彭彭堂

二零零一年四月二日 星期一

天滿橋 > 四條河原町 > JR京都 > 清水寺 > 天滿橋

今朝, 終於有個熱辣辣的杯麵(加旦)食喇! 之後, 我們坐京阪電車, 大約四十分鐘就到達京都四條河原町, 個度係京都最新shopping熱點. 我們入左一間百貨公司, 我就去打電話confirm機票, 陳小姐先去行個圈. 就係打個電話的時候, 陳小姐好快手咁就買左個Anna Sui手袋喇! 今日行百貨公司有樣好, 就係唔使同人迫, 可以慢慢揀, 但係我唔明, 我話明唔識日文, 但d sales都係同我一輪咀咁講日文. 行左一間百貨公司, 我們就收穫豐富, 之後, 就前往第一個景點-京都NAMCO. 唔…戰績都OK! 但係我們拎咁多野, 點去清水寺呀?

在去JR京都站前, 我們將D野store在locker, 到左京都站, 又先去ISETAN shopping, 買左Blue Labels先安樂. 行到咁上下, 就是但搵間壽司店食lunch. 嘩, d壽司好正, 個麵豉湯係超級勁好飲, 想俾錢order多一碗都唔得呀!

大約三點, 我們先開始去清水寺, 搭車又人多, 天氣又幾熱, 仲要行條大斜路先到. 上到去, 陳小姐已經坐低唔行喇, 而我就係咁影將相到此一遊就算, 而四周都無咩櫻花睇, 都呃人的. 跟住, 又要迫一輪巴士先返到京都站, 之後去番河原町搭車返大阪.

返到酒店, 又係時間抖一抖同埋show一show戰利品喇! 晚飯時間, 就睇下附近有咩食, 由於呢區係商業區, 所以比較靜, 但都俾我們搵到間好正的舖頭仔食野, 叫左一客吉列豬扒同一客燒秋刀魚, 再加燒雞翼兩隻. 老闆娘好nice, 仲教我們將豉油加入蘿蔔蓉, 跟住用來點燒魚. 

食完一個好正的晚飯, 就要返去執行李, 因為聽日要轉酒店.

JR京都站好味壽司


好味燒魚定食


好味吉列豬扒定食