金巴利街和金巴利道, 有不少韓國食材店及食肆. 鱔稿王久不久也會有介紹.

日語興趣班的上課地點就在金巴利道, 同學受韓劇影響, 也想吃一碗炸醬麵. 每次當有人這樣說時, 我也會說: 唔好食架! 事緣豐園對我來說是一間地道的韓國餐廳, 有一次去了吃炸醬麵... 很香, 但吃起來一點味道也沒有, 越食越怪, 因為跟香味完全不配合, 要加入大量泡菜和明太子以加深味道的層次. 不過同學想去的是"漢城美食", 記得鱔稿王介紹過, 店舖很細, 又不貴, 基於我沒有提供反見意下, 有一天, 就去吃炸醬麵了.





只有一張六人枱, 一張四人枱, 另有單邊位三四個. 六時到達, 樓面只有一位年過八十的婆婆主理, 笑容很友善, 不過主要是說韓文的. 很快就點了炸醬麵, 炒粉絲及烤牛肉. (同學明明認真地諗過一期韓文, 不過看著牆上的韓文, 連拼音讀音也差不多完全忘記了. 所以學習語言, 真的要多點練習啊!)

一邊等, 聽到廚房傳來炒菜聲, 也有陣陣香味.



泡菜, 一點也不辣, 嗜辣的一定會失望. 炒粉絲, 很香很好味, 但份量不多. 但細心一想, 平常吃一碟炒粉絲也至少要$80, 現在收$50, 兩三人分享就剛剛好. 烤牛肉沒有烤味, 有點像牛肉炒雜菜, 或許是文化差異, 烤和燒是不同的. 炸醬麵一到, 很香. 或許一直也沒有期望, 入口的味道跟香味很配合, 炸醬煮得香而麵條也很好吃, 比豐園的美味和便宜.

只吃了一次, 很快便作了結論: 這裡適宜點一些澱粉類食物.

此點定位是家庭式韓式小店, 一般雜誌也是這樣介紹, 而結帳前也遇上四名看似本地旅居的韓國人. 不過假如你發現剛才的食物, 是由一位尼泊爾廚師去主理時, 會有什麼感覺呢? 有否懷疑自己入錯門口, 或是有種被騙的感覺呢?

我的答案呢...... 以前的我, 跟現在的我, 應該有不同的答案.
創作者介紹

彭彭堂

ec2eat 發表在 痞客邦 PIXNET 留言(4) 人氣()


留言列表 (4)

發表留言
  • 大頭仔
  • 我都好想試下嗰頭嘅韓國菜,但係好似間間都唔平咁喎~~
  • 呢間咪平平地囉! 黎緊兩三個月仲晌個頭蒲, 應該會食多幾間.

    ec2eat 於 2008/10/03 22:09 回覆

  • 小妹
  • 炸醬麵!!! 我要去~ 我要去~
  • 係真唔係呀, 上次同你講又無反應, 哼!

    ec2eat 於 2008/10/03 22:10 回覆

  • maymay
  • 睇張相,呢間舖頭應該唔會坐得舒服喎~
  • 事實都係, 仲係食完就要起身!

    ec2eat 於 2008/10/03 22:10 回覆

  • 小貝
  • 碟炸醬麵的賣相跟我在韓國吃的差不多,但在韓國吃的很不錯呢.
  • 我記得韓國d牛肋骨湯麵好好食, food court已經好得, 離起飛一小時, 都要去整多碗先上機. 香港係完全食唔到.

    ec2eat 於 2008/10/06 22:31 回覆