Check out後, 搭番車出迪士尼交通中心, 之後送彭媽搭巴士返屋企. 係呀, 彭媽係黎食個早餐架咋! (我有問過佢入唔入去玩, 不過咁熱又人多, 有得揀, 我都唔去啦!)

十點半開始入場, 其實唔係好多人, 但逼晌世界真細小的迪士尼裡面, 就覺得多人了! 首先要玩下新開的馳車天地, 基本上晌第二個迪士尼係唔會玩的, 但少爺仔鐘意, 又係新開, 咁就玩下先. 時間尚早, 條龍尾都未到fast pass個入口, 不過都要等15-20分鐘.

玩完馳車天地, 又要諗玩咩... 小彭去拎左巴斯光年的fast pass(11:20), 再去番MAIN STREET搭火車. 火車要排兩班先上到, 去番Fantasyland落車, 已經11:40, 可以玩巴斯光年, 玩之前, 去拎左Winnie The Pooh的fast pass(12:25).

玩左巴斯光年, 休息一下飲下野, 又差唔多12:25, 去番搵阿Pooh先! 入場排左5分鐘左右就有得玩! 唔... 最少比東京那個, 少左三分之一內容! 落車時, 見到上車位, 晌shop入面, 又見到上落車位, 真係又幾得意喎! (無聊!)

之後, 去左Adventureland玩森林河流之旅, 大約都係排左15-20分鐘(廣東話線)! 唔知點解, 梗係覺得個'導遊'怪怪的, 聲線提高了8度, 刻意形造有趣氣氛... 而最投入的是吳小姐, 當食人族放有毒飛鏢時, 佢真係爬低... 落船時, '導遊'講左d無聊gag, 係非常低級又唔合時, 還是佢係有稿, 不過係用英文譯中文, 所以有咁特別的效果呢!?

探險完畢, 係時候食lunch! 走入皇室宴會座(foodcourt), 人山人海, 不過拎食物同俾錢都唔駛點排隊! 室內冷氣位就無, 室外的, 就搵到張枱. 老闆, 姨媽同小彭去事但執d野食, 有白汁雞飯, 茄汁牛肉飯, 蒸飯, 糯米雞, 壽司, 天婦羅... 而味道, 應該薯條漢堡炸雞會好食d! 又熱又迫之下, 小彭都無咩胃口... 最好味係西瓜汁.

食飽飯, 去番Fantasyland火車站, 搭火車去MAIN STREET... 平時搭火車(外國個d迪士尼)或機動遊戲, 工作人員會同你揮手say hi or bye... 但呢度係無架! 去番MAIN STREET, 其實係去買野同等parade! 陪買完, 就問一問一個熱到滿頭大汗的工作人員, parade幾點開始. 佢擠出笑容回答之餘, 亦提議我早d搵個暗d的地方等. 呢個工作人員, 係呢兩日晌迪士尼樂園內, 遇見的最pro, 最迪士尼的職員. 他不單回答到你的問題之餘仲顧及客人的需要, 呢d先係service, 亦是小彭定義為迪士尼的服務標準!

好不容易搵到個半樹蔭底 - 只係曬到對腳的... 坐坐下, 少爺要玩咖啡杯, 老闆, 老闆娘同吳小姐走左去同佢玩! 15:30, parade開始, 小彭一個箭步走出路邊影下相, 不過parade未到一半, 就要撤退, 因為實在太熱喇! 咦, 點解剩番小彭的呢? 其他人一早已集合於樹底等小彭.



晌樹底睇完個parade, 大家沿著MAIN STREET行番去大門口... 係呀, 要歸家喇! 買左pass, 遲d先再黎過啦!

(待續 ~ 會有後記的…)

arrow
arrow
    全站熱搜

    ec2eat 發表在 痞客邦 留言(6) 人氣()