今天下午, 終於的起心肝寫埋N太個行程. 一踏正五時半, 便跟N太開了個“旅行團茶會”, 模擬行程一次! 其實N太沒太多要求, 只要有得買, 有得浸, 有得食同唔好煩, 連大路景點都唔使! 由於她已十多年沒踏足關西地區, 所以對交通方面也有點擔憂. 幸好她和旅伴也抱著 “不要緊, 去唔到就行五日心齋橋吧!”的心態, 問題應該不大! 之但係佢有一日要去有馬溫泉喎… 記得要轉酒店就得… 溫泉唔好NO SHOW呀, 搵唔到都要打的去呀, 否則我個5%積分就凍過水喇!

Briefing完已六時半, 可以搭N生的順風車落荃灣, 就在跟同事C搭訕其間, 突然撩起去小肥羊打邊爐, 結果一行四人再接埋N小朋友, 便齊齊去吃飯!

出奇地, 小肥羊勁多人而無位, 沒理由過海去“繕稿王”吧… 就是但去了對面的海港! 食物質素是一般, 但碟頭勁大, 一碟雲吞十二隻, 魚餃又係… 好像突然回到しゃぶ禅… 如叫少四/五樣, 應該可以食得晒ge!

雖然跟N生常見面, 但原來對上一次吃飯, 已是七月的事了! 跟他一家吃飯, 是一件很開心的事, 因大家也愛吃! 雖然食物不是十分的美味, 但大家說說笑, 喝喝啤酒, 令近來甚為煩擾的小彭, 心情放輕鬆了一點! (其實N生已在兩個多星期前幫了小彭一把, N太雖說那不是什麼, 但當時一刻真的十分感動… 因他沒有罵小彭!)

N太過兩天便出發, 小彭已拜托她觀察大阪酒店的週遭環境, 因小彭下月也會入住同一酒店, 而老闆們會較小彭先行到達, 所以麻煩她先探探路! 上次N太已邊罵邊買了一盒桃給小彭… 呀, 忘了叫她低調地帶點神戶牛回來呢?! 失策!

arrow
arrow
    全站熱搜

    ec2eat 發表在 痞客邦 留言(8) 人氣()