二零零一年四月五日 星期四

池袋 > 舞濱 > 東京迪士尼樂園

今日六點幾起身, 因為我們要搭大概一小時車去迪士尼呀!

首先, 我們搭山手線到東京站, 再轉京葉線到舞濱站. 由於我們已習慣搭日本的電車, 所以左轉右轉, 都唔係問題. 沿途都見有好多靚妹, 個款都係去迪士尼, 點解佢地唔使返學咩?

在舞濱落車後, 迪士尼就晌右前方, 但我們卻往另一個方向走, 就係迪士尼大使酒店. 成三千幾一晚, 仲早幾個月親自打電話book, 所以好大期望. 由於三點先有得check in, 所以先寄存左d行李晌酒店先, 買埋入場卷, 便乘搭hotel shuttle往disneyland喇!

嘩, 有無咁多人呀, d人唔使返工返學咩!? 怪唔知得日本經濟衰退啦! 我們都排左半個鐘, 終於入到去東京迪士尼樂園喇! 園內度度都係人, 最新的winnie the pooh, 最少要排兩個鐘, 有fastpass, 不過龍尾晌邊度都見唔到. 算啦, 去toontown行下食個早餐先啦!

食食下早餐, 9:30 toontown city hall個鐘晌度叫, 突然間, 成班卡通人物彈左出黎, 一時之間, 我們都唔知食野先定影相先好喇! 轉眼間, 我們都同左唔少卡通人物影相, 好似最受歡迎的潛水造型pluto, 另外donald duck, 松鼠仔dale, 三隻小豬咁啦! 在toontown影過下相, 我們就開工shopping喇! 話咁快, 就買左兩大袋!

而第一場的parade “party express”就快開始, 我們行番去main street個面, 但d日人一早就舖晒地蓆霸頭位, 我們只好企大後排. 而呢個parade好colorful, 仲出晒d characters, 仲有d姐姐帶頭跳para para, 如果我企第一排, 一定跟住跳呀!

(以下開始, 係06’寫的)

睇完個parade, 都好累, 但係酒店又未有房, 我們只好同圍行下再shopping下, 買下野! 之後, 又去mickey個studio探下mickey, 同佢影張相. 最後, 我們決定返酒店行下, 參觀下先. 返到酒店, 原來有個game room, 有公仔夾架, 個泳池都好靚, lobby個天花係peter pan黎架! 晌lobby坐到三點, 可以check in喇! 個bell lady一邊行, 一邊介紹酒店的設施, 又話俾我們知晌邊度睇到煙花, 入到房, 介紹埋房間設施, bell lady終於功成身退!

間房唔係有好多迪士尼野, 不過都好舒適, 行左成朝, 都要抖一抖! 傍晚, 又返入去迪士尼. 晌睇夜晚個parade前, 又買d野先, 仲叫間shop直接將d野送番酒店, 好有名店購物feel喎!

個夜間parade都好靚, 好熱鬧! 之後就等放煙花, 但最唔想聽的廣播, 發出左. 今晚的煙花, 因天氣關係, 取消! 係唔多開心的情況下, 去左搵食. 我們入去ucc品牌的一間餐廳. 叫左一個酥皮海鮮同半隻春雞, 價錢又唔係好貴, 味道仲幾好.


返到房無幾耐, 電話晌起, 話我們買個d野到左. 隔左陣, 就有人按門鐘, 將包得好好的物品送到房中. 呢個service, 啱晒d shopping人. 同d戰利品影完相, 執埋行李, 沖個涼就訓喇!

創作者介紹

彭彭堂

ec2eat 發表在 痞客邦 PIXNET 留言(2) 人氣()


留言列表 (2)

發表留言
  • carjaswong
  • 有人送貨咁好!!
  • ec2eat
  • 好似住four season咁貴喎, 梗要有d特別的service啦!<br />
    <br />
    宜家, 就梗係用d錢, 住晚溫泉仲好, 又包兩餐!