越這條底線時,是不是代表,其實你也不是真的十分重視這<br />
    段關係?可能這樣說會有一點武斷,三言兩語亦很難講明白,但人和人之間相<br />
    處都會發放需要和被需要的訊息,這個我想大家都可以體會到吧.
  • joeyee
  • 人係要互相尊重o既, 我明白! 最近我有位好朋友越了我的底線, 切切底底地超越了, 所以<br />
    我放棄了這段友情.<br />
    <br />
    係我後生時識ge朋友當中, 最遲婚ge就係我,當我結婚寫邀請咭時, <br />
    突然發現, 噫...班友呢?!<br />
    一個一個結婚, 一個一個生仔, 就一個一個失蹤,<br />
    最後連我都走埋(搬左去天邊咁遠羅!)<br />
    幾年前曾經見過面, 但已經...<br />
    佢吾會再話你知佢搵幾多錢, 屋企有乜事, 只係會講下仔女講下政治,<br />
    十幾年後再見時, 可能我地先會有共同話題...想當年!<br />
    <br />
    雖則知己難求, 但又不需強求知己呢! 我講乜野呢? 係米夜呢? 應該瞓教呢?<br />
    <br />
    吾會誤會, 我吾係叫你吾同佢地做朋友, 我只係覺得吾需要太緊張,<br />
    遲d佢地ge態度可能就會改變.<br />
  • 阿茄
  • 小娜,可能就是因為你已經變成新一代的獨立<br />
    女性,什麼事情都不想忍,因為你長大了,<br />
    但他們還是原地踏步,你們互相的距離越來<br />
    越遠,你的煩惱就越來越大,不想忍但又不想<br />
    失去,當然,小事情可以用忍來解決,但經常<br />
    推卸責任的人就不要忍,或者,你可以不用<br />
    當面跟他吵,可以用高一層次的"串人"方式<br />
    等佢知到你的不滿。<br />
    <br />
    好同意小奇講的「當遇上真朋友時一定要<br />
    珍惜」,以及小妹說的「人越大越難識到<br />
    真心朋友」,回想自己,我可算是多朋友<br />
    的人,當然,大家也是我的好朋友、真朋友,<br />
    但要數到無所不談,無所不知自己事情的<br />
    朋友,暫時只出現過兩個,一個已經不在<br />
    人世,另一個還有保持聯絡的,但他已經<br />
    不像以往般無所不知了,可能就是我變了,<br />
    但心底裡他還是我最好的朋友。
  • 小彭
  • 老土也要說一句: 既然無令人改變的能力, 先去改變自己... 不要拉得太緊, 退後一步, <br />
    放鬆一點! <br />
    <br />
    小茄說得對, 每個人成長步伐不同. 際遇, 經歷會令人轉變! <br />
    <br />
    十年前我喜歡吃三文魚刺身, 而友人亦一樣; 今天, 我唔會叫三文魚刺身而友人依舊鐘情三<br />
    文魚. 吃飯時怎去協調呢? 我唔鐘意人地叫三文魚刺身喎! 結果, 我會選去吃BUFFET.<br />
  • 貝拉
  • 我都有班最佳損友,帶壞我做好多野: 最主要係成日引我去日本.....
  • N
  • 我認為每個人都應該對自己有一份肯定,冇話邊個啱邊個錯嘅! 觀點立場不同o者! 但做朋友,做情人之間如果能夠保<br />
    留一個comfort zone, 亙相尊重, 不強行將自己的喜惡加在對方身上, 必能細水長流, 我與小彭今日雖然有著不<br />
    同的生活圈子, 但我亦肯定小彭是我的No.1 損友<br />
    (其實因這幾年禽流感的關係, 小妹家道中落,多得小彭關照, 才有幸可繼續大飽口福)
  • LaLa
  • 未有時間慢慢睇,不過我想問:你有冇試過放棄一段友情?
  • 小彭
  • 小娜'放假中', 唔好睇埋呢d野啦!<br />
    <br />
    答案: 有
  • joeyee
  • 係羅係羅, 放假麻, 玩得開心d啦, <br />
    拿, 你諗下買乜野手信返黎俾我地, 你就無時間諗其他野嫁啦, 哈哈!
  • 方蛇
  • 好彩舊年,娜姐做完手術!康復中!我有陪佢去吃佢最鐘意既野姐!唔系<br />
    又變成最差損友!>.<<br />
    娜姐!想找人食飯,call 我啦!我地街坊來架麻!
  • LaLa
  • 我分得好開,大家唔使擔心,小儀你一定要出o黎囉!(小儀係唔係最近<br />
    出多o左市區?)<br />
    <br />
    方蛇你直情係損友中o既損友啦,引人食完咖哩又食壽司,比阿媽知道<br />
    你以後要兜路走!
  • 方蛇
  • 娜姐!一場朋友,我都系想你開心姐!>.<
  • LaLa
  • 咁我又真係好開心!^^
找更多相關文章與討論