彭彭堂

好佩服小彭曾不只一次做領隊
真是一件不易做的工作
除非同行者的喜好有80%相同
如現實改變不到你擔此重任
就化壓力為挑戰,你掂呀
多一次經驗又變做加強版的小彭 ^^

加強版小彭!? @@, 我諗起"吾空"添!

我好明白小彭o既感受, 最怕人地話:都吾好玩o既, 點解吾去果道要黎e道呀...等等,
好煩. 你都係吾會諗咁多啦, 盡左力就算!

幸好捷克之旅另外兩個同行者暫時未有任何要求,
希望到時不要發生不愉快的問題就好了。

留唔到言．

再留：

我到而家都未有動力Plan台北o既行程，不過又要馬上決定book邊間溫泉
酒店，始終唔同日本，咩資料都有齊，所以Plan台北真係冇乜動力．

幸好團友們都係冇要求o既人，不過冇要求得o黎連叫杯水都要我開聲o個次
就激得我好嬲．

其實我o既身份都係一個團友，其實我都一定有想做o既事想去o既地方，我
都好怕人問：有咩好玩？有咩好去？，答案咪就係：我想玩，我想去．

每次旅程都一定不會完美，用一個怎樣o既態度怎樣o既心情去處理，對大家
o黎講，都係一種學習．

不過我覺得最重要計劃o既過程中你覺得開心，至於去唔去到食唔食到，有
時算到盡都未必在自己意料之內，我見過有人因為天氣o既問題嘈o左成年，
咁又何必呢？今次唔得咪下次囉，又有藉口去，幾開心！

1516呢個組合又會如何呢．

「撇」．

我覺得1516一定會好好多,始終大家都是熱愛自遊行的人,
只會把行程搞得更完善。不過一大班人去玩,一定要遷就,
這才是teamwork嘛。

娜姐,看看這個網有沒有用:
http://www.twem.idv.tw/

雖則今日死期到了...看到呢個題目都要彈出
來寫幾句.

我都很怕別人問 “有咩好玩? 有咩好去?”
因為我怕當我形容了一大輪那兒"有咩好
玩" "有咩好去"...然後無人回應,
deadair...

我好enjoy去計劃行程,但很怕團友因此而依
賴...例如有次在烈日當空下,我說要去對面
馬路看回程的時刻表,團友站在蔭涼處說:我在
這兒等你...

1516呢個組合又會如何呢．
>>>好令人期待!

平時我好叻教人將d負面野轉化為正面, 但一到自己就當局者迷! ><

我都好怕人地講點解唔去個度... 拿, 就係啦, 一早問要d咩唔出聲... 友人話唔使將呢d
說話放在心, 但自己始終梗住梗住...

仲有一樣好怕遇到ge, 舉個類似例子:

"食咖哩飯好嗎?"
"好呀, 無所謂!"
(食店中)
"叫咩食呢?"
"有無拉麵呀?"
"......"

呢個網我輕輕睇過，都係冇乜心機睇，所以最後係
去o左書局睇吓有冇可以穿泳衣o既介紹．

諗番其實上次去澳門都好成功．

la姐, 去鶴雅啦... 烏來個間! (搵阿寒鶴雅時見到的)

小彭，不用擔心，松島的燒蠔，不用找，行過都見有兩三檔，
穴子魚更加是每間食店的菜色。

烏來鶴雅我都見到！~^o^~

烏來鶴雅 @_@

打左好多野post唔到 :<

講番重點就算了,只係想講同1516的團友應該唔會有呢d問題,因為大家只有1個信念,最緊要
食得玩得同笑得,好!今次就等我同茄親身試下啦夾不夾啦!!!

我上次試過，OK，Good．

本人對小彭編寫之行程有百份之一百之信心,小彭曾替本人編寫過兩次行
程(東京及北海道),內容都細心得很,每日行程之交通時間班次都拿捏得準
繩,火車站之出口座向方位清楚,猶如給蘇師傅批算過一樣,令方向白痴如
本人及男友也能輕輕鬆鬆地完成充實的旅程!在此謝過小彭!

哈哈... 好明顯, 呢篇係繕稿! (謝謝!)

小貝，夾唔夾真係未知之數，小娜話OK，不過老師話有問題，
就係唔可以俾我同1010老師一齊去旅行，原因係我地兩個
走埋一齊去影相會賴死唔走，向一個地方影好耐都唔走。

小彭編行程點會信唔過, 比你提起我的傷心事
朋友一家三口東京5天遊, 要求我help her編行程
相信大家都覺無難度, 我亦相信no problem la
他們要求 : 全部以經濟為先 (包括機票酒店)
當他們回港後的反應是
1) 酒店房太細
2) 介紹他們的野食貴 (eg : pepperlunch)
3) 池袋無敵家的麵不夠餸, 味道唔算好食
4) Air-Ticket 入不到里數
5) 機位坐得不夠前
6) 不信我建議的路線,去到車駅再浪費半個鐘去問駅員點搭
Remarks : 友人老公連買個杯麵都話貴,但他們是第2次自由行
仲話4年後再去,以上6點全是友人老公的意見
聽完彼後可想而知我幾無引>.<
小彭至少你的心機無白費的

其實編行程係一種學習, 編完一個自以為OK的行程, 誰知經過實戰, 竟然會自己同自己講:
早知吾黎呢度玩啦, 無野睇ge, 又或者早知去隔離果間食啦, d壽司吾惦播等等, 在未知數
的環境下, 甚麼事情都會發生, 進而你會學習到更多的體諒和包容. 1516各人都是行家,
自會明白這點, 不過, 事前各人說明所想所求是必需的, 若協調不了, 大可退團, 無損友
誼.

\\\"早知吾黎呢度玩啦, 無野睇ge, 又或者早知去隔離果間食啦, d壽司吾惦
播等等\\\"

自己同自己講無所謂, 引以為鑑嘛, 同埋晌旅程中無可避免... 但如果出於
同伴口中, 而話
語帶有埋怨成份而事前又話無所謂的, 我係會梗住梗住的!

小奇的情況, 當然有遇過啦!

有一次晌無得選擇下, 多左四個團友. 問佢要double(900)定twin(1100),
佢話要
double, 要平, 為求夜晚有張床同沖個涼云云... 入住後, 就問點解我間房
大d(twin),
做咩唔幫佢book呢種... (我之前當然有解釋兩者的分別, 再者, 那酒店是池
袋大都會!)

死喇, 做咩咁小氣ge, 仲記住d陳年往事... 大家請見諒, 可能屈左幾年無地
方sung!

我比小奇好彩的係, 之前介紹一位同事去pepperlunch, 以後佢去日本都要
去食個霜降先安
樂! 佢ge feedback快靚正! (佢食開六歌仙等級)

如果咁樣叫做小氣，咁當冇事又叫唔叫縱容？

有o的o野我都梗住好耐，無處發洩！

小娜的發洩渠道又暴左光...

放心, 預留時間俾你!

唔...小彭是不是要開個"領隊之苦"topic給大家呻o下呢?

原來我地呢d愛好自由行者都常遇到同經歷
在朋友面前不想多提,免傷感情
咁呢到有藉口發洩下先^^

我的不快經歷是：幫朋友於網上訂酒店，千叮萬囑講明如果唔住，記得Email或聯絡我取消
Booking。點知佢真係甩底之餘，返來香港重若無其事，無同我交代番件事！激死！

pepperlunch都話貴!!對住呢類人真係唔
知點算好。

我未試過幫人編行程,不過今年年初試過
介紹一名公子經理去hana牛、根室花丸及
第一瀧本館,幸好回來後反應不俗,只是說
hana牛的牛肉太肥 (又是上等人!)

係呀,人多一起去旅行會有很多意見出現,好難滿足哂所有人的意願。
而我始終覺得最理想易辦事及經濟的是四個人一起去旅行

點解可以甩底呢... 平時book左枱唔去都cancel啦!

如果真係好突然去唔到, 都打個電話去講一論野, 以求安心! (因為大家可能溝通唔到, 但
都叫做左野!)

我有次晌御殿場買野買到過晒鐘, 都打個電話去旅館先... 講左15分鐘左右啦, 只係想講我
遲d到! (個時係講英文的)

小奇的朋友晌日本其實食咩? 通常第一次去日本, 好多人都話食碗拉麵都覺得貴, 跟住話香
港一碗雲吞麵10蚊咋... 但佢都唔係第一次去啦!

我的case只是朋友想我幫她安排行程,我沒有同行
在東京住平酒店多數酒店都很細,我地絕對明白
離池袋駅行1-2mins,做特價約7500yen一晚 (Twins)
居然話房太細,下次一定唔住,唉!下次我都唔敢幫佢book了

哈! 哈! 小彭: 我同你同一個疑問
我都有講,『你上次都去過日本架,去得日本就要預左同香港消費唔同』
同時我話,你覺得我介紹的地方食得貴的話,你可以唔入去食
自己食鍾意的野咪得law,不過全是她老公的意見,她自己是無意見的
佢都有同佢老公講:下次你自己搞翻啦

我到現在都無問佢究竟點解無住到間酒店！如果因為有緊要事去唔到，我估佢會事後同我講
翻，依家佢提都唔提，証明理虧在先啦！攪到我個Jalan戶口內大大隻紅色字Mark住「無断
不泊」！

咁「無断不泊」會點架，會否影響你日後booking呢？
無端端你變左失格的人－＿－
有時想幫人都變左反效果

原來大家都有好多野要發洩出來。

我暫時比較好彩，未遇到以上情況。

其實有時又吾洗太上心, 因為講果個都可能係"講下"佢ge感受啫,
吾係"埋怨"o既,(尤其係屋企人)

>>>擔心吃不到松島蠔

吾記得講添: 小心鹹蠔!!!

我都覺得小嘉講得o岩，去旅行一定會有意見，o的意願亦好難滿足得哂
(自已咁多意願都滿足唔哂啦)，但係人o地幫你安排埋，你自己又咩都
冇做過，同埋事先已經講得一清二楚，我覺得真係冇資格事後番o黎批評
人埋怨人囉．

無断不泊？我一定不留情面！！！

哎呀, 今次一定食唔到松島蠔喇... 因為我去的是廣島, 不是松島! 嘻嘻!

依! 咁咪可以留下次law XD

小彭: 我會去松島,等我代你食多幾隻... 哈哈哈.....

小彭去宮島都有得食......

紅米奇，
初初我都驚會影響日後的booking，好彩之後我再訂房又無事喎！總算有驚無險！
但我以後都唔會容許有這樣的事情再發生在我身上！

小貝, 都係果句: 小心鹹蠔!

小yee: 咁即係食唔食得蠔呀....

150yen/隻松島燒蠔, 另外セット又食過, 蠔粥又食過, 都無事個喎!

小yee係時運高食到鹽蠔(其實應該有d變質)...

貝拉, 硬係食啦, 好好味呀! 呢隻蠔我係食到肚滿腸肥之後忍吾住係街邊再買黎食架,
點知...
學小彭話, 我時運高!