彭彭堂

約了Q總和頭總傾生意, 我想揸筷子吃中菜, 之後就從頭總的食店名單中, 挑選出強記大牌檔. 雖然說是大牌檔, 但也有室內位置, 但廚房仍然是在街上.




Q總和頭總建議先吃一兩味來試探虛實, 如有不妥以便撤退. 第一味是老闆建議的墨魚餅拼豬扒. 墨魚餅, 又愛又恨… 既然來得傾生意, 呢d場合, 唔適宜呢樣唔食個樣唔食嘛(哈哈!)… 以後出黎食飯都要以傾生意為名…

墨魚餅很迷你, 但很新鮮結實, 食得出是真材用料. 而豬扒味道不錯, 但又不是非吃不吃… 其實係可以拼豬大腸的…


吃過這一味, 就再點薑蔥生蠔煲及啫啫雞煲. 薑蔥很香, 生蠔當造, 十分鮮味, 不比流浮山的遜色.


啫啫雞煲是招牌菜, 一上桌就傳來南乳味. 據Q總和頭總說, 加入南乳, 這跟傳統的啫啫雞做法有點不同, 不過相同的是都加入了豬潤, 而且份量不少. 雖然做法有點不同, 但雞件和豬潤也十分好吃.


最後追加了另一招牌菜焗魚腸… 點菜前大家也猶豫了一會… 高膽固醇喎… 不過都食左幾味啦…




一看, 大家臉色一沉, 好乾喎… 但一食之下, 雞蛋好香滑而魚腸份量足而沒有古怪味道, 好味!

街坊食店就街坊價錢, 四味菜+啤酒兩枝共二百六十(左右).

別過強記, 就去區內另一名店“松記”吃糖水.

Q總很專一, 點了楊枝甘露.


這是頭總的.


我點了“雪山”. 內有椰汁糕及自選的紅豆雪糕. 我很少點這類“新派”甜品, 這個一次過滿足幾個願望, 味道很不錯, 而且只是十幾蚊.


稱得上生意晚飯就真係傾生意嘛… 有大方向, 細節未OK… 留待下集吧!