13:36到達名古屋, 購物時間正式開始. 不知是否被剛才烏龍事件嚇一嚇, 我沒有把行李放入locker.

找了好一會, 才找到名古屋駅的Uniqlo, 不過又是失望而回. 又逛了新幹線口附近的便利店, Bic Camera過門而不入… 看到了一座很大綠色的千里馬藥房, 走了進去, 見有不少本地人也在此入貨, 相信這裡的價位是合理的. 我在這裡以¥7xx買了上野賣¥13xx一瓶的感冒藥, 又買了一些撒隆巴斯(¥7xx /140枚)以及一些護膚品. 似乎我在藥房太過投入, 所以買物過後便有點累, 之後便步行回伏見的酒店check in. 這次, 又步行了差不多廿分鐘才回到酒店了.

15:30取了房, 第一件事, 是先往大浴場沖個涼. 嘩... 好多人喎! 原來有不少人(長者們為主), 是付費來用大浴場的. 淋浴的位置, 也差點滿席. 洗澡過後, 便買支明治牛奶喝.



四時半左右, 又回到名古屋駅附近, 逛一下百貨公司及地下街以繼續買物. 名古屋的地下街, 真的多姿多彩, 買的吃的, 應有盡有. 六時多, 我的肚子已有點餓, 便先去吃晚飯. 今次要吃的是名古屋名物之一“コーチン”, 地點是JR Central Tower 13/F的とり五鐵.

18:15, 時間尚早, 不用等候便有坐位. 看看菜牌才想起: “我仲未食另一名古屋名物手羽先(雞翼)喎!” 結果, 由原來想點的コーチン親子膳改為コーチン味わい膳, 再另加コーラ.



先吃蔬菜凍糕前菜(我最怕的), 兩啖吞了它吧! 再來是手羽先. Size比常見的美國雞翼瘦弱很多, 一咬入口, 皮脆肉滑很好吃, 不過只得兩隻太少了! 接著是白烚雞胸肉… 無咩味喎! 接著是重頭戲… 親子丼(コーチン親子膳)! 看到了流動的蛋漿, 未吃已感動! 放一口雞肉飯入口, 雞肉嫩而有雞味, 再配合滑蛋及日本米飯, 真是十分好吃啊! 吃一碗親子丼, 無難度呢!



再喝了一個雞精湯及櫻花甜點, 便完成了コーチン味わい膳!

幸好沒點軍雞鍋, 旁邊兩男子等了三十分鐘, 雞鍋還未滾(好似大快活火鍋個d), 我埋單時他們才開始有得吃!

吃飽了, 便沿扶手電梯而下… 哈哈, 真係有好大間書局啊! 不過我腳又累又有水泡, 腰又有點痛, 便決定拖著疲乏身軀, 早點回酒店休息. 累還累, 眼尾看見遠處好像有夾公仔機跟我揮手, 我連忙跟它呼應, 不過… 遠看誇啦啦, 近看就… 它騙不了我一分一亳! 看見對面有Circle K, 便又走一轉… 噢… 終於搵到DHC喇, 買晒佢先, 不過都係得五包!

回到酒店, 只是八時左右. 買了果汁, 便在酒店休息一下, 看看電視, 上上網, 想一下明天的行程, 22:30便就寢了!

是日消費:
船: ¥430
locker: ¥300
みそ汁: ¥1060
草莓: ¥150
松阪牛: ¥3150
牛奶: ¥100
とり五鐵: ¥3200
果汁: ¥100
牙膏: ¥198
(幫人買個D唔寫啦!)

*第四日完*

創作者介紹

彭彭堂

ec2eat 發表在 痞客邦 PIXNET 留言(11) 人氣()


留言列表 (11)

發表留言
  • carjaswong
  • 付費去Business hotel的大浴場?

    個雞set好正喎......
  • 小彭
  • 係呀, 佢地著皮鞋, 唔係拖鞋, 毛巾又唔同顏色! (除非佢地係偷偷入黎啦!)

    其實: 我以為有飯後果, 所以叫呢個set!
  • 小貝
  • 雞翼睇落好好味 ^_^, 我都係唔多鍾意食雞胸肉!
  • joeyee
  • 我鐘意食細細隻ge雞翼, 最緊要係皮脆肉滑! 太大隻就好似食雞胸肉咁!
  • 小妹
  • 一人旅,就是沒有了旅伴亙相提點呢個好處吧!你唔記得取行李,我上次是唔記得存行李哦,後來咪暫存在百貨公司內囉,仲唔駛$添.
  • 小彭
  • 雞翼係非常好吃!

    一人遊, 有好有唔好啦! 預告: 明天又有第一次事件發生... 不過唔係好大件事!
  • Ah ming
  • 小彭、多謝你的資料,正想搵名古屋的"名物"呢,事關五月可能落名古屋一轉。
  • 大頭仔
  • 食過兩次名古屋雞翼
    總覺得太瘦和太乾
    不是我杯茶啊!

    一個人,路總會走得多一點。
  • 阿茄
  • 這間千里馬藥房上次都有經過,不過沒有入去。
  • 小彭
  • 我唔鐘意麵食, 所以無呢方面ge名物出現過!

    如果住新幹線口個面, 好容易搵到呢隻'千里馬'!
  • 小娜
  • 嘩!我一定唔捨得晏晝三點呢o的黃金時間番去酒店沖涼!