難得約到大忙人K, 仲要唔使排期一個月, 即刻再約埋C同P一齊聚聚舊, 地點選晌洲際Harbourside.

點知C要2:00才收工… 唔好理, 食住等.

又點知P同K又遲大到(其實是P的緣故), 呢餐午飯要1:10先開始.

由於之前已吃過一次, 所以都知佢有咩食. 只吃頭盤及冷盤, 基本上已能吃飽. K最愛吃魚生, 基本上有6款 ~ 三文魚, 鱆紅魚, 立魚, 八爪魚, 赤貝及瀨尿蝦. 亦有多款壽司選擇. 今次D立魚, 還是有一陣‘泥’味, 千其唔好食呀, 其他都OK的.

而我最喜歡火腿類, 今次擺計已有進步, 因有一小碟蜜瓜已放晌火腿旁, 不用再走去甜品枱那一邊取.

由於buffet收2:30, 所以大家一方面食得有d趕, 另一方面又要報告近況…

本來想等C黎到就轉場, 但杯餐熱飲都未轉涼, 就繼續坐啦… 而C則order左個pizza同大家一齊分享.

數數手指, 原來C跟K及P已有好幾年沒見… 時光飛逝…

除左又再報告近況外, 話題總離唔開想當年… 讀書時代, 總有一些難忘的回憶!

P明明係off duty, 但又要返佢ge home office… 好彩冇入你個行, 嘻嘻!

剩番C同K… 一講旅行, 我當然地停唔到口, 始終放假去旅行是最開心的, 再者, 我同P, C, K及另外四人曾經有過一次不可能再發生的旅程… (P, 原來你那遊記寫了34000字, 而我的只有28,000字, 你有keep copy嗎?)

話題扯到關島呢個地方… 我對C說: ‘不如你去個度結婚(註冊)啦… 等我有個藉口去簽番個美國VISA啦… 同埋等我地可以又攪一次大旅行啦!’

C, 為左個大旅行攪得成, 不妨考慮下喎…嘻嘻! 有d人未有ready? 係時候plan下喇! 如果你去關島(夏威夷都得, 因為要晌日本轉機, 咁就…)結婚, 我一定會出席, 不過要早D通知, 你都知個VISA幾煩啦! 同埋呢… ‘人情’方面可唔可以打個折呢?

這一聚, 我晌餐廳坐了五個半鐘, 又一新記錄!

arrow
arrow
    全站熱搜

    ec2eat 發表在 痞客邦 留言(5) 人氣()