這星期在吃方面總碰上一些怪事. 一些本是平常不過的一樁小事, 但接二連三的出現, 串連起上來就有點邪.

食意粉:
吃蒜片白酒青口意粉竟然吃出鹹酸菜的味道…

吃泰菜:
叫炒芥蘭就黎椰菜苗, 叫泰啤就黎Guinness, 明明說要吃蒜蓉包的人卻吃了兩碗飯…

去Discovery:
點燒餅來了拼盆, 點飲品又錯晒… 飲品錯, 味道都錯… 當時我已告訴大家, 問題可能係出自我身上…

去飲茶:
利苑最出名的是什麼? 我的標準答案是楊枝甘露. 我要的是一客楊枝甘露及一客龜苓糕, 落單後, 侍應轉頭回來冷冷拋下一句: 兩樣都無… 沒再問我想再點什麼, 更沒再給我餐牌… 難度只能點那個推介的什麼天山雪蓮麼?

食粥:
錯晒… 全部錯晒… 真的可以去酒店吃個午餐…

吃下午茶:
晚餐不錯的餐廳, 下午茶竟然又是另一回事, 這種逆轉的情況很少遇上. 不可以點晚市的a la carte(勉強也可以理解), 甜品跟午市/晚市的不同, 下午茶時變得怪形怪相且過於花巧, 半小時前點了的焦糖蛋糕, 在我吃完鹹點後才跟我說剛剛賣完而轉為黑森林蛋糕. 小問題在於賣完, 大問題出自那侍應身上. 他在迫我要黑森林蛋糕, 而且對於為什麼沒一早預留一件焦糖蛋糕給我, 從沒給過一個合理答案及表示歉意, 只想盡快要我決定要不要黑森林, 不要就取消. 在我記憶中, 我很少在食肆發脾氣, 亦很少去問侍應一些“點解”之類的問題, 但那一刻我實在是好嬲. 之後, 再看到他對其他外籍客人的是另一種態度時, 更令我覺得這侍應很討厭.

打發時間:
原以選去麥當勞是最穩陣, 怎會料到24小時營業的店舖會因水浸而要暫停營業… 結果又去了查理布朗… 沒什麼, 不過差點被粒糖梗死…

食金邊粉:
沒什麼, 只是原來我是不吃金邊粉的… 希望我記得, 不要再吃錯…

這個星期對我來說是有點特別事情發生了, 也算平安地渡過, 但也有另一番體會.

ec2eat 發表在 痞客邦 PIXNET 留言(10) 人氣()


留言列表 (10)

發表留言
  • lau2tang
  • 就當成是被厄尼娜現象所影響好了!
  • supageti
  • 厄爾尼諾 + 拉尼娜 = 厄尼娜現象?哈哈 ~
  • 友人
  • 8中3,好明顯我是受人拖累...
  • 小彭
  • 係咪d譯法唔同呀... 點都好, 就當係打風影響啦, 仲有係傳聖火呀!

    友人, 去到#3我都已經自我反省架啦! 咦, 尋日打風... 無事呀嘛~
  • 小頭
  • 咁,仲會再吃咖哩嗎?
  • 小彭
  • 咖哩店係可以再去嘅, 不過暫時又唔使再去住囉!
  • 波友
  • 打波先黎落雨,唔通連個天都唔鍾意我?
    聽日一定會好天嘅!
    希望在明天呀嘛!
    其實落雨又有咩好怕喎!
  • 小彭
  • 落雨不怕, 落雪也不怕... 不過都唔係咁鐘意姐.
    唔... 希望在明天係啱嘅... 尋日唔知點好嘅事, 今日已經攪掂! ^^
  • lau2tang
  • 哎呀!又畀意粉捉到錯處添!
  • galaxy
  • 係咪時候要透透氣先 ?