彭彭堂

4月13日(水) 札幌/白之戀人/狸小路/RERA OUTLET/薄野

早: sky j
午: 狸小路拉麵
晚: しゃぶ禅　(http://r.gnavi.co.jp/h002902/menu2.htm)
宵: 八爪魚と中トロ
宿: JR Tower Hotel Nikkon Sapporo

· 今日的出發時間定晌9時左右, 之前先前往35/F SKY J食個buffet早餐先
· 餐廳景觀一流, 不過天色就麻麻地, 遠景就唔係咁清楚
· 食物有齊一般和洋早餐應有的食物, 我最愛的係醃漬魷魚(就晌北海道放肆一下吧), 佐飯一流!
· 晌lobby集合後, 便出發步行前往大通公園
· 其實去大通公園都係影一影個札幌地標 ~ 電視塔, 之後, 就鑽入地下鐵東西線往宮の沢
· 到站落車, e… 有個西友出口喎, 仲方便
· 有人用9秒9時間, 見到西友有枇杷賣, 轉頭一定要逛一下
· 到左白之戀人工廠, 大家先參觀一下, 旋即化身為整餅工友
· 小彭都算稱職啦, 不停為吳宅拍下親子家庭照 ~ 以準備定今年交功課之用
· 吳生整個富士山出黎, 真係嚇親人喎!
· 嘻哈兩個鐘… 吳太要買件拿破崙食先肯走
· 搭車返大通前, 先掃一下西友… 真係掃, 同平常去超市買野的情況大致相似
· 栗子, 爆穀(好難食), 飲品, 生果, 大八爪魚刺身一條, 中卜口, 火鍋醬料, 蘋果醋, 蜜糖… 唔出聲, 仲以為晌香港
· 買左兩大袋, 先搭地下鐵往大通, 前往狸小路食碗拉麵做午餐
· 又點解唔係去拉麵橫町呢? 團友們都鐘意食白色豬骨湯加幼麵嘛, 唔好去拉麵橫町浪費時間喇!
· 食飽飽後, 先返酒店‘雪’左d野, 然後又出發往南千歲
· 另外, 亦叫酒店幫我book薄野しゃぶ禅晚餐
· 去到outlet, 又係落雨, 不過我地全團都著晒防水外套, 大丈夫です!
· 其實我同A尋日黎南千歲, 除左為自己外, 另一方面, 係要為吳太打聽一下, 呢個outlet有咩野賣!
· 基本上, 吳太同A一齊shopping, 就等如悟天同杜拉格斯合體 ~ 悟天格斯! 為免血拼真係拼出血而亦要顧及吳生的忍耐力有限, 今日shopping要作重點出擊
· 先往NIKE, 尋日已經幫吳生target左對golf皮鞋, 大約只需hkd400
· 之後, 又去第二間鞋舖買鞋… 因為吳生平時晌香港好難買到鞋, 今次買左兩對, 真係難得!
· 再行左一d戶外用品店, 之後我就同吳生吳小姐去坐低, 食粒燒八爪魚丸同飲下柚子蜜先!
· 悟天格斯出動左45分鐘左右, 就歸隊喇!
· 拎住一袋二袋之際, 小彭領隊行錯月台, 結果前後一共等左約30分鐘先上到往札幌列車, 好彩大家都有位坐
· 返酒店抖一抖, 然後搭的士去薄野
· 短短數分鐘車程, 的士司機邊行邊介紹, 服務良好
· 到達しゃぶ禅, 訂了一間洋式的個室(每人附加200yen, 稅入), 二話不說, 來個黑毛和牛放題, 吳小姐可減1000yen
· 我們一行五人, 共開兩個爐, 每個都係しゃぶ再加小型鐵板燒(焼きしゃぶ), 即有d似$99韓式任式個種爐, 不過鐵板個度有‘洞洞’
· 人物分配方面, 吳生同小彭一組, 悟天格斯一組, 吳小姐就食兩邊
· 一開始, 小彭個面, 真係唔使5分鐘, 就清左一碟(8片)的牛肉… 拿拿聲叫第二碟
· 嘩… しゃぶ完d牛汁, 滴落焼き塊板個度, 彈起個d油… 救命呀… 做咩敢貪心要兩食呀!
· 即call店員求救, 結果佢俾左d吸油紙… 係冇油, 不過我地唔咁再玩個焼き…
· 衝得太快喇… 又係貪啦… 食唔落… 食剩四大片面膜… 黑毛和牛, 對唔住呀!
· 計一計數, 點都係放題抵d… 不過要慢慢食!
· 帶著成身肉味, 步行回酒店, 唔好忘記, 酒店雪櫃有野等緊我地
· 大家決定先沐浴更衣, 抖一抖, 先再黎下一餐
· A決定放棄呢一餐… 八爪魚好甜而不‘un’, 而中トロ‘好彩’唔係好肥… 食野冇難度!

是日感想: 黑毛和牛, 唔使多講, 又係美味食品. 5800yen一位, 價位絕對合理, 晌東京/大阪, 以呢個價, 只可吃到四片しゃぶしゃぶ!　不過吃牛呢一餐, 又令大家重新學習唔好貪同食野唔好趕, 要慢慢食! 另一方面, 同吳氏一家去旅行, 想唔增磅都好難!

しゃぶ禅 ~ 黑毛和牛

白の戀人 ~ 拿破崙