有一日在銅鑼灣吃午餐, 餐廳送上了日本溫室蜜瓜作為甜品, 為什麼呢? 我可沒有某銀行的白金卡兼消費滿$1000呢!



如果天氣不是熱得令人會中暑, 我倒會多走兩步, 去湖舟或DORAYA較穩陣, 又或去試一下那些燒肉店.

不想吃鐵板燒, 怕沾得一身油煙... 下午還要在附近工作呢!

我們二人都點了和定食, 特上壽司定食及三色吞拿魚飯定食. 前者好像是$180, 後者約為$160.

人客也不少, 等了好一會, 先來了我的三色吞拿魚飯定食.



先吃沙律, 野菜類也很鮮甜, 而且在澳門兩日以來較少吃菜, 這個沙律很快便被我解決了.

再吃漬物... 一開始吃... 咦... (大家估下發生咩事!)

那個三色吞拿魚飯由赤身, 中卜口及碎蔥吞拿魚組成...

赤身... 好腥(我吃魚好少覺得係腥), 唔多新鮮, 又或解凍做得唔好
中卜口... d筋又厚又大到你估唔到
碎蔥吞拿魚... 叫做比較好

飯身較硬, 再加上是凍吃, 一點也不黏. 而特上壽司的飯, 情況也是一樣, 而魚生方面, 只有海膽及甘海老較好!



大蜆清湯及蒸蛋, 味道好一般.

吃完定食, 經理及廚子送上一人一客蜜瓜... 甜度比見城的低三至四成, 又唔夠汁, 如再熟多一點, 應該會好吃d! 應該不是靜岡的...

這裡的和定食真的不吸引, 還是吃鐵板燒好了!
創作者介紹

彭彭堂

ec2eat 發表在 痞客邦 PIXNET 留言(10) 人氣()


留言列表 (10)

發表留言
  • CKKeung
  • 請問是那一間壽司店呢? 如不方便直接講,請email給我吧。
    我星期六到今村午膳,吃到一肚子氣,剛在'P之飲食回憶'留了言。
  • carjaswong
  • 叫左你唔好去吃和食啦......不過個蜜瓜好似唔錯.
  • 小頭
  • 鐵板燒穩陣,和食唔得....是和三昧嗎?
  • 小彭
  • 小頭估啱左!

    蜜瓜甜, 不過唔係勁甜... 小臣好似有個張信用卡, 有成個蜜瓜送個播!

    今村的午市水準, 下降了至少三成...
  • joeyee
  • 無錯, 今村真係令人失望, 我依家只會叫人去"見城"食午餐! 諗起又想食啦!
  • 小妹
  • 是嗎?我閉關一排,都無去今村好耐lu.
    是魚生不好,還是甚麼呀?
  • 小彭
  • d魚生唔得, 質素下降! (我只吃午市)
  • CKKeung
  • 我覺得《今村》的水準跌了甚多,絕對不止三成!
    星期六曾到今村吃自選壽司中午套餐: 魚料欠新鮮, 飯是散的。
    每個壽司都是東歪西倒的。
    最離譜的是小肌壽司: 魚肉竟自己從飯團上跌了下來!飯又自動散了,想把魚肉再放上飯團上也不能。
    以後不會再去了。
  • joeyee
  • 我上次去有件魚"腥"到要肚返出黎! >.<
  • 大頭仔
  • 我仲想畀多次機會今村添~~~