彭彭堂

朦朦朧朧, 見彭媽起身去露台...

"幾點鐘呀?"
"六點!"
"下... 咁早起身做咩?"
"沖涼囉, 浸下按摩浴嘛!" (尋晚彭媽沖shower)
"訓多陣先啦, 費事嘈醒d細路..."

小彭再清醒時, 被兩個靚妹的對話聲吵醒, 看看表, 六時四十五分...

"你咪話去浸下ge, 仲唔去?"
"浸左啦... (奸笑)"
"唔..."

七時許, 已經吩咐表姐同吳小姐, 執好d野... ,到七時半, 除左少爺, 所有人都起左身! 平時醒左都要晌床luen一輪的少爺, 一叫就即刻彈起身. 未夠八時, 已置身於翠樂庭餐廳! 餐廳大約有四成客人, 食物種類非常多, 除了一般早餐食品, 還有有點心, 即煮中式麵食(喇沙湯底), 日式燒魚, 咖喱... 平常的即切牛肉, 換成一大卷(牛仔腸)! 小彭真係未試過食咁多種類, 而味道又好的早晨自助餐!

呢個自助餐除了食, 另一個主要目的, 就是和迪士尼卡通人物見下面, 拍拍照. 除左表姐外, 其他的都參與過呢類早餐, 所以大家都好安心食, 等卡通人物過來影相! 先來的廚師打扮的Goofy, Goofy是少爺仔呢期的最愛... 接下來是Mickey, 他穿上米奇傳統服飾, 他見老闆娘也穿上Mickey衫, 所以表現得很高興... 跟著的, 又是Goofy, 影左可以再影... 剩係影相有D悶, 就問下佢問題啦!

以下係玩啞口無言:

"DONALD去左邊?"
"(動作)剪草!"
"MINNIE呢?"
"(動作)煮飯!"
"你女朋友呢?"
"(動作)訓覺!"

最後一個卡通人物係Pluto, 係呀, 得三個咋! 呢個Pluto好攪笑, 又鐘意玩, 同我地最少玩左五分鐘... 點知玩出火, 俾隔離枱內地遊客投訴佢攪住晒, 嚇襯佢! 哈哈, 真係第一次見有人投訴喎, 又大開眼界!

食飽飽, 已經九點幾, 小朋友們先去玩一下迷宮, 大朋友返房執下野... 約十時check out!

翠樂庭餐廳




好味米奇waffle



小彭早餐 ~ 肉絲炒麵/燒三文魚/白飯/煎腸粉(食左)



待續 ~