一入到lift, 就由哥哥示範點搭lift!

“由於國賓廳客房位於七樓的executive floor, 所以每次搭lift, 都要用門匙插入電梯, 才可以去到七樓…”

係喎, 樓上check in個d, 咪高級好多囉… 小彭心中暗自歡喜!

到達七樓的Kingdom Club Lounge, 便辨理check in手續. 另一方面, 亦有飲品提供, 少爺仔亦好大膽主動話想要蘋果汁, 而老闆娘亦無阻止到!

職員介紹了酒店設施, Kingdom Club優惠, 之後便買入場卷… 正想買一天票(入住酒店者可於第二天再入場), 老闆娘提意買相差一百元的夏日pass… 唔該4大3小夏日pass呀!

由於套房未執好, 我們先到國賓廳客房安頓. 所謂國賓廳客房, 就是海景露台房, 以普通樓層計, 是海景客房再高一級, 一個露台就相差三百大元(即$2400+13%)!

房間非常寬敞, 浴室很大, 有浴缸也有企缸, 而迪士尼酒店內mini吧是免費無限添飲的… 不過要做的, 就是換衫去游水. 我們都一早plan好, 這個價位的酒店, 點都要用下酒店的設施呢! 炎炎夏日, 去游水就最好!

來到戶外泳池, 泳客不太多, 可以開心暢泳一番, 亦不忘同少爺仔練下游水同閉氣… 因他剛學游水, 現已由三星期前唔肯落水, 到宜家唔多肯上水… 另一方面, 小彭又同表姐及吳小姐玩滑水梯. 初時滑水梯只有4/5個人玩, 後來人多了, 要排隊… 有一位約七八歲的小女孩, 竟然唔排隊, 攝上前!

“排隊” 小彭用廣東話說出… 無反應!
“排隊” 小彭再用煲冬瓜說出… 她望我一眼… 最後她哥哥把好拉回去!

唉… 人人都唔想排隊架啦, 人多排隊是基本規則嘛… 而我的排隊回憶, 是從幼稚園排隊上廁所開始!

玩了個多小時, 眼見有一隊旅行團殺到, 還是速逃… 小彭先到Kingdom Club Lounge取回房門匙, 而其他人則先回房間梳洗!

一入間suite, 點解得廁所, 食飯枱同梳化ge? 無床ge? 白白痴痴地再行返去門口, 再行一次(真係行番轉頭)… 哈哈, 盲點, 緊張得滯, 睇唔到另一度門(其實度門開左ge), 入面有兩張double bed, 再加一個超大浴室! 浴室內有按摩浴缸, 企缸, 廁所及化妝枱, 空間足夠開一圍麻雀呢! 

Kingdom Suite 之客廳


睡房


客廳之梳化


定一定神, 即刻拍一拍連接隔離房度門(是connecting room), 叫大家一齊來嘩一下! 套房面積是兩間客房, 有兩個廁所(一個有淋浴設備), 兩張double bed, 一張sofa床, 一張四人食飯枱, 有植物, 有露台… 嘩完一輪已六時多, 老闆亦已經到左, 大家準備外出前, 小彭建議大家吃一些小點先, 咁就梗係去番Kingdom Club Lounge啦!

Kingdom Club其一優惠, 是於一日四個時段內, 於Lounge內可任食任喝(基本上7:00-10:00都有飲品供應), Lounge主要提供的是小食, 但飲品選擇卻不少! 以6:00-8:00是黃昏小吃, 食物有五六款芝士, 蘑菇批, 腸仔卷, 巴馬火腿帶子卷, 煙三文魚多士, 多款旦糕, 生果… 全部迷你版, 絕對為小朋友而設, 還有小朋友的最愛 ~ 糖果, 朱古力, 棉花糖, 以及米奇曲奇. 飲品除了果汁, 汽水之外, 還有perrier, 紅酒白酒啤酒… 貪小便宜的小彭, 絕對覺得是超值, 而一向唔貪小便宜的老闆亦很滿意, 覺得食物也很不錯! 而小朋友們亦吃得很開心呢!

米奇曲奇


小彭的食物


米奇煙三文魚多士


房內之免費飲品


待續 ~ 預告 : 下一站, 迪士尼樂園!

ec2eat 發表在 痞客邦 PIXNET 留言(9) 人氣()


留言列表 (9)

發表留言
  • 小妹
  • 又真係好快手喎!^_^ 計計數先,暑期旺季,$2400可入住四人,包早餐,房內之免費飲<br />
    品,Lounge內有任食任喝,都好值喎...唔...諗得過...小彭還有得upgrade,真lucky呢!
  • carjaswong
  • 看到你行番轉頭由房門口再行一次那一段,真係"o吉"一聲笑了出來,<br />
    幸好時間尚早,其他同事未返。
  • 小彭
  • 之但係, 無得UPGRADE的話, 就真係一D都唔值喎! 我個日係星期五CHECK IN, 暑假<br />
    KINGDOM CLUB最低消費係$3100!<br />
    <br />
    不過我用$2100房價入住, 係認真超值... 有D買似買ECON機票, UPGRADE去BUSINESS同<br />
    FIRST CLASS的感覺... KINGDOM SUITE係$6200一晚!(當時估計佢四/五千蚊啦!)
  • 老c
  • 小彭真好彩, 有咁正o既房+咁抵o既價錢....<br />
    <br />
    話時話, 我坐咁多次飛機都未試過有upgrade.....我諗我冇呢種運! ^.^
  • 小彭
  • 我都係試過一次去澳門, 酒店有upgrade咋, 搭飛機都未試過呢!<br />
    <br />
    兩次upgrade的共通處:<br />
    1/ 都係book兩間房<br />
    2/ 唔係book最平個種房(最平的上一級)<br />
    3/ 不是星期六入住
  • 貝拉
  • 間房好大好正呀!!!點解無泳衣照既 ^-^
  • carjaswong
  • 我又要睇泳衣照!
  • 小彭
  • 我都好想post泳衣照喎... 不過都無影到, 連泳池照都無...
  • 貝拉
  • 哎呀!仲唸住無泳衣照都有泳池照睇添...