平日, 當我一聽到“行山”這兩個字, 便會敬而遠之. 但當小儀一提到要去層雲峽登黑岳時, 我便有莫名其妙的興奮及雀躣.

這是我愛在深秋旅程之中, 最期待, 最想去的地方!

由於天氣報告預測當地下午三時起會下雨, 我們便要提早出發.

七時多小娜和我便在酒店吃了早餐, 以補充能量. 小娜更嚐到了全程最正宗的蛋包飯…


八時在Route Inn集合, 先往重點行程之一的“王樣之麵包”買了點乾糧… 不過大家在往層雲峽途中, 已忍耐不住, 先偷吃了雞蛋沙律包. 得來不易的麵包, 份外好吃!


到達層雲峽, 大家帶齊禦寒衣物, 準備去行山. 天色陰暗, 沒有陽光下, 真的有點冷.




乘ロープウェイ(ropeway)到了五合目, 再轉乘リフト(lift)往七合目. 在乘リフト時, 我已按捺不住的大叫…

在七合目, 吃了點乾糧, 登記了姓名後, 便向黑岳出發. 行不夠數十步, 已有點不對勁: 嘩, 咁多大石架? D爛泥路, 會整污漕我對鞋同條褲個喎?

沿路有幾艱難, 對一個平日只行商場的人來說, 盡在不言中.

(攀石中... by 小卡)

過了八合目, 再到達九合目, 我完全感覺自己是在攀石, 不是在行山. 但, 我沒有後悔來這裡, 不過心中暗罵(可能有說出口)小儀姐的好介紹. 對於股災初癒的小頭, 衷心的多謝她跟我一起攀石.

眾團友見我步履輕快, 捷捷領先, 以為我真的訓練有數. 其實我只一心要上黑岳, 還有點逞強, 再加上我認為行快點可以休息多一點, 再再加上我發揮出潛伏體內武功: 輕功水上飄, 所以突然之間, 成了登山領隊.




娜臣Q頭決定留守九合目以作支援, 而小卡和我, 便再繼續往黑岳山頂進攻. 以我的體力及糧草(半樽水), 我相信我可以到達山頂的, 不過可能要攀40分鐘. 走了20分鐘, 雨越下越大, 為免團友擔心以及怕下山之路更難走, 小卡和我決定撤退.

(還欠一點點...)

雨停了, 陽光出現, 美妙的事情出現了… 嘩, 彩虹, 係好大好近的彩虹! 那一刻, 我實在是很感動, 更彷彿聽到來自天上的讚賞: Well done! 如果我們就在九合目折返, 彩虹出現的時間, 我們就只會著眼於面前那步路, 那塊石, 一定不會留心到大自然的美妙! 站在山上的感覺真好, 無論眼前是否紅葉滿開, 已經不再重要.

(By 小卡, 多謝, 我很喜歡這張相!)

落山, 的確比上山難, 但時間上比上山快. 而且, 我要盡量少說話, 以免有人笑到碌落山.


回到七合目轉リフト回五合目, 我很安靜, 因為我很累. 落吊車前, 小娜和我也先做定熱身, 以免雙腳發軟走不動. 這個登山攀石經驗, 是完全意料之外, 現在回想, 是充滿樂趣的.

沿路上, 我不停的說: 不會再來黑岳!

不過, 世事難料, 那有絕對!
創作者介紹

彭彭堂

ec2eat 發表在 痞客邦 PIXNET 留言(19) 人氣()


留言列表 (19)

發表留言
  • 小貝
  • 彩虹張相真係好靚......
  • Roy
  • 個正宗蛋+包+飯好唔掂喎 :P
  • 小彭
  • 小貝, 影得我好靚呢... 呵呵呵...
    萊少, 隻蛋都唔知幾好食呀... 我整架!
  • lau2tang
  • 多謝萊少講解,我先知正宗蛋包飯是甚麼!
    小彭,人的潛能有時是迫出來的!又一印證!
  • 小卡
  • 謝謝[登山領隊彭彭]深情表達,其實結伴攻頂妳我搭擋,始料未及;不過眼前美景令人湧起一鼓勇氣想再邁向更高更遠點,路途中偶遇欄路小松鼠以及於陽光微雨中乍現天虹....感動十分感動;六位團友互相支持盡力攀上九合目....感動十分感動.
  • 小彭
  • 劉鄧: 年輕時在不知情下去過張家界, 自始行山免問! 如果天氣炎熱, 我諗, 我一定行唔郁.
    小卡: 謝謝你. 仍然感動中.
  • joeyee
  • 咁啱ge, 我都行過張家界播!

    呢篇野果然好有"x"吓!

    小儀好介紹陸續有黎......e, 眼眉跳添!
  • 小娜
  • 蛋包飯 ... 好o野o黎o架 ... 好彩小彭講一講,唔係食o左落肚都唔知 ... 幾滿足 ......

    雞蛋沙律包 ... 簡直係 ... 傳說o既美味 ... 美味中o既傳說 ... 傳說呀 ... 美味呀 ......

    見到相中o既小彭,彷彿回到當天 ......

    落山我跣o左幾次,因為好笑,唔知笑乜,笑笑笑 ......

    落吊車又係好好笑 ......
  • 小卡
  • 捕捉到好美妙好感動的一刻....真開心
    因為有得跣住落山,所以就好開心..咁開心咩笑笑笑....
  • carjaswong
  • 我就笑唔出......

    小儀,當天你沒有眼眉跳咩?
  • 小彭
  • 小儀仲有好介紹, 大家準備閃啦!

    其實我唔記得自己講過d咩, 只係記得講完就有人笑笑笑... 再笑笑笑... 笑到咁上下, 我知要收聲, 如果唔係實要"咩"人落山都似! 正如每朝起身我都唔記得講過d咩, 總之又有人笑笑笑之後就起身!

    辛苦付出過換來的, 值得ge!

    晌上山lift到, 我其實係大叫: 小儀姐.... (唔知佢當時收唔收到呢?!)
  • OTVictor
  • 張彩虹相真係好靚, 最近十年只在香港見過兩次虛無的彩虹.
  • 阿茄
  • 睇完呢首,唔知點解諗緊你地當時既心情同感覺,之後馬上笑左出來,小娜小彭小臣小卡我都想像得到,小頭小Q就諗唔到喇。

    蛋包飯...有意思...有意思
  • 小彭
  • 茄, 我好想知你想像到d咩喎!
  • 大頭仔
  • 第一次看到小彭你的背脊!
  • 阿茄
  • 有機會出開來講俾大家知下......
  • 小彭
  • 大頭: 小臣出過啦, 你無留意姐! 陸續有黎...
    茄: 聽日照舊晌番o個度等呀下!
  • 小娜
  • 小頭小Q都好好笑,真係估佢唔到,得閒又要一齊去吓旅行.
  • 小彭
  • 不如繼續估下歌仔先啦!