(不知不覺, 這已是第九十九篇了!)

上午在港島工作完, 已十二時多, 找N吃個午餐, 不過佢要兩點先得!

中間有D時間, 去そごう搵本書, 不過無, 買左另一本頂住先! (點知唔多啱使!)

走出中環站, 下著雨, 吹起怪風, 不說還以為正打著風!

原來這是小彭第一次去文華咋! 究竟邊樹有海南雞飯吃呀?

唔... 這是舊式酒店的格局, 一樓二樓有很多店舖, 通道不是很闊落, 怪怪的... 有些餐廳座位更在通道上, 這是那一間餐廳來的?

兜了幾個轉, 走到CAFE CAUSETTE, 先向接待員要了個餐牌... 有海南雞飯呀!

N約10分鐘後到. 不幸的事又發生了... 海南雞飯賣晒!

那我乾脆叫個凱撒沙拉配燒雞胸. N先點個喇沙, 後來再要多一個海鮮濃湯!

先上的是黑白雙剎! (麵包)



等了好一會, 沙拉跟喇沙出現了! 



喇沙, 看來不錯, 不過望落好細碗! (N說味道是不錯的)



沙拉的羅馬生菜(係咁叫嗎?!)很爽脆, 雞肉是預期的又鞋又無味! 煙肉卻很香而不是乾到變焦, 絕不是現成貨的!

小彭吃到了一半, N的海鮮濃湯來了... 唔... 這個湯底比常喝的龍蝦湯鮮, 沒有忌廉, 不是很杰, 而其他用料也很新鮮!



當小彭吃左三分二... 噢... 咁得意GE, 有D野漿住晌我棵菜度喎... 是一隻蚊!

從沒想過, 原來在高級食店中的食物裡發現小生物, 是很嚴重的事.

N先叫女侍應來(小彭怕事), 那女侍應是較高級, 所以反應自然而又處理恰當... 小彭一指, 她意會了咩事, 亦表示出不可置信, 隨即表示取消張單, 並可以再來一份(點食得落), 之後再三致歉!

不一會, 小彭眼尾見到有人在遠處望過黎... 唉, 有排煩!

接著來的是侍應領班及廚師, 領班除了致歉外, 並會表示會留意pest control(呢個幾好)... 而新加坡藉廚師除了致歉外, 猛叫我地食第二d野, 甜品又好, 咩都好, 不過又真係食唔到... 跟住, 佢派卡片... 仲以為派coupon tim!

攪完一輪, N都只係飲左個湯三分一就話飽, 要打包. 叫個侍應攪攪佢, 佢又露出了不可置信的表情, 不過這表情出賣左佢未夠班. (最後都PACKED)

埋單, 又再道歉... 好煩!

邊走, 行過CAKE SHOP, N喃喃自語地: 早知話要件CAKE打包啦... 留番下次先食得唔得... 佢講左馬拉話'第把'喎, 即下次...

蠢... 應該同CHEF ERIC講, 想要海南雞飯呀! 睇佢點... 哈哈!


ec2eat 發表在 痞客邦 PIXNET 留言(12) 人氣()


留言列表 (12)

發表留言
  • 貝拉
  • 嘩!真係一間好高級的酒店餐廳! 太離譜了. 最進離譜係咁好食的海南<br />
    雞飯居然賣晒. >.< 我可以想像的鞋的雞肉有幾難食.
  • joeyee
  • 笑了很久, 微笑的那一種,<br />
    很可愛的小彭!<br />
    <br />
    噢! 甚麼時候請我吃飯, 我想去稻菊! ^.^
  • carjaswong
  • 梗係叫佢俾九張Mandarin Grill(有沒有重開?)的<br />
    coupon,等我地小字輩一齊去吃番餐啦!
  • 小嘉
  • 唔煩,那是他們應該做的事, 你應該問拿coupon嘛 !
  • 小妹
  • 容後補上的相片有無隻蚊o架?<br />
  • LaLa
  • 隻蚊餓呀 ......
  • 老c
  • 居然咁"高質素", 附送埋蚊一大隻?<br />
    <br />
    是小彭好彩還是不好彩? ^.^
  • 小彭
  • 無同隻蚊影... 今日報紙見點心皇食物有隻蟻, 要賠$5000(不過係要告佢呢樣個樣)!
  • 大頭仔
  • 蚊細少少<br />
    應該都有 $4,000
  • 小彭
  • 但蚊有對翼喎, 仲可能有紋身(白紋), 點都有$6000啦!<br />
    <br />
    小妹, 考你眼力喇, 有無見到呀?<br />
  • 小妹
  • 揾到係咪分返$3000? ^_^
  • 小彭
  • 收左錢, 梗係去文華再食過啦! ^^