星期三早上, 收到同事L的電話, 問我有無聽過"費加羅的婚禮".

"有... 呀, 係有聽過個名, 歌劇嘛, 不過未睇過!"

"我有兩張飛, 聽晚的... 我唔得閒去, 但又唔改得日子, 因為D飛賣晒喇... 俾你去睇啦, 好嗎?"

"好呀, 多謝!"



打電話給第六名幸運兒, 終於找上K同我一齊去睇!

費加羅的婚禮, 是莫札特於1786年的作品, 由Lorenzo da Ponte編劇及作詞. 收到門票後, 即刻上網搜尋一下資料… 而額角開始滴汗… 意大利文對白, 中英文字幕! “ Pizza, Spaghetti…” 這些是意大利文嗎?!

這個故事, 可以說是一個貴族鬧劇, 實在想唔到18世紀會有這種題材!

今日要六時才離開公司, 趕往尖沙咀, 吃了一點東西, 便往文化中心. 七時三十分, 歌劇準時開幕!

整個歌劇分了四幕, 第一二幕(分別為43及44分鐘)竟然很輕鬆地渡過! 雖然此劇是用外星語演出, 但卻能令我十分投入去看, 可能因為我喜歡聽live的音樂(由香港小交響樂團負責), 而演員亦十分出色, 而故事亦很有趣!

我是坐第四行, 最側面, 要同時兼顧舞台及字幕, 真的有點辛苦! 出奇地, 三小時飛快地過! 閉幕前, 掌聲維持了大約五分鐘!

K與我都覺得此劇比預期的好看, 亦沒有令人入睡的元素(不過完場時, 都聽到有些年青人在中途小睡片刻)… 這是我們第一次看歌劇啊! 總算扮了一晚上等人!



arrow
arrow
    全站熱搜

    ec2eat 發表在 痞客邦 留言(12) 人氣()