第二天早上, 七時我便起床.

7:30 第十站 酒店早餐

我一個人去了吃早餐, 為的是要喝杯咖啡, 吃了少量炒麵及一個菜肉包… 另一方面, 若果不吃套票附的早餐, 就會有很蝕的感覺! (第一天已經放棄了免費下午茶)

8:30 第十一站 三元粥品專家


友人昨晚說想吃粥, 記得小頭也來過, 便來了這裡. 比小頭好彩, 今天有齊金銀丸呢! 點了及第粥(小, $16)和金銀丸粥(大, $18), 再要了一碟油炸鬼.




我覺得粥底略鹹, 不過友人不認同, 覺得可以接受. 大的金銀丸粥, 豬肉丸有最少有六粒(數了, 但忘記左), 牛肉丸只有三粒. 這個豬肉丸, 才是豬肉丸. 若豬肉丸是很好吃, 牛肉丸就會是非常之好吃/勁好吃了! 我真的很喜愛這裡的肉丸呢!

我: 係咪去食麵呀?
友: 唔係宜家呀嘛… 你都食唔落啦…
我: ……

結果, 我們先去了大三巴附近逛一會. 時間尚早, 沿路行人不多.






看見了福娃傳聖火, 當然也要逐一拍低"北京歡迎你"留為記念.

小朋友: 點解你個個都影?
我: 我要影晒咁多個嘛, 儲齊一套...
小朋友: 福娃得五個, 呢度有七個喎?!
我: er... 係咩...

小朋友想去大砲台, 登山練習這活動, 就由我來帶隊吧!




10:00 第十二站 黃枝記

本來想去試一些新的麵店, 但想去的要晚市宵夜時段才營業. 看來看去(咪又係個本旅遊書), 早上的選擇不多, 結果又走去議事亭前的黃枝記. 我一翻開餐牌, 不禁說出: 好貴呀! 點了$27的蝦子撈麵一碟, 牛肉通粉及三杯飲品, 埋單共八十多元.


回酒店前, 先去了氹仔, 為的是要去取沙度娜的免費木糠布甸(買套票附送), 順道去咀香園取蛋卷(又是買套票附送), 再買點手信, 然後便回酒店退房.

12:00 第十三站 坤記餐室

為什麼會選坤記? 因為友人昨天看旅遊書時, 被那個炸馬介休球吸引著, 而地點又近禮記(取雪糕), 所以就來了這裡. 除了炸馬介休球外, 點了店員推介的牛尾和燒雞(1/4), 飲品也點了店員推介的無花果茶.










牛尾只有三件, 肉腍但又不至於爛, 友人很愛吃. 而我, 則比較喜愛炸馬介休球多一些. 本來是點燒豬柳, 但當我一聽燒雞是用鮮雞做, 便要雞而捨豬了. 雞燒得不錯, 但配上的汁實在很鹹, 令燒得很香的雞也失色了. 無花果茶沒什麼特別, 感覺就如喝銀菊露一般(當然味道不一樣). 埋單只是$175, 也算是經濟地吃了一頓葡國菜吧!

吃了午餐, 便往同在水坑尾街的禮記取雪糕雪條, 然後往港澳碼頭. 13:15, 已經坐上回港的噴射船上.

在澳門逗留了大概二十六小時, 對我來說只是得一個忙字. 基於米貴及糧食危機的影響下, 我已盡力地吃所有食物, 沒吃到胃痛肚痛, 回到家中晚上也有肚餓的感覺, 已是很感恩了! 對上一次來澳門是八個月前的事, 但已體驗到物價飛漲. 什麼也好像貴了, 除了巴士的車費外. 上一次只乘了一次的士, 今次搭多了, 覺得很貴. 走在街上, 也聽到當地人談論何特首派糖的措施, 不過全部只是彈, 沒聽過讚的.

出發前, 有人提醒我不要住威尼斯人, 亦慶幸最終也沒有入住, 因為我根本沒有一刻空閒的時間去慢慢行, 慢慢看. 始終這裡是澳門, 不是LV, 不能當為去旅行嘛!

ec2eat 發表在 痞客邦 PIXNET 留言(10) 人氣()


留言列表 (10)

發表留言
  • HY
  • 你(和小友們)的食記源源不絕,一篇比一篇有份量,好勁呀!
  • 小妹
  • 我...(即係仲食得落啦:p)
    坤記馬介休球我有興趣, 比起escada的又如何?
  • 小彭
  • 由今天起, 我會食番少d架喇! 平時, 我都好細食...
    馬介休球的味道同escada差唔多, 不過呢度大粒d喎! (不過我對食ge要求好低架咋!)
    坤記唔差呀, 大件夾抵食, 碟碟都係四十幾蚊囉! (我朋友其實唔係咁喜歡食葡菜, 呢度就啱喇!)
  • 小頭
  • 跑過幾次馬拉松,總算是練有所成...
  • 小Q
  • 轉運啦,轉運啦,連牛肉丸都食到...
    星期四見小彭出現都不會一言難盡了...
  • 小娜
  • 出得咁快o架 ......

    即係威尼G人入都冇入過?

    係時候教吓小朋友,要認清楚邊個係老細呀 ......
  • 大頭仔
  • 真係勁多嘢食勁好食啊!^t^
  • 小貝
  • 澳門的食店貴了很多很多,所以呢, 不可再話黎澳門食平野了....
  • 小彭
  • 小頭, d步速做得唔係幾好囉!
    Q san, 打波先黎落雨喎?!
    小娜, 我呢d重量唔重質係可以好快的. 插針都插唔入啦, 仲威尼斯人... 最弊我個款唔似老細嘛!
    大頭, 呢日差在無食雪糕囉!
    小貝, 真係唔平, 以後只可以話黎食好食嘅嘢!
  • supageti
  • 我最難忘澳門既撈麵,真係正正正!