彭彭堂

講o左都接近兩個月嘅日本語同學會聚會はるまきパーティー(harumaki party)終於舉行喇!




先生明明話整關東煮o架嘛, 不過由於天氣熱無整, 大家都有d失望. 而先生dはるまき, 竟然係東南亞美食巡禮, 蛋皮はるまき我覺得最得意, 仲有日式沙律, 酸酸地好醒胃. 之但係我食左晏, 真係唔係好食得落. 同學方面, 有人買左枝紫蘇梅酒(又唔難飲喎!), 有人整左楊枝甘露(據說好食過利苑o個d), 有人和我就買左ふとまき. 新鮮整無雪過嘅ふとまき真係好好食喎! 其實呢... 我覺得大家一定係好唔鐘意我囉... 先生dはるまき有一半以上都有紫蘇, 我講左N次我唔食架啦... 同學買梅酒竟然揀左有紫蘇嘅... 楊枝甘露我講左要落宮崎芒, 呂宋芒我唔食得架嘛... 嗚嗚~ 好... 我走...



鏡頭一轉, 轉左去另一個廚房. 其實我未食過王將餃子, 所以好想食, 由一個未煎過餃子嘅人去煮, 係唔夠脆, 但都幾好食. 叮叮北海道南瓜薯仔餅又估佢唔到, 好食嗰喎!



終於開了波華樓送的清酒. 清酒很淡易入口, 十分適合唔識飲酒嘅我. 晌Apita的日本食品節, 見到有好鐘意食嘅平目魚邊, 仲有望落唔錯嘅本マグロ(食落都唔錯喎!), 結果就買左d刺身.



今次d鮑魚由擦鮑魚達人晌鵝頸橋街市買, $120十隻, 擦得白雪雪好可愛呀! 今次太得意忘形唔記得洒小小酒, 不過落左超大量薑蔥, 所以夠晒香.



朴葉味噌由朴葉味噌達人去主理, 沒有預備肉, 只有素菜. 大家試食後, 都覺得呢款攞命牌(又名 : 飛驒山味屋)的朴葉味噌, 比起之前吃過的牌子, 是最啱口味. 不過我仍是覺得朴葉味噌, 要在日本吃, 才是最好味!



擦鮑魚達人又買黎灣仔名物: 再興叉燒&燒雞肝, 再加埋鮑汁鳳爪同埋枝竹, 咁又多兩味餸喇! 食到咁上下, 又係兼六家特飲又出場嘅時候: whisky & green tea on the rock同埋cola on the rock! 其實都買埋益力多架喇(有無人試過益力多溝威士忌呀?), 不過怕見報都係剩飲好了! 晌Apita見到有特價(又未爛)的印度阿芳索芒, 一定要買! 除左宮崎芒, 印度芒我都食得架!



食得飽無飲醉, 配合唔到不醉無歸的主題... 下次再飲過呀!