彭彭堂

折騰了一天, 到下午四時, 終於BOOK左有骨氣, 留左間房!

這是小彭第一次去有骨氣, 同坐的只有N生N太來過兩三次, 評語是不過不失而已.

7時半左右, 8人已到齊. 房間不大, 但設有很潔淨的洗手間.

點了蕃茄薯仔豬骨湯底, 第一輪是小彭點的, 大約有: 有骨氣肥牛(大, $170), 美國桶蠔($98), 游水生蝦($58), 白鱔片($35), 豆苗/唐蒿/金菇菜(各$25), 招牌四寶丸($38), 發財鯪魚球($38), 鮮製墨魚滑($35), 魚腐餃子($38), 蟹蚶(蝦膠的?!, $38)



菜單上有很多“古怪”的東西, 包括有: 豉汁鳳爪餃, 梅菜扣肉餃, 蔗蝦, 蘿蔔坑腩餃… 等等, 都是很好奇, 但又不敢點的.



牛肉個樣又幾靚仔喎, 放了一會也沒有出晒水的情況, 而味道不錯, 淥耐左都唔會有鞋的感覺. 而鱔片又係另一喜愛的, 肉脆又爽口, 亦沒有水汪汪的情況.

第二輪由N生主理, 有: 豆卜($22), 牛柏葉, 水魷($35), 魚雲($35), 金錢牛展($60), 有骨氣肥牛(大), 羊肉片, 鵝腸, 豬軟骨($40), 生麵($25), 水餃($38)



另有免費芒果糯米滋及椰汁西米露.

整體食物質素又唔錯喎(小彭認為有骨氣係小肥羊的同類), 座位舒適又夠靜, 服務也不錯, 但醬料就只有豉油及辣椒(每位醬料茶芥是$15), 其餘的要額外加錢. 另加酒水, 85折後是$1550.