晚餐於7時許入席, 聽說廚師們於3時多已來預備.
(共4名廚師, 2名侍應及1名領班)



先來的是法飽… 非常失望, 絕對是現貨翻熱, 皮不脆, 內裡又不軟.
(我曾幻想要留一些法飽來沾青口汁吃嗎?!)



海鮮拼盆是用冰鎮的.



蠔太瘦, 但新鮮. 蝦亦鮮甜, 但比平常吃的更細隻. (本身這種蝦體積也是較細小的)

波士頓龍蝦, 是預期的味道, 幸好我吃到的, 未不是很‘鞋’, 有些人沒有我的幸運呢! 而蝦膏也豐富.

煙鱔沙律的煙鱔很爽口, 煙燻味適中, 蔬菜亦新鮮… 不過, 為什麼有沙田柚的?!



炒田雞跟田螺磨菇一拼送上, 一口把磨菇放入口中, 忘記了味道… 真的有田螺嗎? 因為只吃出磨菇的味道! 田雞腿肉滑不嚡, 很好味, 如果不計較它的外觀… 它是採用上粉走油再加入茨汁的方式, 走油過後的田雞就猶如上了一個隔夜妝…



白酒青口… 有白酒清香, 而青口非常的滑. 我多吃了一隻, 共三隻.



之後來的是雪葩, 有熱情果味及檸檬味, 以前者的較好.



吃了雪葩回一回氣後, 便來了鵪鶉.



鵪鶉沒啥特別, 肉很嫩的, 但外皮又煎得不夠香脆.

比目魚很肥美肉滑, 但一吃到這類魚, 又想起了油魚了!



法國公雞仔… 我吃的是雞翼位, 但肉比很嚡的雞胸肉還要嚡, 有人說不如吃普通煎雞中翼較好… 我會想吃肯德基家鄉雞.



一把蒜片帶子麵放入口, 我還未開始咀嚼的動作, 已把它吐了出來. 因為它的辣味已狠狠地刺激著口腔內每一個細胞. 那是勁辣帶子麵(天使麵).



芝士餅味道不錯! 芝士份量恰當而細滑, 如果不計較餅底不夠乾身(其實是很濕), 這也可說是一個不錯的芝士餅.



吃了所有食物, 沒有很飽肚的感覺, 因為每一碟份量是很小的! (但其他人在吃鵪鶉時已說很飽, 是我有問題嗎?!)

這一餐說是法國菜, 但收得這個價錢而一小角的鵝肝(鴨肝也好)也沒有, 實在說不過去呢!

又為什麼有兩度家禽呢? 又雞又鵪鶉? 應該換成鵝肝(鴨肝)釀鵪鶉吧!

是要求太高嗎? 人家只能用小型石油氣爐煮食啊!

究竟每一位要多少錢... 繼續賣個關子先! (給大家24小時時間估一下吧!)

開估了: 每位$800
創作者介紹

彭彭堂

ec2eat 發表在 痞客邦 PIXNET 留言(20) 人氣()


留言列表 (20)

發表留言
  • carjaswong
  • 買料都要$300?飛去法國買乎?

    再估 - 五舊!
  • 小頭
  • 買料都$300?!謀財呀....$480 啦。

    我們部門的聖誕聚餐食大x樂的到會都收我 $250 — 除食物,還要資助抽獎禮物,最唔抵係要 22 人津貼其他 60 人(其他人 $50)。well,有好多個被津貼的同事人工唔多過我都大家半斤八兩!
    好在抽到張 $50 百佳現金卷幫補一下。
  • 紅米奇
  • 唔係掛,買料每人都$300
    我買雙....$400 (叫做豪比佢)
    其實唔多值喎
  • 小彭
  • 終於拉近左小小...
  • 大頭仔
  • 巧貴
    咁我改返 $488 喇 ^t^
  • galaxy
  • 我估四百五十 !
  • lau2tang
  • 個芝士餅底好厚,望個樣已經唔合格!
  • Ah ming
  • 我又玩!
    買料三百,咁價錢起碼開雙,即最少六百,再加到會收費…當百五蚊位,即最少七百五,未計貼士。
  • HY
  • 550!
  • 小廉
  • 要改一改!

    似乎很貴,那麼我猜$599。
  • 小貝
  • 食左唔係好飽, 但好似食左很多咁, 呢餐好貴呢.
  • 小彭
  • 阿明好野喎, 最接近!

    不過今次無獎! ^.^
  • Ah ming
  • 我唔制!
  • 小頭
  • 難怪小彭說要自己付款的話「鋪都燒埋佢」﹗
    知不知是什麼寶號的到會服務? 等大家有警戒。
  • 紅米奇
  • 真係少見大場面,咁貴
    好似小彭話齋,要夾錢就....
  • carjaswong
  • 去"羅拔松"食個lunch好得多!
  • 小彭
  • 去sabatini包場食lunch都得啦!
  • 大頭仔
  • 嘩,咁貴
    佢地未好好賺!
  • 小廉
  • 想不到到會都有如此價值,如果俾cash我會開心d!
  • mirage
  • 俾多兩三皮夠半島Felix 中午包場4粒鐘(三,四年前)......
找更多相關文章與討論