彭彭堂

九龍區要搵好味韓國菜, 除左尖沙咀(紅磡得一間), 都無咩好地方!

呢兩星期見雜誌報紙介紹旺角新世紀有新韓國菜, 見佢有卡位, 又好似幾好坐, 就去食個lunch!

一坐底, 見佢有張小卡介紹整泡菜, 再寫上鴻星集團, 個心涼一涼!

曾經係鴻星fans, 但近年多次試過有味精反應, 所以幫襯少左好多. 有一次試過佢個西餐, 嚇得我呀~

好想食燒烤, 就來個特選肉類拼盤($360), 有特選西冷, 牛肋骨肉同牛舌. 友人想食炒粉絲, 就問寫單的部長/經理有咩選擇, 結果我們三人一齊搵餐牌 ~ 其實得一種牛肉炒粉絲! 不過最後係叫左午市定食的牛肉炒粉絲(跟飯及湯), 約四十餘元.

首先送來了報紙上話的每人自選三款泡菜, 但係由頭到尾都無自選過, 不過係可要求換的.



傳統泡菜就好水汪汪, 但蓮藕又幾好食... 食食下有個醒目的, 拎多兩碟俾我們試下, 有魷魚同魚仔, 魚仔係我的至愛, 味道只是合格.

跟住來了拼盤, 件西冷個樣唔係好得喎, 出晒水ge! 牛肋骨就好韓式, 真係一卷咁上, 服務員會剪開細細件, 不過生手左d!



牛舌... 及格, 但普通水平

西冷... 有牛味, 但偏瘦, 鹽花撒唔夠, 而醬油又好似水一樣, 即係無咩味

牛肋骨... 好似薄左d, 又係無咩味! 比較喜歡食日式韓國燒個種牛肋骨肉!

總括來說, 燒烤類只得五分(十分滿分). 反而午市定食卻帶來驚喜. 粉絲炒得香, 又夠味, 再加上半生熟太陽蛋及白飯, 實在是好好味, 有八分.

下次, 還是吃個午市定食就足夠!

地址: 旺角新世紀廣場3樓363-366舖
電話: 2628 0680