約六時半, 終於出發前往迪士尼. 由酒店出發, 經過荷利活酒店後, 便到達迪士尼交通中心, 再步行往迪士尼樂園.

入迪士尼前, 要做保安檢查, 連小彭的小腰包亦看一下... 步入樂園, 亦要影一張行貨照片 ~ 火車站車站跟米奇草坪. 捐過橋底, 走進小鎮大街! 咦... 個堡壘呢... 嘩... 真係幾迷你喎!

一路行往明日世界, 其實都無咩想玩, 無咩方向... 少爺仔見到d飛碟話要玩(小彭晌荔園時代玩過架), 大家就排隊, 預計10分鐘... 但係五分鐘條Q都唔郁, 而前面都有成百幾人喎... SPACE MOUNTAIN排二十分鐘, 小彭即時帶領表姐同吳小姐, 一共三人去玩另一個GAME先! 結果老闆們玩左飛碟同巴斯光年, 我地都未玩到SPACE MOUNTAIN, 排左40分鐘... 小彭覺得有被騙的感覺! 而排隊時, 又有兩個靚仔想打尖, 小彭即時伸出左手, 欄住佢地, 而排小彭後的外籍人士, 亦出聲叫佢地唔好郁: "STAY THERE!"

出番SPACE MOUNTAIN, 剛好八時正, 有煙花表現! 我最鐘意DISNEY的音樂, 係會有令人開心的感覺! 但晌一個小堡壘周圍放煙花, 就有小小怪怪的感覺! 看過表演, 便與老闆們在明日世界區匯合(因為大家都晌個度附近)... 但就被迪士尼職員不禮貌地趕離明日世界, 話已經閂門, 無野玩架喇! 雖然客人唔係大晒, 但作為服務人員, 唔該, 唔好意思都要講句嘛, 仲要呢度係帶俾人歡樂的迪士尼喎!

講起都有D勞氣, 我晌迪士尼樂園問職員野, 一定開頭+結尾都"請問+唔該"(習慣左), 兩日前後大概問過10個8個人野, 只有兩個會講"唔使唔該"之類GE野, 其中一個更叫我地搵定個陰D的地方睇PARADE啦(問PARADE時間)... 但其他人的服務質素, 就有待改善!

離開迪士尼返回酒店前, 晌車站接埋彭媽, 橫掂有多張床, 咪入埋黎訓, 唔使晨早入黎食早餐!

返到酒店, 係搵食的時候! 選擇唔多, 去左小巫師酒廊食D麵, 意粉同三文治... 九點四十五分埋單, 小彭即帶彭媽去見識一下Kingdom Club Lounge, 食個甜品, 飲杯奶, 而老闆們先返房梳洗! 十五分鐘後去到房門口, 做咩姨媽企晌門口迎接我ge? 噢... 隔離房落左防盜鎖, 而連接門又在另一邊房間被關上(共兩度門)... 咁, 要搵人開鎖呢!

攪左一輪, 拆左個門鎖, 終於開番度門, 大家梳洗後再睇埋15/16, 小朋友們便乖乖訓覺! 而小彭, 就一邊飲汽水, 一邊玩下個按摩浴缸先啦!

小彭和彭媽的梳化床


按摩浴缸


待續 ~ 預告: day two 翠樂廳卡通人物早餐
創作者介紹

彭彭堂

ec2eat 發表在 痞客邦 PIXNET 留言(5) 人氣()


留言列表 (5)

發表留言
  • wyng
  • 個按摩浴缸好冇玩呀? 飲左幾多支氣水呀?
  • 小彭
  • 我呢d大鄉里, 實覺得好玩, 不過無帶溫泉粉, 失策...<br />
    <br />
    飲左一罐汽水咋! 都無refill過個mini bar!
  • LaLa
  • 「而小彭, 就一邊飲汽水, 一邊玩下個按摩浴缸先啦!」<br />
    <br />
    好得慼咁o咼 ...<br />
    <br />
  • 小彭
  • 實情係:<br />
    <br />
    「而小彭, 就一邊飲汽水, 一邊睇電視, 再一邊玩下個按摩浴缸先啦!」<br />
    <br />
    做一晚暴發戶都得掛... ^^
  • 1010
  • 確實好舒服喎!<br />
    有帝王式的享受啊!
找更多相關文章與討論