彭彭堂

星期六早上往旺角辦點事, 餓著肚子, 成日‘形住’暈暈地的感覺! 九點半終於攪點晒, 可以往開餐了! 哈哈, 梗係去試下名寶石啦! (其實內心交戰了好一會, 因為我是趕著要回家的!)

一入到去, 有點回到過去的感覺, 因為小時候屋企樓下也有一間類似的餐廳 ~ 一坐底有杯茶(玻璃杯), 早餐是先來一杯小果汁, 還有各式各樣的扒餐!

原本想來一客煙三文魚炒旦, 但一看餐牌, 就被另一樣野吸引住… 咸牛脷! 咁就叫了一客包含咸牛脷腸仔茄汁豆, 配多士, 果汁(西柚), 奶茶的早餐.

先來西柚汁, 熟悉的感覺, 是童年的回憶!

再來多士, 跟Knott’s Berry Farm果占及牛油! 平時不常吃果占的我, 特意塗上一層草莓醬, 以一解美國情意結! 多士份量足, 有兩片方飽, 但是不夠香脆! 



再等了一會, 主角上場! 實在難以置信早餐有咸牛脷, 很感動! (因整星期沒食運, 又沒心機呢!) 其實味覺上, 咸牛脷沒特別的驚喜, 但鐘意就是鐘意! 腸仔是完全唔掂, 皮要很吃力才咬得開… 而茄汁豆是沒翻熱的, 但我也全吃掉! 



不知可解, 小時候我是不吃茄汁豆的, 但年紀大了, 每逢早餐有這個的時候, 我就一定會點的! 平時又不大喜歡的粒粒粟米, 今天又把它吞下, 是太餓了嗎?

奶茶又是唔多掂, 茶很澀, 很老… 沒法子, 我吃慣自家早餐的!

表面看似不大滿意的早餐, 我其實是吃得蠻愉快的! 雖然這是我第一次光顧的餐廳, 但卻有著特別的感覺!

連加一, $42!