吃過午餐, 我們又回到三國峠, 再看看風景, 順便再兜多一轉大迥環, 亦開始了一發不可收拾, 一路延續至今的遊戲.


面對翠綠一片的三国峠… 哈哈.. 不是失望, 又只是欠一點緣份吧了! 雨越下越大, 我們便離開三国峠, 往下一個景點: タウシュベツ川橋梁


小娜說是去看橋, 我就一直以為是去看青馬橋般的大橋. 經過小路再轉入森林小徑, 眼前是一道小破橋. 除卻了那道橋, 四周的風景幽美, 人跡罕見, 有點尋找秘景的感覺. 只是天色灰暗, 再加點微雨, 拍出來的照片看不出當地的美態.




當時心想, 那橋為什麼是景點呢? 前天小臣把我心中疑團解開了! 原來那原是鐵路橋, 實在是估不到呢! (又暴露出我出發前沒做足功課)

之後, 我們便起程前往帶広. 沿途夕陽又伴著我們走. 看到窗外的風景, 我當然又不停的wee wee wa wa啦. 人, 有時好容易就滿足.




六時左右, 我們到達了帶広東橫Inn. 六時半, 我們到達了豚丼ぱんちょう. 香腸應該仍在胃內逗留, 我只好點了個最小的豚丼. 店內, 擠滿了來開會議的人(一連幾天都有會議), 而店舖亦因此延長營業時間.




六碗豚丼, 很震撼的場面, 四種份量: "松竹梅華"齊備, 可一不可再!


碗蓋打開了… 但… 我嗅不到期待著的燒肉香! 我實在是很飽, 豚肉又很厚身, 要費點勁才可把豚丼完成, 而且還要走肥肉. 對不起, 味道已記不起. 我跟豚丼, 欠一點緣. 店內主理的大部份是婆婆級人馬, 十分親切友善, 還跟我說 “些些”, 這就是北海道可愛之處.

飯後, 便在“銀座通”散步一下. 看到了超級市場, 就有如找到了甘泉: 我真係好鐘意行日本超級市場架! 到了第二間, 終於買到合意的道產西梅.


晚上很忙, 要一邊吃生果, 一邊備課…
創作者介紹

彭彭堂

ec2eat 發表在 痞客邦 PIXNET 留言(14) 人氣()


留言列表 (14)

發表留言
  • carjaswong
  • 緣份嘅野,唉!不由人呀.
  • 紅米奇
  • 但我對豚肉丼仍然很懷念
    在日本做有趣的備課??
  • 小彭
  • 唔備課, 隨時被踢落車...
  • 小貝
  • 是否秋天紅葉季節容易下雨? 好似係北海道個幾日天氣都是麻麻..... 我地去年東北亦是雨天多於情天.
  • 大頭仔
  • 景色實在很美!
    我都想知備咩課?
  • 小妹
  • 哎呀~無點呢首歌!
    大頭,唔好叉隻腳埋去...呀!
  • 阿茄
  • 秋天的日本天氣真的很難捉摸,正如小貝說真的雨天多於晴天,不過隨遇而安就會玩得開心架喇。還記得我們的東北之旅,小貝一上車就說自己是黑妹,去到邊雨就跟到邊,之後幾天一見黑雲都是圍繞著這個問題在車內玩(詳情唔講喇),其實陰天落雨都可以好搞笑。又記得去到蔦七沼時,煙霞圍著整個沼澤,對面有很美的紅葉都好像拍不出好的照片來,當時我有點失望,就在這個時候小蝦走來跟我說,這是難得的景色來,很多攝影發燒友都是為了等這個時候來拍照,想下想下又相信佢wor,於是大家又開開心心狂拍照起來。所以享受過程是最重要的,今年看不好,明年再來吧。
  • 小彭
  • 小貝, 茄, 係山區的天氣比較難掌握. 今次旅程, 我用多左對眼去睇野, 而唔係thru個lcd架. (因為我知我會影得唔好) um... 小蝦係一個不錯的旅伴喎, 咁識安慰你!

    大頭係咪要玩先... 不過我唔知佢開邊番... 捉虫咪死!

    小妹: 第五屆新秀...
  • 大頭仔
  • 第五屆新秀我才讀幼稚園
    玩唔到添!:p
  • 小彭
  • 大頭, 咁你上唔到我地架太空戰車喇! 呢題係入門題... ^.^

    小妹, 有大頭陪你搭JR啦... 記得執佢留低個幾十萬YEN呀...
  • 大頭仔
  • 哈,我有幾十萬 yen 就好喇!^u^
  • lau2tang
  • 呢啲問題一定難唔到Wordy!
    第五屆新秀冠軍:文佩玲﹝乜樣真喺唔記得﹞、亞軍-許志安、季軍-黎明。

    大頭仔,
    你無幾十萬yen,但有幾十萬股票喎!
  • 小彭
  • Wordy係PROFESSOR, 唔咁挑戰啦! 我其實係幼稚園LEVEL咋!
  • 小妹
  • 大頭,年紀細不成藉口o架.
    我話我小時只懂研究琴祺書畫,都走唔到呀!