N太要去銅鑼灣, 小彭掛念著那豚丼, 所以又去雪村.

沒有訂位, 坐在“燒烤場”的TABLE位, 都好大油煙味, 枱與枱之間又很貼近, 只要鄰座聲浪大一點, 已構成很大的騷擾.

從午餐菜單, 小彭很快便選了豚丼, N太選了秋刀魚丼, 另加了N太的至愛燒銀杏, 小彭推介汁燒雞肝(哈哈哈)一串, 以及白酒燒宮城蠔兩隻.

點菜後, 環顧四周, 在燒烤場上, 陳列了一些貝殼類食物. 除了蠔, 還有北海道連殼帆立貝($60), 大蛤($25/1個, $40/2個). 為食小彭再多點兩個大蛤.

先來的是銀杏, 跟上次燒得一樣的好, 微脆帶煙韌… 邊吃時, 聽到隔離的男女在說: “銀杏好平GE野黎個喎… 計落一粒成五蚊喎…” 小彭很想說: “阿先生小姐, 你地計錯數喇, 我叫呢個唔係鹽焗銀杏!($50)… ”

再來的是燒雞肝… 真係好好食… N太是雞鴨鵝肝同好會會員, 當然也叫好啦!

接下的是燒蠔, 小彭的很鮮味, SIZE適中, 但N太吃的卻是有沙喎! 再過一會, 來了大蛤, 肉也很鮮甜, 作為小吃也不錯.

等了又等, 豚丼來了… “我唔客氣啦!”




個飯飄來陣陣肉香, 一咬D豚肉, 肉的纖維太密集, 即係有D韌… 再往下翻, 唔係化, 蔥花下有沙律醬! 未吃過帶廣豚丼的小彭, 個心一沉, 不住向N太咕嚕一番!

N太的秋刀魚丼, 看上有D似沙甸魚丼. 燒秋刀魚, 是起了骨的, 第一次大大啖吃秋刀魚(刺身除外), 肉是甘香充滿魚油的, 跟豚丼, 是天堂與地獄的分別! 午餐還付有沙拉跟三文魚骨味噌湯.

吃的途中, 那男女終於走了, 得到了片刻的安寧. 不一會, 又來了四個喧嘩的男女. 吃完碗飯, N太說要埋單. 小彭說: “還有甜品喎… 同埋個餐牌上有時令水果架!”

小彭: 個時令水果有D咩呢?
經理(貌似): 水果有柿, 梨, 蜜瓜… 全部日本黎架!

小彭點了時令水果兩客拼盆. 著眼處, 當然是蜜瓜. N太的反應係熟得黎, 又唔係真係好甜喎! 梨很甜, 而柿是帶有核的, 昨天吃的質素高兩班.

夕張蜜瓜的是橙肉, 靜岡的是綠肉… 這個是哪一種的呢? 小彭只是好奇, 因為也是今年才開始吃日本蜜瓜, 沒有注意產地來源.

小彭: 個蜜瓜邊度黎架?
經理(貌似): 日本
小彭: 日本邊度
經理(貌似): ar… 九州… 呢一種係蜜瓜同南瓜混種的, 所以d肉係橙色的…

小彭當時應該反了白眼! N太也很驚訝, 原來吃了那麼特別的蜜瓜, 也不知道. 真係平常一個熟的皺皮瓜都甜過佢啦, 又無香味, 雖然收得唔算貴, 但又唔可以胡扯囉!

圖中, 就有前一日吃的日本富有柿喇, 係咪真係有d唔同呢!




喝埋咖啡, 也匆匆結帳, 因為N太覺得隔離D人很滋擾!

後話:

(一邊行出怡東商場.)
N太: 有D明星晌度, 又嘈, 視線又唔知望邊好, 費事人地以為我望住佢, 都唔知點咁!
小彭: 咦, 明星, 邊個, 晌邊?
N太: 頭先坐晌隔離個枱囉!
小彭: 啱啱坐底個班?! 我以為係個D大學生, 傾PROJECT咋… 邊個明星?
N太: 周汶錡囉… 仲有今屆GE港男, 不過唔係第一那個… 唔知叫咩名喎!
小彭: 坐晌邊個位架?
N太: 我隔離囉, 即係你對住那個!
小彭: 下, 真係咩, 點解我見唔到GE… 怪不得一食完碗飯你就話走啦! 即係呢,周汶錡係邊個呀?!

arrow
arrow
    全站熱搜

    ec2eat 發表在 痞客邦 留言(17) 人氣()