4月14日(木) 小樽/朝里川溫泉

: sky j 
: 小樽(燒帆立貝/海膽丼/燒蠔/雪糕) 
: 旅館夕食 
宿: 小樽朝里川溫泉宏樂園 

· 又晌35/F SKY J食個buffet早餐先… 今日個天清好多, 一遍連綿的雪山非常壯觀
· 寄存行李後, 前往南小樽… 到達後, 鎖好行李晌locker, 之後慢慢行
· 第一個景點係音樂館, 好多音樂盒賣那一個… 又有一個小目標, 就係整音樂盒喇!
· 親子活動時間又黎啦!
· 整完, 又再買下, 再見識下過百萬yen的音樂盒… 行下行下, 已逗留超過個半鐘喇!
· 見到有燒帆立貝(350yen), 就梗係一人一隻啦… 好鮮甜, 又爽口!
· 午飯走左入銀之鐘樓上的迥轉壽司店, 叫左うに丼… 比預期的差d喎, 欠缺了那甜味, 另外再點了大トロ, 穴子一本, 蟹湯, 味道都好好, 再配合小樽ビール, 合格啦!
· 一出門口, 又即刻轉右去之前target左的海鮮店, 一人吃一隻燒蠔(300yen)
· 蠔味足夠, 但唔夠肥, 這不是蠔的季節呢!
· 而成個小樽亦唔見有原個海膽, 又不是季節嗎?! (6月海膽才是最好!)
· 再往運河方向行, 有雪印雪糕喎, 大家都整杯食下先!
· 吳小姐的三年前的願望, 就係去北海道食杯雪糕… 目標達成!
· 沿路看見不少好吸引的食店, 可能會有更好的うに丼, 為什麼不多行幾步呢?!
· 到達運河淺草橋, 拍過指定相片, 便往小樽駅行
· 兵分二路, 小彭與A往南小樽拎行李(駅外locker), 而吳則先往小樽築港, 再等埋我地
· 小樽築港唔見有中型車, 要分兩架的士去宏樂園
· 到達宏樂園, 吳氏入住きく, 而A同我入住ぽぷら, 而晚餐就晌きく一齊食
· 二話不說, 女子組就先去別館大浴場一齊浸
· 始終一齊浸, 係開心d ge… 反而男子組, 就好滿足於房內的露天風呂, 而無去大浴場體驗
· 浸完就出去旅館內一個休憩地方, 飲番罐凍飲, 再吃之前晌小樽買的小吃… 嘩, 真係渡假呢!
· 之後, 大家返房小浸同小睡
· 晚餐於7:30開始 ~ 大家都緊記: ‘慢慢食, 唔好急!’
· 宏樂園的晚餐, 相當豐富, 海鮮又有, 和牛又有…
· 刺身, 蟹腳十分鮮甜, 而三文魚子份量極多, 幸好牛肉份量亦唔係好多
· 大家真係食得好慢, 慢慢食, 又喝喝酒… 結果, 連小彭認為古怪ge野都食埋, 真係清晒所有ge食物! (只係d白飯食唔晒)
· 晌員工收拾餐具時間, 大家去ぽぷら個邊睇電視之餘, 又按下足部反射區, 之後又係指定動作, 再浸!
· 攪完一輪, 都成11點先訓呢! 以溫泉宿計, 都夜訓喇!

是日感想
: 其實札幌小樽氣溫係5-6度, 而今天天氣好, 有太陽, 非常適合今日的漫步小樽.  雖然有溶雪的情況, 但路上唔見一灘灘水的情況出現. 基本上, 我地係唔會放過任何食的機會, 只要想食, 就食.  放假嘛, 就任性一下!  今次住宏樂園, 終於可以用房內個shower, 但諷刺的, A同我又愛上大浴場, 房內的已輪為後備.  小朋友對今次溫泉宿十分期待, 前一天大概問了我六七次了. 終於一齊浸溫泉, 大滿足!    

小樽音樂盒

小樽街頭燒帆立貝

宏樂園夕食~刺身

宏樂園夕食~陶板燒牛肉


arrow
arrow
    全站熱搜

    ec2eat 發表在 痞客邦 留言(4) 人氣()