彭彭堂

農曆年前事忙, 未有時間執屋. 突然有咁多人黎拜年, 無野準備, 唯有即刻整番味彭家賀年食品招呼大家.

其實腐皮卷呢樣食品唔一定係要農曆年先整, 但自小彭懂事以來, 每年彭家就只有新年先有得食.

了解小彭嘅人, 都知我有好多野係唔食同唔可以食, 其中一樣係紅蘿蔔. 而新年, 食呢個腐皮卷, 就係我食得最多紅蘿蔔嘅時候喇!

材料: 紅蘿蔔, 蓮藕, 冬菇, 蠔豉, 腐皮

材料預備:

冬菇及蠔豉浸軟由彭爸切絲. 紅蘿蔔及蓮藕由彭爸刨絲. 彭爸彭媽新年前去深水步排隊買腐皮, 然後彭媽將一大塊圓形的剪成小正方形. 年三十, 彭媽會先煮好餡料… 其實都只係將材料煮熟加少許鹽調味.

做法:

年初一, 小彭出場了.


彭媽翻熱了餡料, 小彭就好似用包春卷的方法捲成腐皮卷. 即係一年只做一次, 又由於時間關係, 所以呢, 就捲得不夠實, 又唔夠靚. 亦由於餡料有熱力, 遇上腐皮會自動黏住, 只要留心封口位就得.


之後就預備熱油, 不用太多, 比平常煎野多小小就可以. 油熱, 壓住腐皮卷的開口放入油中, 令腐皮炸開變脆, 再反轉煎炸埋另一面, 就攪掂喇!




皆さ、どうぞ。

祝大家新年快樂, 身體健康!