• Jun 28 Wed 2006 10:56
  • 廟街

休息(腸胃)了一星期, 約了M&N晚飯, 本屬意佢地屋企附近的小菜館, N突然轉軚, 話去廟街!

橫掂係N俾錢, 是但啦, 不過係有D擔心, 食完會唔會肚痾呢!?

午間天氣酷熱, 但晚間氣溫卻還可以接受!

啊... 晚間的廟街(佐敦)原來係咁樣! 係呀, 我未試過夜晚去廟街, 平日都是路過而已!

N好快搵到之前到過的一所食店, 好多外籍及內地遊客幫襯, 外籍遊客就多數坐露天, 而我們就梗係坐室內冷氣位啦!

好快點左炒蜆, 灼司庵, 蠔餅, 蒸貴妃蚌, 炒菜及炒麵!









唔知係咪怕遊客食左會出事, 所以無論係炒, 灼, 蒸都係overcooked. (後來伙計說如要唔好太熟或生小小, 可事先要求)

第一次吃司庵, 原來司庵係咁鮮甜! N說: 咪係あかがい(赤貝)囉! 如果生D, 會滑好多!

蠔餅其實可以叫粉餅, 因為只係一餅粉, 呢D野只可呃到外籍遊客!

最好的是炒菜, 夠鑊氣, 而炒麵亦唔算油... 而汽水, 係唔知邊個中東國家的出品!

N: 去另一邊食蠔餅, 個D先至係真正蠔餅... 個邊仲有豬骨粥, 煲仔飯, 好抵食...

埋單, $250!

行廟街的, 九成以上是遊客, 幸好大家都換上T恤短褲涼鞋, 都有旅行FEEL啦!

經過左PALM READING, BONE READING檔攤, 去到油麻地個面的廟街. 一行入去, 對我最觸目係歌廳, 門面有D似90年代初期的社區中心/青少年中心, 有大量HELLO KITTY裝飾, D叔叔伯伯就晌入面飲酒...

呢邊的食檔, 明顯係靜好多... $18個煲仔飯, 水準係點? 都係寒冬先食啦!

來到蠔餅店, 店外只有兩張枱仔, 點了一 個小的.

看見嬸嬸打蛋, 加蔥, 落鑊... 上桌了, 咁大碟的, 有兩塊喎, 是大的嗎!?



"$20" 這是細蠔餅!

脆卜卜的面層, 吃入口, 是有蛋味, 蔥很香, 而蠔是新鮮且足料! (這跟先前吃的, 是天堂與地獄的差別!)

食食下, 有個大叔蹲在前面的竹籮前, 把一D野收在籮底... 唔會係咩話, 我好驚個喎!

原來係鎖匙, 那是用來開隔離大廈大門的鎖匙, 那大叔是賣老翻光碟的!

廟街, 真是一個有趣的地方!


創作者介紹

彭彭堂

ec2eat 發表在 痞客邦 PIXNET 留言(10) 人氣()


留言列表 (10)

發表留言
  • ellen
  • 炎熱夏天,逛夜市,會否有點辛苦呢!
  • joeyee
  • 又一次證明, 小彭真係好"察"得!
  • LaLa
  • 小食為妙小食為妙 ......
  • galaxy
  • 無錯廟街真是一個有趣的地方!<br />
    我試過在路邊打邊爐,突然下起雨, 雖然無野遮,但雨點小,無傷興致, 繼<br />
    續食............<br />
    不過後來才知點解臺上的果汁飲極都重有,不用refill........
  • carjaswong
  • 小彭真係乖女,連夜晚的廟街也未去過,<br />
    不過話時話,我也有十多年沒去了,<br />
    看你的形容似乎還是老樣子。
  • Ahfour
  • 咁小彭你可唔可以報告下有無肚痛.....
  • 貝拉
  • 我剛巧八年前去過一次,一些香港朋友帶我去食的...食的野同你差不多,廟街真係好熱鬧,就<br />
    算個次係12月,但我仍感覺好熱..... 不過係大排檔食野有另一番風味....但食完個餐後,<br />
    我地一行六人,其中有4人腸胃炎, 皆因佢地食左炒司庵,蜆等.... 可能學你話齋真係煮唔<br />
    熟.
  • 小彭
  • 嘩... 我真係好好彩, 真係少吃為妙!<br />
    <br />
    食貝殼類食物, 真係要非常小心!<br />
    <br />
    Jason兄, 我唔係乖, 而係廟街的感覺是: 非常之龍蛇混雜!<br />
    <br />
    下次可能會為左煲仔飯而去的!
  • 貝拉
  • 我記得有次我哥哥叫了個炒蜆,點知d蜆未開晒口,他自己將未開口的蜆打開然後食, 結果<br />
    點? 腸胃炎入左醫院...所以食d類食物真係要小心d...
  • 阿茄
  • 聽得太多不好的例子,我諗貝殼類食物最好不要在廟街食,我上次去廟<br />
    街都好似係2-3年前既事,食廟街d野更加是5-6年前既事,食咩都唔記<br />
    得左喇。
找更多相關文章與討論