彭彭堂

當我要發癲的時候, 真的會發癲! (警告: 以下內容/對話極度無聊!)


看見$48一包的茂木枇杷時…



買幾多好呢… 呢隻packing￥380喎… 結果買了4包… 當我拿著枇杷時, 已乖乖地走去龍尾排隊, 不敢亂走, 怕是日行程就在第一站止步.
(回到家時剩下3包, 彭媽問: 你買咁多做咩? 答: 上次我去日本都買左兩盒24粒返黎啦, 我自己食左18粒呀…)


沙田百貨公司雖然人多, 也比預期的少, 只是單單看大家買喼的情景, 也是十分有趣. 吃過午飯, 轉戰銅鑼灣百貨公司, 可能因為天雨關係(相信跟經濟無關), 人流比以往的大減價少. 終於可以親手摸到d旅行喼喇… 這裡雖然貴小小, 但款式無論大小, 都比沙田的型及輕… 不過仍未決定買那個好! 美容達人今天沒有向美容產品出手, 而向多方面發展. 逛至接近六時, 決定不去佐敦百貨公司, 便想休息一下, 本來我想去吃waffle, 不過達人要帶我去見識一下.


一坐下… 自言自語: 飲咩酒好呢… 不如飲sake呀… 今日真係好似去左日本呀, 行完上野去池袋, 仲未去outlet呀!


結果點了:



自言自語: 上次食迴轉壽司係幾時呢? 呀… 根室花まる…
達人: 妖…




達人: 呢個係瘋魔一時的蟹棒… (之後, 達人表演了稱為港女式吃法, 並下令不准拍攝)
實在沒辦法照跟那種食法, 我把蟹棒吞了.
自言自語: 個蟹棒… 咪即係蟹柳囉…
達人: 無錯…
自言自語: 吓…


雖然碎蔥吞拿魚軍艦卷沒鮮味可言, 但紫菜也可取, 很香. 牡丹蝦看似有點像樣, 蝦頭很香, 不過一入口又是另一回事, 蝦肉沒有味, 但… $25一件, 其實可以係點樣嘅呢? 據說是曾紅極一時的帶子壽司, 又已是另一會事吧! 秋刀魚… 不會吧… 五月吃秋刀魚…


大家也是為了打發時間休息一下再去拼, 達人拿出剛在旭屋買的十蚊書, 說: 一拎上手就知唔簡單啦, 你睇, 幾多samples…



自言自語: 我覺得兼六家晌銅鑼灣囉… 香腸三十幾蚊, 靜岡蜜瓜$198…
(電話中): 吓… 去到地鐵站大雨返左屋企… 超市無咩人喎, 可以引得直兩手晌度轉都撞唔到人喎!
達人: 喂喂… 快d黎呀… 家下唔係我比堂主打鑊甘, 就係阿堂主比人趕出壽司店呀…
(兼六家即飛身出銅鑼灣…)


想坐多一會及飲埋杯啤酒, 再點了池魚, 油甘魚腩, 炸八爪魚.
池魚懷疑變成了臉魚腩, 好凍.
$35的推介油甘魚腩… 真係…
炸八爪魚其實幾好食架, 不過係翻炸囉, 出晒油!


埋單$240, 如果要當一個正常晚餐食量, 起碼要多一倍價錢才可埋單, 不過我估我不能在這裡點多一倍食物, 寧願挨餓.


達人: 呢度以前真係唔係咁架… 下次再帶你去見識一下全港唯一不用排隊的板長呀~
自言自語: 哦... 好呀...


又回到百貨公司, 兼六家已到達, 在超市集合. 嘩, 不得了, 三個女人果然係一個墟, 大家不停研究這個那個, 手推車也放得滿滿, 本來我沒打算買, 不過也想盡理由及原因, 不甘後人地買了星期天的午餐及かき醬油.



拿著大包小包, 我們走去吃雪糕. 雖然沒有再去夾公仔或是吃拉麵消夜, 但也像虛擬去日本旅行. 回到家, 我吃了枇杷才去睡.


(all photos by 美容達人)