二零零一年三月三十一日 星期六

香港 > 大阪 > 天滿橋 > 心齋橋 > 天滿橋 

無論去邊度旅行, 我一定都會帶著興奮的心情出發. 今次當然都唔例外, 仲要係加倍的緊張. 因為今次係我第一次去’扶桑’, 同時係採用自助旅遊的形式, 所以份外覺得興奮. 抱住唔衰得的心情, 旅程開始了!

中午時份到達機場, 乘搭ANA客機到大阪. 日本, 對我來說是印象模糊, 而今晚住的酒店, 係從網上預定的, 地圖資料都係由網上得到的, 實際情況又係點? 落左車會唔會行好遠? 唔使行天橋/隧道嘛? D房掂唔掂? 其實在計劃行程安排以來都有好大的壓力, 因原先想定的酒店冇房, 所以迫住要在大阪自己book房, 改完又改…擔心都多餘的, 三個多小時的機程, 已到達大阪的關西機場了!

嘩…好凍喎! 天黑黑, 仲得個幾度, 唔係嘛! 我都好d, 拎左一件褸, 陳小姐相對黎講就單薄好多喇!

出左機場, 好醒目咁走去個’I’字個度, 問下點去天滿橋, 天滿橋都係一個大站, 係一個商業區. 咩話…張PACKAGE連埋的巴士卷唔用得, 又要使多1300YEN喎! 機場巴士在日本叫LIMO BUS, 係豪華D的, SERVICE都好D, 但究竟日本人的禮貌係發自內心, 還是係環境所迫, 工作的需要呢! 沿途我look大對眼周圍睇, 日本嘛, 未黎過, 有D大鄉里.

大阪, 係好工業城市, 沿路好多工廠大煙囪, D煙囪不停的噴呀噴…好污染呀! 離遠又見到第四晚住的HYATT, 我有同佢揮手架! 架巴士沿高速公路慢慢轉入市區, 嘩…大手前酒店呀, 咪係今晚個間酒店, 見到佢的存在, 都安樂D, 唔使四圍搵. 轉多個彎, 就到巴士站, 地圖的指示係冇錯的, 落左車過兩條馬路就到酒店, 樓下真係有間LAWSON便利店. 雖然話係過兩條馬路, 但當你要拖住件行李時, 就好狼狽.

Check in真係話咁快, 唔使三分鐘. 嘩! Front desk個男仔好靚仔呀, 笑起上黎對眼矇埋一住呀, 佢個樣好似GTO裡面個電腦神童. 上到房, 細就細d, 不過8500yen一晚咋, 又幾乾淨, 仲有羽絨被呀! 放低d野, 拎埋地圖, 即刻出發往第一站 – 心齋橋.

八點幾, 黑麻麻, 去心齋橋有咩野做呢? Certainly, 梗係挾公仔啦! 雖然搭地車去心齋橋要轉一次車, 但都係十零分鐘就到. 我們搵左個商店街出口, 一出毫全部店舖, 但大部份都已關門, 只有一d街邊檔同食肆, 仲有…嘻嘻…挾公仔舖頭. 急不及待, 即係試下d機. 咦…點解d鎖匙扣機咁難’撩’的? 細機個挾又冇力的? 紙盒又挾唔起的?

呢度D細機同鎖扣機就100yen一次, 大機要成200yen呀! 都使左唔少錢, 先得到一個邪留丸同埋一d電話繩, 完全係失望,沮喪,又飢寒交迫…正當想踏出機舖之際, 有個日人叫住我們, 佢開左部機將個爆炸狗公仔放在虎口邊, 而虎口同洞口時平排的. 嘩, 咁都得, 呢種事情在香港無可能發生啦! 不負眾望, 隻爆炸狗跟左我們返香港.

帶住小小戰利品返酒店, 今日的晚餐係杯麵. 但房中只有熱水壺, 而壺係吉的, 掂拎熱水呀? 於是打去Front desk, 由於言語不通, 接線生話上黎喎! 嘩, 係靚仔呀! 佢話用水喉d熱水得喎, 佢話得就得啦, 但係d水唔夠熱, 唔諗喎! 算啦, 訓覺聽朝再食過.

創作者介紹

彭彭堂

ec2eat 發表在 痞客邦 PIXNET 留言(8) 人氣()


留言列表 (8)

發表留言
  • Ah ming
  • 繼續...唔該
  • carjaswong
  • 好有趣,又令我回想第一次自遊行去日本的經驗,<br />
    我是緊張大師,第一天在新宿迷了路,接著那晚便睡不著,<br />
    怕第二天在築地找不到市場在哪!
  • 小彭
  • 個時網上資料有限, 行程係要靠坊間旅遊書, 但又明知不可盡信, 有D係'老點'GE, 所以有<br />
    D戰戰兢兢架!<br />
    <br />
    不過, 好彩當時都識用YAHOO TRANSIT, 不過SEARCH到同手頭資料唔同GE, 又唔咁信<br />
    喎... 因為十本書, 十本都係教咁去架嘛! (EG: 池袋 > 迪士尼)
  • lau2tang
  • 小彭,<br />
    好"正”呀!
  • 老c
  • 01年己經玩網上訂房+自助遊, 小彭原來係我前輩喎~~~~^.^
  • LaLa
  • 原來第一次係同陳小姐 ......
  • largeheadboy
  • 現在到日本不會再吃杯麵做晚餐吧!<br />
    記得自己第一次日遊時也到超市買散件壽司吃<br />
    現在也不會了!
  • ec2eat
  • 老c: 因為個時已經發覺自己上網book酒店, 平過thru agent, 不過最初都有d擔心!<br />
    <br />
    大頭仔: 係呀, 宜家食杯麵, 係迫不得已先會食! 宜家要搵又平又好味ge野食, 都有唔少<br />
    選擇!
找更多相關文章與討論