突然很想吃咖哩豬扒飯, 想起了三河屋.
曾幾何時, 當有人跟我說不如去三河屋時, 我會: "吓?! 唔好啦". 如果只看了有關三河屋的報導, 或會想去試一下, 但當我知道原來久唔久也經過那一間, 就是大名鼎鼎的三河屋時, 又實在提不起勁.
七時半, 有三組人在門外等位. 再仔細看看店內, 有一架14吋電視, 用即棄膠杯裝水/茶, 枱是密密的, 大多人也是吃拉麵及飯. 最後, 我買了一份咖哩豬扒飯回家吃.
咬一口仍然很脆的豬扒, 感到很開心了. 麵包糠比平常的吉列粗粒, 豬扒稍薄, 飯卻不錯, 疑似日本米, 最少也是珍珠米. 至於那咖哩嘛, 只是日式咖哩磚貨式, 沒什麼特別.
以$48買一個飯盒, 對我是有點貴的. 不過為了要吃而吃又吃得到, 又是另一回事.
要特地來吃一次嗎? 大家不如先找找屋企附近有沒有誠意秘店吧!
文章標籤
全站熱搜
小彭四圍遊 (37)
吉列豬扒放晌飯面都唔淋 以經算好武功喇
所以一咬落去真係好開心o架!
呢期我的心水是大戶屋！
真係咁得?!
啲咖哩汁幾多喎 可以留番第二餐~~ 今晚經過大戶屋 人少咗啲喎！
真係多到可以留番第二餐, 不過我無咁做... (我走偶像路線架嘛!)
我屋企附近無秘店@_@
有都唔好比人知啦, 低調.
有時好羡慕小彭, 竟然可以經過咁多食店, 我只能夠經過麥記同新榕記.
之但係我屋企附近真係無野食個喎!
小儀, 新榕記絕對是我有史以來吃過最難吃的食店之一，連起個名都已經叫俾面了！
反而想試下喎... :p
應該是「連提起個名」才對。
根據OR最新民調,十大好評餐廳你屋企果頭佔了兩間喎. 我家附近只有大快活同SEVEN美食吧咋!
我屋企附近都係得阿活咖哩同麥當當拿鐵左播! 會唔會攪錯左呀!
劉鄧: 係! 絕對係, 基本上我都吾記得有間咁GE野係度! 小妹: 我附近仲有間"我的"呀, 入吾入十大呀? 好彩佢最近摺埋左. 主啊! 賜間好味GE食店黎啦!
我只求d野唔好難食就得.