彭彭堂

見小yee寫小狗, 我都唔執輸, 又寫下小狗.

從小我就喜歡狗, 又唔怕狗, 而彭哥則怕得要命. 幸好我地住的地方唔可以養狗, 否則可能會上演一場血戰! 亦由於如此, 由細到大(宜家), 都冇想過養隻小狗. 另一方面. 由於唯一的寵物小龜離世(由於餓死), 斷定我是絕不能飼養寵物的.

以下出現的大中小狗, 全部都是朋友的. 首先是Corgi, 她的名字就是Corgi*, 是威爾斯歌基犬(Welsh Corgi). 那時還未有THE DOG, 呢個品種唔係咁流行.

* 我記得Corgi呢個字係讀ごぎ(go gi用日文拼音會易明d), 但主人讀英文音cor gie, 咁就cor gie啦!

第一次見佢, 都有一兩歲大… 嘩, 個肚腩有冇再大D呀, 貼坐地ge… 同埋佢好文靜喎… 佢住個樹唔准養狗, 所以佢就好‘乖’唔出聲喇! (否則打到飛左出街)

Corgi食野其實都好節制, 不過可能少運動, 所以脂肪積聚… 有時餵佢食野(零食), 要佢跳幾下先有得食! 而每當一聽到膠袋聲, 佢就會定一定神, 就彷彿知道有野食!

後來佢主人有左阿細佬(我叫Corgi做家姐), 佢有段時間間歇地搬左去阿婆屋企到住. 嘩, 發達囉… 就好似放監咁, 有啖好食囉! 之後, 阿婆屋企試過唔見油鴨脾兩隻, 麵包數個之類! 到細佬差唔多一歲, 又搬埋去村屋, Corgi先返屋企, 一家團聚. 去到村屋, 活動地方大左好多, 但開心的日字, 只係維持有一年多!

~ 待續