返回新千歲機場, 小卡和我便在閘前等待小頭小Q. 由於長榮航班的延誤(聽說), 只早國泰的數分鐘到達, 所以清關稍慢, 等了大約三十分鐘, Q頭終於出現. Q頭先把大件行李(其實係吉o急)寄往札幌稍後入住的酒店, 而彭娜亦不客氣, 搭單把outlet的戰利品一同送往札幌, 以減低太空艙的負擔.

鼎鼎大名的太空艙出場喇!


齊齊整整, 小字輩愛在深秋之旅正式(再次)向月球出發! 無錯, 我們沿路就有月亮伴著我們走, 目標清晰, 方向正確, 但我們欠缺麻油作動力(按: 詳情請聽903廣播劇“仙樂都”), 所以只能在公路上狂奔, 直往旭川.




由天光, 黃昏再走至天黑(其實只是六點幾), wee嘩一輪後, 我們抵達了北海道第二大城市, 旭川.

之後, 就同場加演了一幕小彭迷路記…

八時後的旭川, 大部份商店都關門, 在街上逛了一會後, 就找吃的. 旭川駅周圍,食店除了快餐連鎖店外, 其他的選擇不算多, 小娜和我只好去吃拉麵. 由於梅光軒充斥著鹼水味, 所以我們去了山頭火.


我點了普通的, 而嗜辣的小娜, 就點了辛口的.


山頭火拉麵最著名的是トロ肉, 而普通拉麵就有齊四種不同的豚肉, 亦包括トロ肉… 雜錦义燒拉麵呀! 麵應該也有鹼水, 不過味不濃, 可以接受. 這是在我旅程中唯一吃了的拉麵, 特別為小貝而吃的!

吃了晚餐, 就回到我們的平霸酒店 ~ ホテルカンダ (HOTEL KANDA). 出發前大約兩星期, 小娜和我本來是跟團友一齊住ホテルルートイン, 但看看那預算表後, 我突然又發窮惡: 嘩, 成萬円一晚仲唔包早餐, 北海道喎, 咁貴架… (下刪一百字), 就連東橫也要九千幾円一晚, 精挑細選(其實符合要求的選擇不多), 之後就從JALAN找到了這間近車站, 7960円/twin的酒店(可再扣JALAN積分). 房間比預期的理想, 近車站近食店商店, 又包簡便早餐, 仲有不錯的大浴場(但我沒有去, 殘念!), 不錯不錯… 旭川的住宿費, 一點也不便宜呢!
創作者介紹

彭彭堂

ec2eat 發表在 痞客邦 PIXNET 留言(16) 人氣()


留言列表 (16)

發表留言
  • Wendy
  • 房間比東橫及Route Inn寬敞, 價錢又平, 唔錯唔錯.
  • joeyee
  • 好一個追月之旅!
  • carjaswong
  • 當時小臣正全神貫注在公路飛馳,沒有賞月......
  • 阿茄
  • 通常都係渣車個位要集中精神,只有乘客可以慢慢欣賞風景,小臣辛苦囉。
  • 小貝
  • 多謝替我食個碗麵,回來後我都食過雲吞麵 ^^好正! mm都食完冬菇菜米, 清下腸胃先 ^^, 房間比東橫更大呀.
  • 小彭
  • 房間真不錯, 不過平霸呢D野都唔敢叫卡臣Q頭一齊試, 以免嚇親佢地! 最衰娜姐臨走前叫我去望下個大浴場, 唔望由自可, 一望... 即刻想涼個涼先走!(從hp上看, 係一d都唔吸引)

    在公路上, 左邊係日落, 右邊係月升... 再次引證外國的月亮係特別圓同大!
  • 紅米奇
  • 依...講起平霸酒店, 你好似仲未介紹東京平霸酒店喎?
    旭川其實無乜好行,晚間更加唔晒諗
  • 小彭
  • 東京遇上三連休, 頭兩晚住grand city, 貴架, 12000/twin. (我唔記得左book池袋東橫! >.<)
    第三晚daiichi有特價(最後個日休日), semi double只是六千幾, business twin則七千幾!
  • 大頭仔
  • 個月亮真係又大又圓喎!
    乜你地去時北海道東橫 inn 仲未行冬天 plan 咩?
  • 小彭
  • 未呀, 十月一日先開始嘛!
  • 小妹
  • 咁點解唔全團人都改住平霸呢?
    又點解只有彭娜去食拉麵既呢?
    唔通你地咁快在OUTLET散盡盤川...!(閃)
  • 小彭
  • 小妹, 我上面回文中, 有解釋到點解唔一齊住架! 卡臣Q頭去左食梅光軒, 晌"迷路"當中都依稀提過下我地無一齊食飯.
    娜姐, 做咩叫我望下先走... 嗚嗚...
  • ANNA
  • 我想問下, 咁有無室入私人浴室架?
    因為我諗住租呢間.
    好鬼驚沖涼要去大浴場.
  • 小彭
  • 房內是有浴室的, 不過我喜歡去大浴場.
  • ANNA
  • 謝謝回覆~~~ :)
    原來沖涼地方都有得揀, 唔錯喎!